केंद्र सरकारच्या पेट्रोल, डिझेल आणि गॅस दरवाढीच्या निषेधार्थ नांदेड जिल्हा काँग्रेसने आज तीव्र निदर्शने केली. कडक उन्हात दुपारी बारा वाजता महात्मा फुले पुतळ्यासमोर काँग्रेस कार्यकर्त्यांनी जोरदार घोषणाबाजी करत आंदोलन छेडले. वाढत्या इंधन दरांमुळे सर्वसामान्यांचे कंबरडे मोडले असून, केंद्र सरकार जनतेची लूट करत असल्याचा आरोप आंदोलनकर्त्यांनी केला. यावेळी वाहनचालकांना पाच-पाच तास रांगेत उभे राहूनही पेट्रोल मिळत नसल्याच्या निषेधार्थ कार्यकर्त्यांनी महात्मा फुले यांच्या पुतळ्यापासून बैलगाडीत दुचाकी टाकून काँग्रेस कार्यालयापर्यंत बैलगाडी यात्रा काढली. तसेच, महिलांनी गॅस दरवाढ आणि संकटामुळे चुलीवर भाकरी करून निषेध नोंदवला. या आंदोलनात 85 वर्षीय काँग्रेसचे ज्येष्ठ नेते तथा माजी आमदार ईश्वरराव भोसीकर यांनीही उत्स्फूर्त सहभाग घेत सरकारविरोधात संताप व्यक्त केला. त्यांच्यासोबत प्रदेश काँग्रेस सचिव डॉ. रेखा चव्हाण, सुरेंद्र घोडजकर, नांदेड जिल्हा काँग्रेस (उत्तर) अध्यक्ष विठ्ठल पावडे, काँग्रेस महानगर अध्यक्ष गफ्फारभाई, सनदी अधिकारी एकनाथ मोरे, ज्येष्ठ पत्रकार आनंद कल्याणकर, नगरसेवक पाशाभाई, मुन्ना अब्बास, डॉ. भगवान मनूरकर यांच्यासह काँग्रेसचे नगरसेवक, पदाधिकारी आणि शेकडो कार्यकर्ते मोठ्या संख्येने उपस्थित होते. 'इंधन दरवाढ मागे घ्या, महागाईने जनता होरपळली, जनतेची लूट बंद करा' अशा घोषणांनी परिसर दणाणून गेला होता. भर उन्हातही कार्यकर्त्यांचा उत्साह आणि संताप स्पष्टपणे दिसून येत होता. काँग्रेसने इशारा दिला आहे की, जर पेट्रोल-डिझेल दरवाढ तात्काळ मागे घेतली नाही, तर आगामी काळात आंदोलन आणखी तीव्र करण्यात येईल.

Arvind D. Patil

Hadgaon, Nanded•

23 hrs ago

केंद्र सरकारच्या पेट्रोल, डिझेल आणि गॅस दरवाढीच्या निषेधार्थ नांदेड जिल्हा काँग्रेसने आज तीव्र निदर्शने केली. कडक उन्हात दुपारी बारा वाजता महात्मा फुले पुतळ्यासमोर काँग्रेस कार्यकर्त्यांनी जोरदार घोषणाबाजी करत आंदोलन छेडले. वाढत्या इंधन दरांमुळे सर्वसामान्यांचे कंबरडे मोडले असून, केंद्र सरकार जनतेची लूट करत असल्याचा आरोप आंदोलनकर्त्यांनी केला. यावेळी वाहनचालकांना पाच-पाच तास रांगेत उभे राहूनही पेट्रोल मिळत नसल्याच्या निषेधार्थ कार्यकर्त्यांनी महात्मा फुले यांच्या पुतळ्यापासून बैलगाडीत दुचाकी टाकून काँग्रेस कार्यालयापर्यंत बैलगाडी यात्रा काढली. तसेच, महिलांनी गॅस दरवाढ आणि संकटामुळे चुलीवर भाकरी करून निषेध नोंदवला. या आंदोलनात 85 वर्षीय काँग्रेसचे ज्येष्ठ नेते तथा माजी आमदार ईश्वरराव भोसीकर यांनीही उत्स्फूर्त सहभाग घेत सरकारविरोधात संताप व्यक्त केला. त्यांच्यासोबत प्रदेश काँग्रेस सचिव डॉ. रेखा चव्हाण, सुरेंद्र घोडजकर, नांदेड जिल्हा काँग्रेस (उत्तर) अध्यक्ष विठ्ठल पावडे, काँग्रेस महानगर अध्यक्ष गफ्फारभाई, सनदी अधिकारी एकनाथ मोरे, ज्येष्ठ पत्रकार आनंद कल्याणकर, नगरसेवक पाशाभाई, मुन्ना अब्बास, डॉ. भगवान मनूरकर यांच्यासह काँग्रेसचे नगरसेवक, पदाधिकारी आणि शेकडो कार्यकर्ते मोठ्या संख्येने उपस्थित होते. 'इंधन दरवाढ मागे घ्या, महागाईने जनता होरपळली, जनतेची लूट बंद करा' अशा घोषणांनी परिसर दणाणून गेला होता. भर उन्हातही कार्यकर्त्यांचा उत्साह आणि संताप स्पष्टपणे दिसून येत होता. काँग्रेसने इशारा दिला आहे की, जर पेट्रोल-डिझेल दरवाढ तात्काळ मागे घेतली नाही, तर आगामी काळात आंदोलन आणखी तीव्र करण्यात येईल.