लातूरमधील मध्यवर्ती बसस्थानक परिसरात झालेल्या सोनसाखळी चोरीचा गांधी चौक पोलिसांनी अवघ्या काही तासांत छडा लावला आहे. प्रवाशांच्या गर्दीचा फायदा घेऊन महिलांच्या दागिन्यांवर डल्ला मारणाऱ्या एका सराईत महिला चोरट्यास अटक करून, पोलिसांनी चोरीस गेलेले ७० हजार रुपयांचे सोन्याचे दागिने हस्तगत केले आहेत. ही घटना ९ जून २०२६ रोजी रात्री सुमारे ९.४५ वाजता लातूरच्या मध्यवर्ती बसस्थानकात घडली होती. फिर्यादी आपल्या आईला पुणे येथे जाणाऱ्या बसमध्ये बसवण्यासाठी बसस्थानकात आल्या होत्या. आईला बसमध्ये बसवून खाली उतरत असताना, सुरक्षिततेसाठी आईने त्यांच्याकडे दिलेले सुमारे १० ग्रॅम वजनाचे सोन्याचे दागिने अज्ञात चोरट्याने लंपास केले होते. या प्रकरणी गांधी चौक पोलीस ठाण्यात गुन्हा क्रमांक ४०३/२०२६, कलम ३०३(२) भारतीय न्याय संहिता अन्वये गुन्हा दाखल करण्यात आला. पोलीस अधीक्षक अमोल तांबे यांनी तात्काळ गुन्ह्याचा छडा लावण्याचे निर्देश दिले. अपर पोलीस अधीक्षक मंगेश चव्हाण आणि उपविभागीय पोलीस अधिकारी समीरसिंह साळवे यांच्या मार्गदर्शनाखाली पोलीस निरीक्षक सुनील रेजीतवाड यांच्या नेतृत्वाखालील तपास पथकाने घटनास्थळावरील माहिती, तांत्रिक विश्लेषण आणि गोपनीय माहितीच्या आधारे तपास सुरू केला. पोलिसांनी सापळा रचून अर्चना अजय भोसले (वय २६ वर्षे, रा. गावठाण माही, ता. कर्जत, जि. अहिल्यानगर) हिला ताब्यात घेतले. सखोल चौकशीत आरोपी अर्चना भोसले हिने बसस्थानक परिसरात फिर्यादीचे सोन्याचे दागिने चोरल्याची कबुली दिली. तिच्याकडून चोरीस गेलेले १० ग्रॅम वजनाचे सोन्याचे दागिने जप्त करण्यात आले. तसेच, आरोपीने गांधी चौक पोलीस ठाण्यात दाखल असलेला गुन्हा क्रमांक ४२/२०२६, कलम ३०३(२) बीएनएस मधील आणखी एका चोरीचा गुन्हा केल्याचेही कबूल केले आहे. या महिलेकडून आणखी काही गुन्हे उघडकीस येण्याची शक्यता असून, गांधी चौक पोलीस पुढील तपास करत आहेत. पोलीस अधीक्षक अमोल तांबे यांच्या सूचनेनुसार, अपर पोलीस अधीक्षक मंगेश चव्हाण आणि उपविभागीय पोलीस अधिकारी समीरसिंह साळवे यांच्या मार्गदर्शनाखाली आणि पोलीस निरीक्षक सुनील रेजीतवाड यांच्या नेतृत्वाखालील पथकातील पोलीस उपनिरीक्षक प्रमोद देशमुख, फौजदार कांदे, राजेंद्र टेकाळे, राम गवारे, संतोष गिरी, रविसन जाधव, सचिन चंद्रपाटले, शिवा भाडुळे, पद्माकर सुरवसे, महादेव फुले, सचिन जाधव, युनूस शेख, महिला पोलीस अंमलदार अनुराधा डोंगरे आणि सुमन कोरे यांनी ही उल्लेखनीय कामगिरी बजावली.

Dede Khanderao Nivrutti

Advertising agency Latur, Maharashtra•

21 hrs ago

लातूरमधील मध्यवर्ती बसस्थानक परिसरात झालेल्या सोनसाखळी चोरीचा गांधी चौक पोलिसांनी अवघ्या काही तासांत छडा लावला आहे. प्रवाशांच्या गर्दीचा फायदा घेऊन महिलांच्या दागिन्यांवर डल्ला मारणाऱ्या एका सराईत महिला चोरट्यास अटक करून, पोलिसांनी चोरीस गेलेले ७० हजार रुपयांचे सोन्याचे दागिने हस्तगत केले आहेत. ही घटना ९ जून २०२६ रोजी रात्री सुमारे ९.४५ वाजता लातूरच्या मध्यवर्ती बसस्थानकात घडली होती. फिर्यादी आपल्या आईला पुणे येथे जाणाऱ्या बसमध्ये बसवण्यासाठी बसस्थानकात आल्या होत्या. आईला बसमध्ये बसवून खाली उतरत असताना, सुरक्षिततेसाठी आईने त्यांच्याकडे दिलेले सुमारे १० ग्रॅम वजनाचे सोन्याचे दागिने अज्ञात चोरट्याने लंपास केले होते. या प्रकरणी गांधी चौक पोलीस ठाण्यात गुन्हा क्रमांक ४०३/२०२६, कलम ३०३(२) भारतीय न्याय संहिता अन्वये गुन्हा दाखल करण्यात आला. पोलीस अधीक्षक अमोल तांबे यांनी तात्काळ गुन्ह्याचा छडा लावण्याचे निर्देश दिले. अपर पोलीस अधीक्षक मंगेश चव्हाण आणि उपविभागीय पोलीस अधिकारी समीरसिंह साळवे यांच्या मार्गदर्शनाखाली पोलीस निरीक्षक सुनील रेजीतवाड यांच्या नेतृत्वाखालील तपास पथकाने घटनास्थळावरील माहिती, तांत्रिक विश्लेषण आणि गोपनीय माहितीच्या आधारे तपास सुरू केला. पोलिसांनी सापळा रचून अर्चना अजय भोसले (वय २६ वर्षे, रा. गावठाण माही, ता. कर्जत, जि. अहिल्यानगर) हिला ताब्यात घेतले. सखोल चौकशीत आरोपी अर्चना भोसले हिने बसस्थानक परिसरात फिर्यादीचे सोन्याचे दागिने चोरल्याची कबुली दिली. तिच्याकडून चोरीस गेलेले १० ग्रॅम वजनाचे सोन्याचे दागिने जप्त करण्यात आले. तसेच, आरोपीने गांधी चौक पोलीस ठाण्यात दाखल असलेला गुन्हा क्रमांक ४२/२०२६, कलम ३०३(२) बीएनएस मधील आणखी एका चोरीचा गुन्हा केल्याचेही कबूल केले आहे. या महिलेकडून आणखी काही गुन्हे उघडकीस येण्याची शक्यता असून, गांधी चौक पोलीस पुढील तपास करत आहेत. पोलीस अधीक्षक अमोल तांबे यांच्या सूचनेनुसार, अपर पोलीस अधीक्षक मंगेश चव्हाण आणि उपविभागीय पोलीस अधिकारी समीरसिंह साळवे यांच्या मार्गदर्शनाखाली आणि पोलीस निरीक्षक सुनील रेजीतवाड यांच्या नेतृत्वाखालील पथकातील पोलीस उपनिरीक्षक प्रमोद देशमुख, फौजदार कांदे, राजेंद्र टेकाळे, राम गवारे, संतोष गिरी, रविसन जाधव, सचिन चंद्रपाटले, शिवा भाडुळे, पद्माकर सुरवसे, महादेव फुले, सचिन जाधव, युनूस शेख, महिला पोलीस अंमलदार अनुराधा डोंगरे आणि सुमन कोरे यांनी ही उल्लेखनीय कामगिरी बजावली.