पिंपरी चिंचवड महानगरपालिकेच्या कर आकारणी व कर संकलन विभागाने आर्थिक वर्ष २०२६-२७ मध्ये मालमत्ता कर संकलनात ४१२ कोटी रुपयांचा टप्पा यशस्वीपणे पार केला आहे. दि. १ एप्रिल २०२६ ते २२ जून २०२६ या कालावधीत ३ लाख ६५ हजारांहून अधिक मालमत्ताधारकांनी जवळपास ४१२.९७ कोटी रुपयांचा मालमत्ता कर भरला असून, कर संकलनात सातत्याने वाढ होत आहे. मालमत्ता करावरील विविध सवलतींचा लाभ घेण्यासाठी आता केवळ ८ दिवस शिल्लक असून, या सवलतींची अंतिम मुदत ३० जून २०२६ आहे. महापालिकेच्या १८ क्षेत्रीय कार्यालयांपैकी वाकड विभागाने सर्वाधिक ५६.३९ कोटी मालमत्ता कर संकलित केला आहे. त्याखालोखाल थेरगाव विभागाने ३७.३६ कोटी, कस्पटे वस्ती विभागाने ३२.९१ कोटी आणि किवळे विभागाने ३०.३८ कोटी मालमत्ता कर जमा केला आहे. आर्थिक वर्ष २०२६-२७ साठी ऑनलाइन पद्धतीने मालमत्ता कर भरणाऱ्या मालमत्ताधारकांना सामान्य करावर १० टक्के सवलत देण्यात येत आहे. या सवलतीला नागरिकांचा उत्स्फूर्त प्रतिसाद मिळत असून, १ एप्रिल २०२६ ते २२ जून २०२६ या कालावधीत ३ लाखांहून अधिक मालमत्ताधारकांनी ऑनलाइन पद्धतीने कर भरून ३५८ कोटी रुपयांचा भरणा केला आहे. नागरिकांच्या सोयीसाठी महानगरपालिकेच्या सर्व विभागीय कार्यालयांमधील मालमत्ता कर काउंटर शनिवार व रविवारदेखील सुरू ठेवण्यात आले आहेत, ज्यामुळे नागरिकांना सुट्टीच्या दिवशीही कर भरण्याची सुविधा उपलब्ध झाली आहे. महापालिकेच्या कर आकारणी व कर संकलन विभागाने नागरिकांना शेवटच्या दिवसाची वाट न पाहता त्वरित मालमत्ता कर भरून उपलब्ध सवलतींचा लाभ घेण्याचे आवाहन केले आहे. या संदर्भात, पिंपरी चिंचवड महानगरपालिकेचे महापौर रवि लांडगे यांनी सांगितले की, पिंपरी चिंचवड शहराच्या विकासात प्रत्येक करदात्याचे महत्त्वाचे योगदान आहे, ज्यामुळे रस्ते, पाणीपुरवठा, स्वच्छता, आरोग्य आणि इतर नागरी सुविधा अधिक सक्षमपणे उपलब्ध करून देता येतात. त्यांनी नागरिकांना ३० जून २०२६ पूर्वी कर भरून सवलतींचा लाभ घेण्याची विनंती केली. आयुक्त डॉ. विजय सूर्यवंशी यांनी मालमत्ता कराला महापालिकेच्या महसुलाचा प्रमुख स्रोत म्हटले, ज्याचा उपयोग शहरातील पायाभूत सुविधांच्या उभारणीसह विविध विकासकामांसाठी केला जातो. त्यांनी ऑनलाइन कर भरणाऱ्यांसाठी १० टक्के सवलत तसेच इतर विविध सवलतींचा उल्लेख करत नागरिकांना अंतिम मुदतीची वाट न पाहता त्वरित कर भरणा करून सवलतींचा लाभ घेण्याचे आवाहन केले. अतिरिक्त आयुक्त तृप्ती सांडभोर यांनी नागरिकांच्या सोयीसाठी विभागीय कार्यालयांमध्ये शनिवार व रविवार देखील मालमत्ता कर भरण्याची सुविधा उपलब्ध करून दिल्याची माहिती दिली. त्यांनी नागरिकांना शेवटच्या दिवसांतील गर्दी टाळण्यासाठी जवळच्या विभागीय कार्यालयात किंवा ऑनलाइन माध्यमातून मालमत्ता कर भरण्याचे आवाहन करत, वेळेत कर भरणे हे जबाबदार नागरिकत्वाचे प्रतीक असून, त्यातून शहर विकासालाही चालना मिळते असे नमूद केले.

लोकमान्य टाइम्स

पिंपरी चिंचवड, पुणे, महाराष्ट्र•

22 hrs ago

पिंपरी चिंचवड महानगरपालिकेच्या कर आकारणी व कर संकलन विभागाने आर्थिक वर्ष २०२६-२७ मध्ये मालमत्ता कर संकलनात ४१२ कोटी रुपयांचा टप्पा यशस्वीपणे पार केला आहे. दि. १ एप्रिल २०२६ ते २२ जून २०२६ या कालावधीत ३ लाख ६५ हजारांहून अधिक मालमत्ताधारकांनी जवळपास ४१२.९७ कोटी रुपयांचा मालमत्ता कर भरला असून, कर संकलनात सातत्याने वाढ होत आहे. मालमत्ता करावरील विविध सवलतींचा लाभ घेण्यासाठी आता केवळ ८ दिवस शिल्लक असून, या सवलतींची अंतिम मुदत ३० जून २०२६ आहे. महापालिकेच्या १८ क्षेत्रीय कार्यालयांपैकी वाकड विभागाने सर्वाधिक ५६.३९ कोटी मालमत्ता कर संकलित केला आहे. त्याखालोखाल थेरगाव विभागाने ३७.३६ कोटी, कस्पटे वस्ती विभागाने ३२.९१ कोटी आणि किवळे विभागाने ३०.३८ कोटी मालमत्ता कर जमा केला आहे. आर्थिक वर्ष २०२६-२७ साठी ऑनलाइन पद्धतीने मालमत्ता कर भरणाऱ्या मालमत्ताधारकांना सामान्य करावर १० टक्के सवलत देण्यात येत आहे. या सवलतीला नागरिकांचा उत्स्फूर्त प्रतिसाद मिळत असून, १ एप्रिल २०२६ ते २२ जून २०२६ या कालावधीत ३ लाखांहून अधिक मालमत्ताधारकांनी ऑनलाइन पद्धतीने कर भरून ३५८ कोटी रुपयांचा भरणा केला आहे. नागरिकांच्या सोयीसाठी महानगरपालिकेच्या सर्व विभागीय कार्यालयांमधील मालमत्ता कर काउंटर शनिवार व रविवारदेखील सुरू ठेवण्यात आले आहेत, ज्यामुळे नागरिकांना सुट्टीच्या दिवशीही कर भरण्याची सुविधा उपलब्ध झाली आहे. महापालिकेच्या कर आकारणी व कर संकलन विभागाने नागरिकांना शेवटच्या दिवसाची वाट न पाहता त्वरित मालमत्ता कर भरून उपलब्ध सवलतींचा लाभ घेण्याचे आवाहन केले आहे. या संदर्भात, पिंपरी चिंचवड महानगरपालिकेचे महापौर रवि लांडगे यांनी सांगितले की, पिंपरी चिंचवड शहराच्या विकासात प्रत्येक करदात्याचे महत्त्वाचे योगदान आहे, ज्यामुळे रस्ते, पाणीपुरवठा, स्वच्छता, आरोग्य आणि इतर नागरी सुविधा अधिक सक्षमपणे उपलब्ध करून देता येतात. त्यांनी नागरिकांना ३० जून २०२६ पूर्वी कर भरून सवलतींचा लाभ घेण्याची विनंती केली. आयुक्त डॉ. विजय सूर्यवंशी यांनी मालमत्ता कराला महापालिकेच्या महसुलाचा प्रमुख स्रोत म्हटले, ज्याचा उपयोग शहरातील पायाभूत सुविधांच्या उभारणीसह विविध विकासकामांसाठी केला जातो. त्यांनी ऑनलाइन कर भरणाऱ्यांसाठी १० टक्के सवलत तसेच इतर विविध सवलतींचा उल्लेख करत नागरिकांना अंतिम मुदतीची वाट न पाहता त्वरित कर भरणा करून सवलतींचा लाभ घेण्याचे आवाहन केले. अतिरिक्त आयुक्त तृप्ती सांडभोर यांनी नागरिकांच्या सोयीसाठी विभागीय कार्यालयांमध्ये शनिवार व रविवार देखील मालमत्ता कर भरण्याची सुविधा उपलब्ध करून दिल्याची माहिती दिली. त्यांनी नागरिकांना शेवटच्या दिवसांतील गर्दी टाळण्यासाठी जवळच्या विभागीय कार्यालयात किंवा ऑनलाइन माध्यमातून मालमत्ता कर भरण्याचे आवाहन करत, वेळेत कर भरणे हे जबाबदार नागरिकत्वाचे प्रतीक असून, त्यातून शहर विकासालाही चालना मिळते असे नमूद केले.