బీసీ రిజర్వేషన్లను 34 శాతానికి పెంచిన ఘనత చంద్రబాబుదే : గురుమూర్తి చల్లపల్లి మండల తెలుగుదేశం పార్టీ విస్తృత స్థాయి సమావేశం మండల పార్టీ అధ్యక్షుడు మోర్ల రాంబాబు అధ్యక్షతన గురువారం ఘనంగా నిర్వహించారు. ఈ సమావేశానికి ఆంధ్రప్రదేశ్ రాష్ట్ర గౌడ వెల్ఫేర్ అండ్ డెవలప్‌మెంట్ కార్పొరేషన్ చైర్మన్, కృష్ణాజిల్లా తెలుగుదేశం పార్టీ అధ్యక్షుడు వీరంకి వెంకట గురుమూర్తి, అవనిగడ్డ నియోజకవర్గ టీడీపీ ఇంచార్జ్ విక్కుర్తి శ్రీనివాసరావు ముఖ్య అతిథులుగా హాజరయ్యారు. ఈ సందర్భంగా వీరంకి వెంకట గురుమూర్తి మాట్లాడుతూ రాష్ట్రంలో నిర్వహిస్తున్న ఇంటింటికి తెలుగుదేశం కార్యక్రమంలో మచిలీపట్నం పార్లమెంట్ నియోజకవర్గం నాలుగో స్థానంలో నిలిచిందని, పార్లమెంట్ పరిధిలో అవనిగడ్డ నియోజకవర్గం మొదటి స్థానంలో నిలవడం అభినందనీయమన్నారు. ఇందుకు నియోజకవర్గ పార్టీ శ్రేణులకు అభినందనలు తెలిపారు. అవనిగడ్డ నియోజకవర్గానికి విక్కుర్తి శ్రీనివాసరావు సమర్థవంతమైన నాయకుడని, ఆయనకు కృష్ణాజిల్లా టీడీపీ అండగా ఉంటుందని భరోసా ఇచ్చారు. స్థానిక సంస్థల ఎన్నికల్లో నూటికి నూరు శాతం కూటమి విజయాన్ని సాధించేలా పార్టీ శ్రేణులు పనిచేయాలని పిలుపునిచ్చారు. కూటమి ప్రభుత్వం త్వరలోనే అర్హులకు గృహాలు, పెన్షన్లు మంజూరు చేస్తుందని తెలిపారు. వైసీపీ ఐదేళ్ల పాలనలో రాష్ట్రం విధ్వంసానికి గురైందని విమర్శించారు. బీసీలకు 25 శాతం రిజర్వేషన్లు కల్పించిన ఘనత స్వర్గీయ నందమూరి తారక రామారావుదేనని, ముఖ్యమంత్రి చంద్రబాబు నాయుడు వాటిని 34 శాతానికి పెంచారని పేర్కొన్నారు. గత ప్రభుత్వం బీసీ రిజర్వేషన్లను తగ్గించిందని విమర్శించారు. అవనిగడ్డ నియోజకవర్గ తెలుగుదేశం పార్టీ ఇంచార్జ్ విక్కుర్తి శ్రీనివాసరావు మాట్లాడుతూ 175 నియోజకవర్గాల్లో అవనిగడ్డ నియోజకవర్గ టీడీపీ కార్యకర్తలు క్రమశిక్షణకు మారుపేరుగా నిలుస్తున్నారని అన్నారు. ఇలాంటి నియోజకవర్గానికి ఇంచార్జ్‌గా రావడం పూర్వజన్మ సుకృతంగా భావిస్తున్నానని తెలిపారు. రాష్ట్ర అభివృద్ధి కోసం ముఖ్యమంత్రి చంద్రబాబు నాయుడు నిరంతరం కృషి చేస్తున్నారని, ఆంధ్రప్రదేశ్‌ను దేశంలో అగ్రగామి రాష్ట్రంగా తీర్చిదిద్దాలన్నదే ఆయన సంకల్పమన్నారు. రాష్ట్రానికి పరిశ్రమలు తీసుకురావడానికి ప్రభుత్వం ప్రత్యేకంగా కృషి చేస్తోందని తెలిపారు.చల్లపల్లి మండలంలో 2 ఏళ్ల నమ్మకం–అభివృద్ధి–సంక్షేమం నినాదంతో నిర్వహించిన ఇంటింటికి తెలుగుదేశం కార్యక్రమాన్ని విజయవంతంగా పూర్తి చేసిన పార్టీ నాయకులు, కార్యకర్తలకు అభినందనలు తెలిపారు. 45 రోజుల్లో పూర్తి చేయాల్సిన కార్యక్రమాన్ని కేవలం 25 రోజుల్లోనే పూర్తి చేయడం అభినందనీయమన్నారు. కార్యకర్తలకు ఎల్లప్పుడూ అండగా ఉంటానని భరోసా ఇచ్చారు. కూటమి ప్రభుత్వం సుదీర్ఘకాలం కొనసాగి రాష్ట్రంలో మరింత అభివృద్ధి, సంక్షేమం జరగాలని ఆకాంక్షించారు.

దాసరి నటరాజు

ఉయ్యూరు, కృష్ణ, ఆంధ్రప్రదేశ్•

1 hr ago

బీసీ రిజర్వేషన్లను 34 శాతానికి పెంచిన ఘనత చంద్రబాబుదే : గురుమూర్తి చల్లపల్లి మండల తెలుగుదేశం పార్టీ విస్తృత స్థాయి సమావేశం మండల పార్టీ అధ్యక్షుడు మోర్ల రాంబాబు అధ్యక్షతన గురువారం ఘనంగా నిర్వహించారు. ఈ సమావేశానికి ఆంధ్రప్రదేశ్ రాష్ట్ర గౌడ వెల్ఫేర్ అండ్ డెవలప్‌మెంట్ కార్పొరేషన్ చైర్మన్, కృష్ణాజిల్లా తెలుగుదేశం పార్టీ అధ్యక్షుడు వీరంకి వెంకట గురుమూర్తి, అవనిగడ్డ నియోజకవర్గ టీడీపీ ఇంచార్జ్ విక్కుర్తి శ్రీనివాసరావు ముఖ్య అతిథులుగా హాజరయ్యారు. ఈ సందర్భంగా వీరంకి వెంకట గురుమూర్తి మాట్లాడుతూ రాష్ట్రంలో నిర్వహిస్తున్న ఇంటింటికి తెలుగుదేశం కార్యక్రమంలో మచిలీపట్నం పార్లమెంట్ నియోజకవర్గం నాలుగో స్థానంలో నిలిచిందని, పార్లమెంట్ పరిధిలో అవనిగడ్డ నియోజకవర్గం మొదటి స్థానంలో నిలవడం అభినందనీయమన్నారు. ఇందుకు నియోజకవర్గ పార్టీ శ్రేణులకు అభినందనలు తెలిపారు. అవనిగడ్డ నియోజకవర్గానికి విక్కుర్తి శ్రీనివాసరావు సమర్థవంతమైన నాయకుడని, ఆయనకు కృష్ణాజిల్లా టీడీపీ అండగా ఉంటుందని భరోసా ఇచ్చారు. స్థానిక సంస్థల ఎన్నికల్లో నూటికి నూరు శాతం కూటమి విజయాన్ని సాధించేలా పార్టీ శ్రేణులు పనిచేయాలని పిలుపునిచ్చారు. కూటమి ప్రభుత్వం త్వరలోనే అర్హులకు గృహాలు, పెన్షన్లు మంజూరు చేస్తుందని తెలిపారు. వైసీపీ ఐదేళ్ల పాలనలో రాష్ట్రం విధ్వంసానికి గురైందని విమర్శించారు. బీసీలకు 25 శాతం రిజర్వేషన్లు కల్పించిన ఘనత స్వర్గీయ నందమూరి తారక రామారావుదేనని, ముఖ్యమంత్రి చంద్రబాబు నాయుడు వాటిని 34 శాతానికి పెంచారని పేర్కొన్నారు. గత ప్రభుత్వం బీసీ రిజర్వేషన్లను తగ్గించిందని విమర్శించారు. అవనిగడ్డ నియోజకవర్గ తెలుగుదేశం పార్టీ ఇంచార్జ్ విక్కుర్తి శ్రీనివాసరావు మాట్లాడుతూ 175 నియోజకవర్గాల్లో అవనిగడ్డ నియోజకవర్గ టీడీపీ కార్యకర్తలు క్రమశిక్షణకు మారుపేరుగా నిలుస్తున్నారని అన్నారు. ఇలాంటి నియోజకవర్గానికి ఇంచార్జ్‌గా రావడం పూర్వజన్మ సుకృతంగా భావిస్తున్నానని తెలిపారు. రాష్ట్ర అభివృద్ధి కోసం ముఖ్యమంత్రి చంద్రబాబు నాయుడు నిరంతరం కృషి చేస్తున్నారని, ఆంధ్రప్రదేశ్‌ను దేశంలో అగ్రగామి రాష్ట్రంగా తీర్చిదిద్దాలన్నదే ఆయన సంకల్పమన్నారు. రాష్ట్రానికి పరిశ్రమలు తీసుకురావడానికి ప్రభుత్వం ప్రత్యేకంగా కృషి చేస్తోందని తెలిపారు.చల్లపల్లి మండలంలో 2 ఏళ్ల నమ్మకం–అభివృద్ధి–సంక్షేమం నినాదంతో నిర్వహించిన ఇంటింటికి తెలుగుదేశం కార్యక్రమాన్ని విజయవంతంగా పూర్తి చేసిన పార్టీ నాయకులు, కార్యకర్తలకు అభినందనలు తెలిపారు. 45 రోజుల్లో పూర్తి చేయాల్సిన కార్యక్రమాన్ని కేవలం 25 రోజుల్లోనే పూర్తి చేయడం అభినందనీయమన్నారు. కార్యకర్తలకు ఎల్లప్పుడూ అండగా ఉంటానని భరోసా ఇచ్చారు. కూటమి ప్రభుత్వం సుదీర్ఘకాలం కొనసాగి రాష్ట్రంలో మరింత అభివృద్ధి, సంక్షేమం జరగాలని ఆకాంక్షించారు.