महसूल विभागाच्या डिजिटल सेवांना अधिक सक्षम आणि गतिमान करण्याच्या उद्देशाने, परभणी तालुक्यामधील ९ मंडळ अधिकारी आणि ५२ ग्राम महसूल अधिकाऱ्यांना अत्याधुनिक लॅपटॉप व प्रिंटरचे वितरण करण्यात आले आहे. उपविभागीय अधिकारी उदयसिंह भोसले यांच्या हस्ते हा वितरण सोहळा पार पडला. हा उपक्रम डिजिटल लँड रेकॉर्ड मॉडर्नायझेशन प्रोग्राम (DLRMP) अंतर्गत राबवण्यात आला आहे. महसूल विभागातील संगणकीकरण प्रक्रियेला बळकटी देण्यासाठी तलाठी संघटनेने शासनाकडे नवीन लॅपटॉप व प्रिंटरची मागणी केली होती. यापूर्वी सन २०१६ मध्ये उपलब्ध करून दिलेली संगणकीय यंत्रसामग्री कालबाह्य झाल्यामुळे ऑनलाइन सेवांमध्ये तांत्रिक अडचणी येत होत्या, ज्यामुळे शेतकरी व नागरिकांची अनेक कामे वेळेत पूर्ण होण्यात अडथळे निर्माण झाले होते. नवीन यंत्रसामग्री मिळाल्याने महसूल विभागाचे कामकाज आता अधिक वेगवान, पारदर्शक आणि कार्यक्षम होणार आहे. ई-फेरफार, ई-चावडी, ई-पीक पाहणी, सातबारा उतारे, फेरफार नोंदी, ई-पंचनामा प्रणाली तसेच नैसर्गिक आपत्ती अनुदान वाटपासारख्या महत्त्वपूर्ण सेवा नागरिकांपर्यंत अधिक सुलभ आणि जलदगतीने पोहोचतील, अशी भावना उपस्थितांनी व्यक्त केली. यामुळे शेतकरी आणि सामान्य नागरिकांना मोठा दिलासा मिळणार आहे. यावेळी मार्गदर्शन करताना, उपविभागीय अधिकारी उदयसिंह भोसले यांनी डिजिटल सेवा विस्तार ही काळाची गरज असून, नवीन संगणकीय सुविधांमुळे नागरिकांना गुणवत्तापूर्ण, पारदर्शक आणि त्वरित सेवा देता येतील, असा विश्वास व्यक्त केला. या कार्यक्रमास तहसीलदार संदीप राजपुरे, नायब तहसीलदार राजकुमार राठोड, मंडळ अधिकारी नंदकिशोर सोनवणे, शिवाजी मोरे, प्रवीण खाडे, तसेच ग्राम महसूल अधिकारी बालाजी बिडगर, सोपान गुट्टे, उर्मिला गायकवाड यांच्यासह महसूल विभागातील अनेक अधिकारी व कर्मचारी मोठ्या संख्येने उपस्थित होते.

Kapil Ashokrao Shinde

मानवत, परभणी, महाराष्ट्र•

1 hr ago

महसूल विभागाच्या डिजिटल सेवांना अधिक सक्षम आणि गतिमान करण्याच्या उद्देशाने, परभणी तालुक्यामधील ९ मंडळ अधिकारी आणि ५२ ग्राम महसूल अधिकाऱ्यांना अत्याधुनिक लॅपटॉप व प्रिंटरचे वितरण करण्यात आले आहे. उपविभागीय अधिकारी उदयसिंह भोसले यांच्या हस्ते हा वितरण सोहळा पार पडला. हा उपक्रम डिजिटल लँड रेकॉर्ड मॉडर्नायझेशन प्रोग्राम (DLRMP) अंतर्गत राबवण्यात आला आहे. महसूल विभागातील संगणकीकरण प्रक्रियेला बळकटी देण्यासाठी तलाठी संघटनेने शासनाकडे नवीन लॅपटॉप व प्रिंटरची मागणी केली होती. यापूर्वी सन २०१६ मध्ये उपलब्ध करून दिलेली संगणकीय यंत्रसामग्री कालबाह्य झाल्यामुळे ऑनलाइन सेवांमध्ये तांत्रिक अडचणी येत होत्या, ज्यामुळे शेतकरी व नागरिकांची अनेक कामे वेळेत पूर्ण होण्यात अडथळे निर्माण झाले होते. नवीन यंत्रसामग्री मिळाल्याने महसूल विभागाचे कामकाज आता अधिक वेगवान, पारदर्शक आणि कार्यक्षम होणार आहे. ई-फेरफार, ई-चावडी, ई-पीक पाहणी, सातबारा उतारे, फेरफार नोंदी, ई-पंचनामा प्रणाली तसेच नैसर्गिक आपत्ती अनुदान वाटपासारख्या महत्त्वपूर्ण सेवा नागरिकांपर्यंत अधिक सुलभ आणि जलदगतीने पोहोचतील, अशी भावना उपस्थितांनी व्यक्त केली. यामुळे शेतकरी आणि सामान्य नागरिकांना मोठा दिलासा मिळणार आहे. यावेळी मार्गदर्शन करताना, उपविभागीय अधिकारी उदयसिंह भोसले यांनी डिजिटल सेवा विस्तार ही काळाची गरज असून, नवीन संगणकीय सुविधांमुळे नागरिकांना गुणवत्तापूर्ण, पारदर्शक आणि त्वरित सेवा देता येतील, असा विश्वास व्यक्त केला. या कार्यक्रमास तहसीलदार संदीप राजपुरे, नायब तहसीलदार राजकुमार राठोड, मंडळ अधिकारी नंदकिशोर सोनवणे, शिवाजी मोरे, प्रवीण खाडे, तसेच ग्राम महसूल अधिकारी बालाजी बिडगर, सोपान गुट्टे, उर्मिला गायकवाड यांच्यासह महसूल विभागातील अनेक अधिकारी व कर्मचारी मोठ्या संख्येने उपस्थित होते.