म्हसवड पोलिसांनी धुळदेव (ता. माण) परिसरात अवैध हातभट्टी दारू निर्मितीविरोधात मोठी कारवाई केली आहे. या छाप्यात सुमारे 18 हजार 500 रुपयांचा मुद्देमाल जप्त करून तो जागीच नष्ट करण्यात आला असून, एका संशयिताविरुद्ध महाराष्ट्र दारूबंदी अधिनियमांतर्गत गुन्हा दाखल करण्यात आला आहे. पोलीस सूत्रांनुसार, शुक्रवार, 29 मे 2026 रोजी सकाळी साडेनऊ वाजताच्या सुमारास धुळदेव गावच्या हद्दीतील घोडेखुर नाला परिसरात, बांधकामाच्या आडोशाला अवैधरीत्या हातभट्टी दारू तयार केली जात असल्याची माहिती पोलिसांना मिळाली होती. या माहितीच्या आधारे म्हसवड पोलिसांनी घटनास्थळी छापा टाकला. कारवाईदरम्यान चार लोखंडी बॅरलमध्ये 800 लिटर दारू निर्मितीसाठी वापरण्यात येणारे आंबट व उग्र वासाचे रसायन (मुरवण), 15 लिटर क्षमतेचे पाच पत्र्याचे डबे ज्यात 75 लिटर मुरवण होते, तसेच 20 लिटर काढीव हातभट्टी दारू असलेला प्लास्टिक कॅन असा एकूण 18 हजार 500 रुपयांचा मुद्देमाल आढळून आला. आवश्यक नमुने रासायनिक विश्लेषणासाठी घेण्यात आले असून, उर्वरित मुद्देमाल तिथेच नष्ट करण्यात आला. या प्रकरणात जुबेरखान दोहारखान पठाण (रा. पठाणवस्ती, चांदापुरी, ता. माळशिरस, जि. सोलापूर) हा आरोपी पोलिसांची चाहूल लागताच घटनास्थळावरून पळून गेला. त्याचा शोध सुरू असून, त्याच्याविरुद्ध म्हसवड पोलीस ठाण्यात गुन्हा क्रमांक 144/2026 अन्वये महाराष्ट्र दारूबंदी अधिनियम कलम 65 (क), (ड) व (ई) अंतर्गत गुन्हा दाखल करण्यात आला आहे. ही कारवाई सहाय्यक पोलीस निरीक्षक पोमण यांच्या मार्गदर्शनाखाली करण्यात आली. पोलीस कॉन्स्टेबल सतीश मल्हारी जाधव यांनी सरकारतर्फे फिर्याद दिली असून, पुढील तपास पोलीस हवालदार होगे करत आहेत.
म्हसवड पोलिसांनी धुळदेव (ता. माण) परिसरात अवैध हातभट्टी दारू निर्मितीविरोधात मोठी कारवाई केली आहे. या छाप्यात सुमारे 18 हजार 500 रुपयांचा मुद्देमाल जप्त करून तो जागीच नष्ट करण्यात आला असून, एका संशयिताविरुद्ध महाराष्ट्र दारूबंदी अधिनियमांतर्गत गुन्हा दाखल करण्यात आला आहे. पोलीस सूत्रांनुसार, शुक्रवार, 29 मे 2026 रोजी सकाळी साडेनऊ वाजताच्या सुमारास धुळदेव गावच्या हद्दीतील घोडेखुर नाला परिसरात, बांधकामाच्या आडोशाला अवैधरीत्या हातभट्टी दारू तयार केली जात असल्याची माहिती पोलिसांना मिळाली होती. या माहितीच्या आधारे म्हसवड पोलिसांनी घटनास्थळी छापा टाकला. कारवाईदरम्यान चार लोखंडी बॅरलमध्ये 800 लिटर दारू निर्मितीसाठी वापरण्यात येणारे आंबट व उग्र वासाचे रसायन (मुरवण), 15 लिटर क्षमतेचे पाच पत्र्याचे डबे ज्यात 75 लिटर मुरवण होते, तसेच 20 लिटर काढीव हातभट्टी दारू असलेला प्लास्टिक कॅन असा एकूण 18 हजार 500 रुपयांचा मुद्देमाल आढळून आला. आवश्यक नमुने रासायनिक विश्लेषणासाठी घेण्यात आले असून, उर्वरित मुद्देमाल तिथेच नष्ट करण्यात आला. या प्रकरणात जुबेरखान दोहारखान पठाण (रा. पठाणवस्ती, चांदापुरी, ता. माळशिरस, जि. सोलापूर) हा आरोपी पोलिसांची चाहूल लागताच घटनास्थळावरून पळून गेला. त्याचा शोध सुरू असून, त्याच्याविरुद्ध म्हसवड पोलीस ठाण्यात गुन्हा क्रमांक 144/2026 अन्वये महाराष्ट्र दारूबंदी अधिनियम कलम 65 (क), (ड) व (ई) अंतर्गत गुन्हा दाखल करण्यात आला आहे. ही कारवाई सहाय्यक पोलीस निरीक्षक पोमण यांच्या मार्गदर्शनाखाली करण्यात आली. पोलीस कॉन्स्टेबल सतीश मल्हारी जाधव यांनी सरकारतर्फे फिर्याद दिली असून, पुढील तपास पोलीस हवालदार होगे करत आहेत.
- राजस्थानमध्ये सध्या भीषण वाळूच्या वादळाचा कहर सुरू आहे, ज्यामुळे अनेक शहरे पूर्णपणे अंधारात बुडाली आहेत.1Prime news 83
- सातारा जिल्ह्यातील बावधन, ता. वाई येथील तृतीयपंथी समाजाच्या सामाजिक कार्यकर्त्या सौ. रेणुका गुरुरंजितानायक पुणेकर यांना 'राष्ट्रीय समाज भूषण पुरस्कार 2026' प्रदान करण्यात येणार आहे. महालक्ष्मी आधार फाउंडेशन आयोजित भारतीय संविधान जनजागृती अभियान अंतर्गत हा प्रतिष्ठित पुरस्कार त्यांना दिला जात आहे. सौ. रेणुका पुणेकर यांचे तृतीयपंथी समाजाच्या सक्षमीकरणासाठी, सामाजिक जनजागृतीसाठी आणि समाजातील वंचित घटकांच्या हक्कांसाठी असलेले कार्य प्रेरणादायी आणि उल्लेखनीय आहे. त्यांच्या या कार्याची दखल घेऊन त्यांना सन्मानित करण्यात येत आहे, जो समाजातील अनेकांसाठी निश्चितच प्रेरणादायी ठरेल, असे फाऊंडेशनने म्हटले आहे. महालक्ष्मी आधार फाउंडेशनच्या संस्थापिका सौ. प्रतिभा सुनील शेलार यांनी सौ. रेणुका पुणेकर यांचे मनःपूर्वक अभिनंदन केले असून, त्यांच्या सामाजिक कार्याला भविष्यात अधिक यश, कीर्ती आणि सन्मान लाभो तसेच त्या असेच समाजहिताचे कार्य करत राहाव्यात, अशा सदिच्छा व्यक्त केल्या आहेत.1Mahalaxmi News 24 Satara
- आमदार रोहित पवार यांनी अजित दादांच्या विमान अपघात प्रकरणाच्या तपासावर गंभीर प्रश्नचिन्ह उपस्थित केले आहे. त्यांच्या मते, सीआयडी या प्रकरणाचा तपास योग्य पद्धतीने करत नाहीये, कारण त्यांच्यावर सरकार आणि गृह खात्याचा दबाव असल्याचे स्पष्टपणे दिसते. या संदर्भात माहिती अधिकार (RTI) अर्जांनाही उत्तरे दिली जात नसल्याचे पवार यांनी नमूद केले. यामुळे आता स्वतः रोहित पवार आरटीआय अर्ज दाखल करणार आहेत. जर त्यांना समाधानकारक उत्तरे मिळाली नाहीत, तर लवकरच एक व्हिडिओ समोर आणून 'या फोटोतील सॉली कोणाच्या गळ्यात आहेत' याचा खुलासा केला जाईल, असा इशारा त्यांनी दिला. पवार यांच्या म्हणण्यानुसार, सीआयडीकडून योग्य तपासाची अपेक्षा करणे चुकीचे आहे, कारण अजित दादांच्या प्रकरणात सीआयडीवर गृह खात्याचा दबाव आहे.1Mansoor Shaikh
- अंतरवाली येथे मराठा समाज तीव्र संताप व्यक्त करत आहे. त्यांच्या सहनशीलतेचा बांध आता फुटला असून, कोणतीही परिस्थिती यापुढे सहन होणार नाही, अशी तीव्र भावना मराठ्यांमध्ये आहे.1Tej maharashtra varta
- भोर येथे नुकत्याच संपन्न झालेल्या मान्सूनपूर्व आढावा बैठकीत आमदार शंकर मांडेकर यांनी आक्रमक भूमिका घेतल्याचे दिसून आले. महाड-पंढरपूर महामार्गाच्या रखडलेल्या कामाविषयी नागरिकांनी तक्रारी केल्याने आमदार मांडेकर चांगलेच संतापले. यावेळी त्यांनी शेतकऱ्यांच्या प्रश्नांवरून अधिकाऱ्यांची चांगलीच खरडपट्टी केली आणि त्यांना आवश्यक त्या सूचनाही दिल्या. या बैठकीला पंचायत समिती सभापती कंक, उपसभापती विशाल कोंडे आणि जिल्हा परिषद माजी उपाध्यक्ष रणजित शिवतरे हे उपस्थित होते.1पत्रकार विक्रम शिंदे
- अंतरवाली सराटी येथे मराठा समाजाचे नेते मनोज जरांगे पाटील यांच्यासोबत तोडगा काढण्यासाठी मंत्री राधाकृष्ण विखे पाटील आणि आमदार प्रसाद लाड हे उपस्थित आहेत. या भेटीदरम्यान त्यांच्यात सविस्तर चर्चा सुरू आहे. या चर्चेतून आताच तोडगा न निघाल्यास, उद्याही उपोषण सुरूच राहील, असा स्पष्ट इशारा मनोज जरांगे पाटील यांनी दिला आहे.1EXPRESS NEWS
- Post by होनाई न्यूज/सा.माणदेश दर्शन1होनाई न्यूज/सा.माणदेश दर्शन
- सांगलीतील माधवनगर ते कर्नाळ रस्त्यावर, एलसीबी (लोकल क्राईम ब्रँच) पथकाने गावठी बनावटीची हातभट्टी दारू तयार करणाऱ्या अड्ड्यावर जेसीबीच्या साहाय्याने मोठी कारवाई केली आहे. गोपनीय माहिती मिळाल्यानंतर फॅक्टरीच्या उत्तरेस ओढ्यात छापा टाकून ही धडक मोहीम राबवण्यात आली, ज्यात हातभट्टीचा संपूर्ण अड्डा जमीनदोस्त करण्यात आला. या कारवाईदरम्यान, ७५० लिटर गावठी हातभट्टीचे कच्चे दारूचे रसायन आणि इतर संबंधित साहित्य जागेवरच नष्ट करण्यात आले. तसेच, २०० लिटर क्षमतेचे पाच लोखंडी बॅरल, डबे आणि कोळशाची पोती असा एकूण ३१,६५०/- रुपये किमतीचा मुद्देमाल जप्त करण्यात आला. पोलीस निरीक्षक संजीव झाडे यांच्या पथकाने ही कारवाई केली. या प्रकरणी नितेश कुंभार मारवाडी आणि संजय कुंभार मारवाडी, रा. कंजारभाट वस्ती, कर्नाळ यांच्यावर सांगली ग्रामीण पोलीस ठाण्यात गुन्हा दाखल करण्यात आला आहे. या कारवाई मोहिमेत अनिल कोळेकर, अतुल माने, महादेव नागणे, संदीप पाटील, विक्रम खोत, अभिजीत माळकर, संकेत कानडे, ऋषिकेश सदामते, श्रीधर वाघमोडे आदी पोलिसांनी सहभाग घेतला.1होनाई न्यूज/सा.माणदेश दर्शन
