ଏକ ବଡ଼ ଖବର ଅନୁଯାୟୀ, ବାରଙ୍ଗ ଥାନା ଆଇଆଇସିଙ୍କୁ ବଦଳି କରାଯାଇଛି। ମିଳିଥିବା ସୂଚନା ଅନୁସାରେ, 'ଥାର୍ଡ ଡିଗ୍ରୀ' ପ୍ରୟୋଗ ଅଭିଯୋଗ ପରେ ତାଙ୍କର ଏହି ବଦଳି ହୋଇଛି।

ସୌମ୍ୟ ହତ୍ୟା ମାମଲାକୁ ନେଇ ଏକ ବଡ଼ ଖବର ସାମ୍ନାକୁ ଆସିଛି। ଏହି ମାମଲାରେ ସୌମ୍ୟଙ୍କ ମାଆ ଏକ ଚରମପନ୍ଥୀ ବୟାନ ଦେଇଛନ୍ତି ଯେ, ଯଦି ତାଙ୍କ ପୁଅକୁ ନ୍ୟାୟ ନମିଳେ, ତେବେ ସେ ନିଜ ମୁଣ୍ଡ କାଟି ଗଡ଼ାଇ ଦେବେ।

ରାହାମା ସ୍ଥିତ ସାଇଲୋ ଉଚ୍ଚ ବିଦ୍ୟାଳୟ ପରିସରରେ ସହକାରୀ ଶିକ୍ଷୟତ୍ରୀ ଶ୍ରୀମତୀ ନିରୁପମା ବାରିକଙ୍କୁ ତାଙ୍କର ଅବସରକାଳୀନ ବିଦାୟ ସମ୍ବର୍ଦ୍ଧନା ପ୍ରଦାନ କରାଯାଇଛି। ଏହି ସମାରୋହରେ ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ରାଜଲକ୍ଷ୍ମୀ ପୃଷ୍ଟି, ପୂର୍ବତନ ବିଇଓ ପବିତ୍ର କୁମାର କର, ଜିଲ୍ଲାପରିଷଦ ସଭ୍ୟ ରବିନାରାୟଣ ସାହୁ, ଗୋବିନ୍ଦ ଚନ୍ଦ୍ର ମିଶ୍ର ଏବଂ ସମୀର କୁମାର ଗିରି ପ୍ରମୁଖ ବରେଣ୍ୟ ଅତିଥି ଭାବେ ଯୋଗଦେଇଥିଲେ। ସେମାନେ ନିରୂପମାଙ୍କ କର୍ମମୟ ଜୀବନ ଉପରେ ଆଲୋକପାତ କରିଥିଲେ। ଉକ୍ତ ସଭାରେ ପ୍ରହ୍ଲାଦ ପଶାୟତ, କ୍ଷୀରୋଦ ଚନ୍ଦ୍ର ଦାସ, ରାଜେନ୍ଦ୍ର ପ୍ରସାଦ ବାରିକ, ସଞ୍ଜୟ ମହାପାତ୍ର, ପ୍ରଦୀପ୍ତ ବେହେରା, ନିର୍ଲିପ୍ତ ବିଶ୍ବାଳ, ଦୀପିକା ମୁଦୁଲି, ସରଳା ସେଠୀ, ଲିପସା‌ ସାହୁ, ଅରୁନ୍ଧତୀ ଦାସ, ଗାୟତ୍ରୀ ବେହେରା, ଲକ୍ଷ୍ମୀ ପ୍ରିୟା ମାଝି, ନିରୁପମା ପ୍ରଧାନ ପ୍ରମୁଖ ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ରହି ସଭାକାର୍ଯ୍ୟ ପରିଚାଳନା କରିଥିଲେ। ହାଇସ୍କୁଲ ପକ୍ଷରୁ ଅବସରପ୍ରାପ୍ତ ଶିକ୍ଷୟତ୍ରୀଙ୍କୁ ମାନପତ୍ର, ଉପଢ଼ୌକନ ଓ ପୁଷ୍ପଗୁଛ ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା।

ରାହାମା ITCT କମ୍ପୁଟର ପଏଣ୍ଟର କୃତୀ ଛାତ୍ରଛାତ୍ରୀମାନଙ୍କ ସଫଳତାକୁ ନେଇ ଏକ ସମ୍ବର୍ଦ୍ଧନା ଉତ୍ସବର ଆୟୋଜନ କରାଯାଇଥିଲା। ଏହି ଅବସରରେ ଛାତ୍ରଛାତ୍ରୀମାନେ ଶପଥ ନେଇଥିଲେ ଯେ ସେମାନେ ନିଶ୍ଚିତ ଭାବରେ ଭଲ ପାଠ ପଢ଼ି ସମାଜର ନାମ ରଖିବେ ଏବଂ ଜଣେ ଜଣେ ଉଚ୍ଚକୋଟୀର ବ୍ୟକ୍ତି ହୋଇ ସମାଜର ମଙ୍ଗଳ ପାଇଁ କିଛି କାର୍ଯ୍ୟ କରିବେ। ଉତ୍ସବରେ ଯୋଗଦେଇଥିବା ବହୁ ବରିଷ୍ଠ ଶିକ୍ଷକ ଶିକ୍ଷୟିତ୍ରୀମାନେ ପ୍ରତିଭାବାନ ଛାତ୍ରଛାତ୍ରୀମାନଙ୍କୁ ସମ୍ବର୍ଦ୍ଧନା ଜଣାଇବା ସହ ସେମାନଙ୍କ ଉଜ୍ୱଳ ଭବିଷ୍ୟତ କାମନା କରିଥିଲେ।

କଟକ ଜିଲ୍ଲାର ଟାଙ୍ଗୀ ପୋଲିସକୁ ଏକ ବଡ଼ ସଫଳତା ମିଳିଛି। ପୋଲିସ ଜଣେ ଅପରାଧୀକୁ ଧରିବା ସହ ଡେମୋ କରି ଦେଖାଇଛି।

ଜଗତସିଂହପୁର DRDA କାର୍ଯ୍ୟାଳୟର ମହିଳା ୱାସ୍‌ରୁମ୍‌ରୁ ଏକ ହିଡେନ୍ କ୍ୟାମେରା ଜବତ ହେବା ଘଟଣା ଏବେ ସମଗ୍ର ଜିଲ୍ଲାରେ ବ୍ୟାପକ ଚର୍ଚ୍ଚାର ବିଷୟ ପାଲଟିଛି। ଏହି ଘଟଣାରେ ଜଡିତ ଥିବା ଜୁନିୟର କିରାଣି ସଞ୍ଜୟ ଅଧେଖାଙ୍କୁ ପୋଲିସ ଗିରଫ କରିଛି। ସୂଚନା ଅନୁସାରେ, ଏକତରଫା ପ୍ରେମରେ ବିଫଳ ହେବା କାରଣରୁ ସଞ୍ଜୟ ଏହି କାର୍ଯ୍ୟ କରିଥିବା ଜଣାପଡ଼ିଛି। ପୋଲିସ ତଦନ୍ତରେ ଏହି ଘଟଣା ସମ୍ପର୍କରେ ଅନେକ ଚମକାଇଦେବା ଭଳି ତଥ୍ୟ ସାମ୍ନାକୁ ଆସିଛି।

ଜୟଦେବ ନିର୍ବାଚନ ମଣ୍ଡଳୀର ଚାଷୀଙ୍କ ପାଇଁ ବୁଲା ଷଣ୍ଢ ଏକ ଗୁରୁତର ସମସ୍ୟା ପାଲଟିଛି। ଏହି ଷଣ୍ଢମାନେ ସେମାନଙ୍କ ଫସଲ ନଷ୍ଟ କରୁଥିବା ଯୋଗୁଁ ଚାଷୀମାନେ ଅସୁବିଧାର ସମ୍ମୁଖୀନ ହେଉଛନ୍ତି।

ଜାଜପୁର ଜିଲ୍ଲା ଅନ୍ତର୍ଗତ ରୁଦ୍ରଚରଣ ସରକାରୀ ଉଚ୍ଚବିଦ୍ୟାଳୟର ପ୍ରଧାନଶିକ୍ଷକ ନିଜ ପଦରୁ ଅବସର ଗ୍ରହଣ କରିଛନ୍ତି।

କଟକ ଜିଲ୍ଲାର ବିଭିନ୍ନ ଅଞ୍ଚଳରେ ପ୍ରବଳ ବର୍ଷା, ଝଡ଼ ପବନ ଏବଂ ଘଡ଼ଘଡ଼ିର ତାଣ୍ଡବ ଦେଖିବାକୁ ମିଳିଛି।