ಧರ್ಮ, ದೇವರ ಹೆಸರಿನಲ್ಲಿ ಪ್ರಾಣಿಬಲಿ ನಿಲ್ಲಬೇಕು/ ಕೊಕಟನೂರ ಜಾತ್ರೆಯಲ್ಲಿ ದಯಾನಂದ ಸ್ವಾಮೀಜಿ ಜನಜಾಗ್ರತಿ  ಅಥಣಿ : ತಾಲ್ಲೂಕಿನ ಕೊಕಟನೂರ ಯಲ್ಲಮ್ಮ ದೇವಿಯ ಜಾತ್ರೆಯಲ್ಲಿ ದೇವರ ಹೆಸರಿನಲ್ಲಿ ನಡೆಯುವ ಪ್ರಾಣಿ ವಧೆ   ನಿಲ್ಲಬೇಕು. ಈ ನಿಟ್ಟಿನಲ್ಲಿ ಜಿಲ್ಲಾಡಳಿತ ಮತ್ತು ತಾಲೂಕ ಆಡಳಿತ  ಕಳೆದ ಮೂರು ವರ್ಷಗಳಿಂದ  ತಿಳುವಳಿಕೆ ನೀಡುವ ಪ್ರಯತ್ನ ಮಾಡಿದ್ದು, ಆದರೂ ಕೂಡ  ಈ ಜಾತ್ರೆಯಲ್ಲಿ ಇನ್ನೂ ಪ್ರಾಣಿ ಬಲಿ ಸಂಪೂರ್ಣ ನಿಂತಿಲ್ಲ. ಜಿಲ್ಲಾಡಳಿತ  ಕಟ್ಟುನಿಟ್ಟಿನ ಕ್ರಮಗಳನ್ನು ಕೈಗೊಳ್ಳಬೇಕು ಎಂದು ವಿಶ್ವ ಪ್ರಾಣಿ ಕಲ್ಯಾಣ ಮಂಡಳಿಯ ಅಧ್ಯಕ್ಷ  ದಯಾನಂದ ಸ್ವಾಮೀಜಿ ಒತ್ತಾಯಿಸಿದ್ದಾರೆ ಅವರು ಸೋಮವಾರ  ಪಟ್ಟಣದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿ ಅಥಣಿ ತಾಲೂಕಿನ ಕೊಕಟನೂರು ಅತಿ ಹೆಚ್ಚು ಪ್ರಾಣಿ ಬಲಿ ನಡೆಯುವ ಜಾತ್ರೆಯಾಗಿದ್ದು, ಕಳೆದ ನಾಲ್ಕೈದು ವರ್ಷಗಳಿಂದ ನಮ್ಮ ವಿಶ್ವ ಪ್ರಾಣಿ ಕಲ್ಯಾಣ ಮಂಡಳಿಯಿಂದ ಅಹಿಂಸಾ ಯಾತ್ರೆಯನ್ನು ಹಮ್ಮಿಕೊಳ್ಳಲಾಗುತ್ತಿದ್ದು, ಮಹಾರಾಷ್ಟ್ರದಿಂದ ಲಕ್ಷಾಂತರ ಭಕ್ತರು ಈ ಜಾತ್ರೆಗೆ ಬರುವುದರಿಂದ ಜಾತ್ರಾ ಕಮಿಟಿಯವರು, ಗ್ರಾಮ ಪಂಚಾಯಿತಿ ಆಡಳಿತ, ತಾಲೂಕ ಆಡಳಿತ ಮತ್ತು ಜಿಲ್ಲಾಡಳಿತ ಕನ್ನಡ ಮತ್ತು ಮರಾಠಿ ಭಾಷೆಗಳಲ್ಲಿ ಇಲ್ಲಿನ ಭಕ್ತಾದಿಗಳಿಗೆ ಅರಿವು ಮೂಡಿಸುವ ಮೂಲಕ ಪ್ರಾಣಿ ಬಲಿ ಮತ್ತು ಅನಿಷ್ಠ ಪದ್ಧತಿಗಳನ್ನು ತಡೆಗಟ್ಟಬೇಕು. 1959ರ ಪ್ರಾಣಿ ಬಲಿಗಳ ಪ್ರತಿಬಂಧಕ ಅಧಿನಿಯಮ ಹಾಗೂ 1963 ಮತ್ತು 1975ರ ನಿಯಮ ಗಳ ಪ್ರಕಾರ ರಾಜ್ಯ ಹೈಕೋರ್ಟ್ ಆದೇಶದಂತೆ ಯಾವುದೇ ಧರ್ಮ ಮತ್ತು ದೇವರ ಹೆಸರಿನಲ್ಲಿ ಪ್ರಾಣಿಗಳನ್ನು ಮತ್ತು ಪ್ರಾಣಿಗಳ ಅಂಗಾಂಗಗಳನ್ನು ನೈವೇದ್ಯ ಮಾಡಿ ಹರಕೆ ತೀರಿಸುವುದು ಕಾನೂನು ಪ್ರಕಾರ ಅಪರಾಧವಾಗಿದೆ. ಆದರೆ ಕೊಕಟನೂರು ಎಲ್ಲಮ್ಮ ದೇವಿ ಜಾತ್ರೆಯಲ್ಲಿ ಕಾನೂನು ಬಾಹಿರವಾಗಿ ಪ್ರಾಣಿ ಬಲಿ ಮತ್ತು ಅನಿಷ್ಟ ಪದ್ದತಿಗಳು  ಕೆಲವೆಡೆ ತೆರೆಮರೆಯಲ್ಲಿ  ಇನ್ನು  ಕೆಲವು ಸ್ಥಳಗಳಲ್ಲಿ ಯಾರ ಭಯವೂ ಇಲ್ಲದೆ  ರಾಜಾರೋಷವಾಗಿ  ಪ್ರಾಣಿಬಲಿ  ಬಹಿರಂಗವಾಗಿ ನಡೆಯುತ್ತಿವೆ. ಇದಕ್ಕೆ ಜಿಲ್ಲಾಡಳಿತ ಕಟ್ಟು ನಿಟ್ಟಿನ ಕ್ರಮಗಳನ್ನು ಕೈಕೊಳ್ಳಬೇಕು ಎಂದು ಅಗ್ರಹಿಸಿದರು. ದೇವಾಲಯಗಳು ವಧಾಲಯವಾಗಬಾರದು :  ವಿಶ್ವ ಪ್ರಾಣಿ ಕಲ್ಯಾಣ ಮಂಡಳಿಯು ಯಾವುದೇ ಜಾತಿ, ಧರ್ಮದ ವಿರೋಧಿಯಲ್ಲ, ಭಕ್ತರ ಧಾರ್ಮಿಕ ಭಾವನೆಗಳಿಗೆ, ಆಚರಣೆಗಳಿಗೆ ನಾವು ವಿರೋಧ ವ್ಯಕ್ತಪಡಿಸುತ್ತಿಲ್ಲ. ಧರ್ಮ ಮತ್ತು ದೇವರ ಹೆಸರಿನಲ್ಲಿ, ಮೂಡನಂಬಿಕೆ, ಅನಿಷ್ಟ ಪದ್ದತಿಗಳು ನಡೆಯುತ್ತಿರುವುದು ಜನರ ಅಜ್ಞಾನ ಮತ್ತು ಅಂಧಕಾರವಾಗಿದೆ. ನಾವು ಈ ಬಗ್ಗೆ ಜನರಲ್ಲಿ ಜನಜಾಗೃತಿ ಮೂಡಿಸುತ್ತಿದ್ದೇವೆ. ದೇವಾಲಯಗಳು ವಧಾಲಯವಾಗದೆ ದಿವ್ಯಾಲಯಗಳಾಗಬೇಕು ಜ್ಞಾನಾಲಯಗಳಾಗಬೇಕು. ಜಾತ್ರೆಗಳು ಕಟುಕರ ಕೇರಿಯಾಗದೆ ಮಧ್ಯ,ಮಾಂಸಗಳ ಮಾರಾಟ ಸ್ಥಳವಾಗದೆ, ಸದ್ಭಕ್ತಿ ಸತ್ಸಂಪ್ರದಾಯದ ಮೂಲಕ ಸಾತ್ವಿಕವಾಗಿ ಆಚರಿಸಬೇಕು. ನಾವು ಮಾಡುವ ಹೋರಾಟ ಯಾವುದೇ  ಧರ್ಮ,  ಜಾತಿ, ಮತ ಪಂಥಗಳಿಗೆ ಸೀಮಿತವಾಗದೆ  ಬಸವಣ್ಣನವರು ಹೇಳಿದಂತೆ "ದಯವೇ  ಧರ್ಮದ ಮೂಲವಯ್ಯ" ಎಂಬಂತೆ  ಪ್ರಾಣಿ ದಯೆ ಮೂಲ ಉದ್ದೇಶ ಹೊಂದಿದೆ. ಇತ್ತೀಚಿಗೆ ರಾಜ್ಯ ಸರ್ಕಾರ  ಕರ್ನಾಟಕ ಸಾರಿಗೆ ಬಸ್ ಗಳ  ಮೇಲೆ  "  ಪ್ರಾಣಿಗಳ ಬಗ್ಗೆ ಕರುಣೆ ಇರಲಿ " ಎಂದು ಬರೆಸುವ ಮೂಲಕ  ಪ್ರಾಣಿಗಳ ಬಗ್ಗೆ ದಯ ತೋರುವ  ಕಾರ್ಯ ಮಾಡುತ್ತಿದ್ದಾರೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು. 5 ದಿನ ಅಹಿಂಸಾ ಸಂದೇಶ ಯಾತ್ರೆ :  ಅಥಣಿ ತಾಲೂಕಿನ ಕೊಕಟನೂರು ಜಾತ್ರಾ ಪರಿಸರದಲ್ಲಿ ವಿಶ್ವ ಪ್ರಾಣಿ ಕಲ್ಯಾಣ ಮಂಡಳಿಯ ವತಿಯಿಂದ  ದಿ. 15 ರಿಂದ 21 ರವರಿಗೆ   ಅಹಿಂಸಾ ಪ್ರಾಣಿದಯಾ ಸಂದೇಶ ಯಾತ್ರೆ ಆರಂಭವಾಗಲಿದೆ. ತಾಲೂಕ ಆಡಳಿತ, ವಿವಿಧ ಸಂಘ-ಸಂಸ್ಥೆಗಳು ಯಾತ್ರೆಗೆ ಕೈಜೋಡಿಸಬೇಕೆಂದು ಮನವಿ ಮಾಡಿದರು. ದೇಶದಲ್ಲಿ ಅಖಂಡವಾಗಿ 30 ವರ್ಷಗಳಿಂದ ಈ ಹೋರಾಟ ಮಾಡಿಕೊಂಡು ಬರುತ್ತಿರುವ ನಾವುಗಳು ಕಕ್ಕೇರಿ ಭಿಷ್ಠಾದೇವಿ ಜಾತ್ರೆಯನ್ನು ಸಂಪೂರ್ಣ ಪ್ರಾಣಿ ಪ್ರಾಣಿ ಬಲಿ ಮುಕ್ತ ಮಾಡಿದ ಯಶಸ್ಸು ನಮ್ಮದಾಗಿದೆ. ದೇಶದಲ್ಲಿ  1 ಸಾವಿರ  ಕಡೆಗಳಲ್ಲಿ ಪ್ರಾಣಿ ಬಲಿಯನ್ನು ತಡೆದಿದ್ದೇವೆ.ಈ ಕಾರ್ಯದಲ್ಲಿ ನಾಡಿನ ಮಠಾಧೀಶರು ಕೈಗೂಡಿಸಿದರೆ ಖಂಡಿತವಾಗಿಯೂ ಈ ಬೆಳೆ ಪದ್ಧತಿ ನಿಂತು ಹೋಗುತ್ತದೆ. ಕೊಕಟನೂರನಲ್ಲಿ ನಡೆಯುವ ಜಾತ್ರೆ ಬಹುದೊಡ್ಡ ಜಾತ್ರೆಯಾಗಿದ್ದು ಜಾತ್ರೆಯಲ್ಲಿ ಪ್ರಾಣಿಬಲಿ ತಡೆಯುವುದು ಕೇವಲ ಪ್ರಾಣಿ ದಯಾ ಸಂಘದ ದಯಾನಂದ ಸ್ವಾಮೀಜಿ ಮಾತ್ರವಲ್ಲ, ಎಲ್ಲರೂ ಸಹಕಾರ ನೀಡಬೇಕೆಂದು ಕರೆ ನೀಡಿದರು. ಈ ವೇಳೆ ದಯಾನಂದ ಸ್ವಾಮೀಜಿ, ಶರಣಪ್ಪ ಕಮ್ಮಾರ ಸೇರಿದಂತೆ ಇನ್ನಿತರರು ಉಪಸ್ಥಿತರಿದ್ದರು.

Dr RAMANNA.S.D

Journalist Athni, Belagavi•

on 15 December

ಧರ್ಮ, ದೇವರ ಹೆಸರಿನಲ್ಲಿ ಪ್ರಾಣಿಬಲಿ ನಿಲ್ಲಬೇಕು/ ಕೊಕಟನೂರ ಜಾತ್ರೆಯಲ್ಲಿ ದಯಾನಂದ ಸ್ವಾಮೀಜಿ ಜನಜಾಗ್ರತಿ  ಅಥಣಿ : ತಾಲ್ಲೂಕಿನ ಕೊಕಟನೂರ ಯಲ್ಲಮ್ಮ ದೇವಿಯ ಜಾತ್ರೆಯಲ್ಲಿ ದೇವರ ಹೆಸರಿನಲ್ಲಿ ನಡೆಯುವ ಪ್ರಾಣಿ ವಧೆ   ನಿಲ್ಲಬೇಕು. ಈ ನಿಟ್ಟಿನಲ್ಲಿ ಜಿಲ್ಲಾಡಳಿತ ಮತ್ತು ತಾಲೂಕ ಆಡಳಿತ  ಕಳೆದ ಮೂರು ವರ್ಷಗಳಿಂದ  ತಿಳುವಳಿಕೆ ನೀಡುವ ಪ್ರಯತ್ನ ಮಾಡಿದ್ದು, ಆದರೂ ಕೂಡ  ಈ ಜಾತ್ರೆಯಲ್ಲಿ ಇನ್ನೂ ಪ್ರಾಣಿ ಬಲಿ ಸಂಪೂರ್ಣ ನಿಂತಿಲ್ಲ. ಜಿಲ್ಲಾಡಳಿತ  ಕಟ್ಟುನಿಟ್ಟಿನ ಕ್ರಮಗಳನ್ನು ಕೈಗೊಳ್ಳಬೇಕು ಎಂದು ವಿಶ್ವ ಪ್ರಾಣಿ ಕಲ್ಯಾಣ ಮಂಡಳಿಯ ಅಧ್ಯಕ್ಷ  ದಯಾನಂದ ಸ್ವಾಮೀಜಿ ಒತ್ತಾಯಿಸಿದ್ದಾರೆ ಅವರು ಸೋಮವಾರ  ಪಟ್ಟಣದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿ ಅಥಣಿ ತಾಲೂಕಿನ ಕೊಕಟನೂರು ಅತಿ ಹೆಚ್ಚು ಪ್ರಾಣಿ ಬಲಿ ನಡೆಯುವ ಜಾತ್ರೆಯಾಗಿದ್ದು, ಕಳೆದ ನಾಲ್ಕೈದು ವರ್ಷಗಳಿಂದ ನಮ್ಮ ವಿಶ್ವ ಪ್ರಾಣಿ ಕಲ್ಯಾಣ ಮಂಡಳಿಯಿಂದ ಅಹಿಂಸಾ ಯಾತ್ರೆಯನ್ನು ಹಮ್ಮಿಕೊಳ್ಳಲಾಗುತ್ತಿದ್ದು, ಮಹಾರಾಷ್ಟ್ರದಿಂದ ಲಕ್ಷಾಂತರ ಭಕ್ತರು ಈ ಜಾತ್ರೆಗೆ ಬರುವುದರಿಂದ ಜಾತ್ರಾ ಕಮಿಟಿಯವರು, ಗ್ರಾಮ ಪಂಚಾಯಿತಿ ಆಡಳಿತ, ತಾಲೂಕ ಆಡಳಿತ ಮತ್ತು ಜಿಲ್ಲಾಡಳಿತ ಕನ್ನಡ ಮತ್ತು ಮರಾಠಿ ಭಾಷೆಗಳಲ್ಲಿ ಇಲ್ಲಿನ ಭಕ್ತಾದಿಗಳಿಗೆ ಅರಿವು ಮೂಡಿಸುವ ಮೂಲಕ ಪ್ರಾಣಿ ಬಲಿ ಮತ್ತು ಅನಿಷ್ಠ ಪದ್ಧತಿಗಳನ್ನು ತಡೆಗಟ್ಟಬೇಕು. 1959ರ ಪ್ರಾಣಿ ಬಲಿಗಳ ಪ್ರತಿಬಂಧಕ ಅಧಿನಿಯಮ ಹಾಗೂ 1963 ಮತ್ತು 1975ರ ನಿಯಮ ಗಳ ಪ್ರಕಾರ ರಾಜ್ಯ ಹೈಕೋರ್ಟ್ ಆದೇಶದಂತೆ ಯಾವುದೇ ಧರ್ಮ ಮತ್ತು ದೇವರ ಹೆಸರಿನಲ್ಲಿ ಪ್ರಾಣಿಗಳನ್ನು ಮತ್ತು ಪ್ರಾಣಿಗಳ ಅಂಗಾಂಗಗಳನ್ನು ನೈವೇದ್ಯ ಮಾಡಿ ಹರಕೆ ತೀರಿಸುವುದು ಕಾನೂನು ಪ್ರಕಾರ ಅಪರಾಧವಾಗಿದೆ. ಆದರೆ ಕೊಕಟನೂರು ಎಲ್ಲಮ್ಮ ದೇವಿ ಜಾತ್ರೆಯಲ್ಲಿ ಕಾನೂನು ಬಾಹಿರವಾಗಿ ಪ್ರಾಣಿ ಬಲಿ ಮತ್ತು ಅನಿಷ್ಟ ಪದ್ದತಿಗಳು  ಕೆಲವೆಡೆ ತೆರೆಮರೆಯಲ್ಲಿ  ಇನ್ನು  ಕೆಲವು ಸ್ಥಳಗಳಲ್ಲಿ ಯಾರ ಭಯವೂ ಇಲ್ಲದೆ  ರಾಜಾರೋಷವಾಗಿ  ಪ್ರಾಣಿಬಲಿ  ಬಹಿರಂಗವಾಗಿ ನಡೆಯುತ್ತಿವೆ. ಇದಕ್ಕೆ ಜಿಲ್ಲಾಡಳಿತ ಕಟ್ಟು ನಿಟ್ಟಿನ ಕ್ರಮಗಳನ್ನು ಕೈಕೊಳ್ಳಬೇಕು ಎಂದು ಅಗ್ರಹಿಸಿದರು. ದೇವಾಲಯಗಳು ವಧಾಲಯವಾಗಬಾರದು :  ವಿಶ್ವ ಪ್ರಾಣಿ ಕಲ್ಯಾಣ ಮಂಡಳಿಯು ಯಾವುದೇ ಜಾತಿ, ಧರ್ಮದ ವಿರೋಧಿಯಲ್ಲ, ಭಕ್ತರ ಧಾರ್ಮಿಕ ಭಾವನೆಗಳಿಗೆ, ಆಚರಣೆಗಳಿಗೆ ನಾವು ವಿರೋಧ ವ್ಯಕ್ತಪಡಿಸುತ್ತಿಲ್ಲ. ಧರ್ಮ ಮತ್ತು ದೇವರ ಹೆಸರಿನಲ್ಲಿ, ಮೂಡನಂಬಿಕೆ, ಅನಿಷ್ಟ ಪದ್ದತಿಗಳು ನಡೆಯುತ್ತಿರುವುದು ಜನರ ಅಜ್ಞಾನ ಮತ್ತು ಅಂಧಕಾರವಾಗಿದೆ. ನಾವು ಈ ಬಗ್ಗೆ ಜನರಲ್ಲಿ ಜನಜಾಗೃತಿ ಮೂಡಿಸುತ್ತಿದ್ದೇವೆ. ದೇವಾಲಯಗಳು ವಧಾಲಯವಾಗದೆ ದಿವ್ಯಾಲಯಗಳಾಗಬೇಕು ಜ್ಞಾನಾಲಯಗಳಾಗಬೇಕು. ಜಾತ್ರೆಗಳು ಕಟುಕರ ಕೇರಿಯಾಗದೆ ಮಧ್ಯ,ಮಾಂಸಗಳ ಮಾರಾಟ ಸ್ಥಳವಾಗದೆ, ಸದ್ಭಕ್ತಿ ಸತ್ಸಂಪ್ರದಾಯದ ಮೂಲಕ ಸಾತ್ವಿಕವಾಗಿ ಆಚರಿಸಬೇಕು. ನಾವು ಮಾಡುವ ಹೋರಾಟ ಯಾವುದೇ  ಧರ್ಮ,  ಜಾತಿ, ಮತ ಪಂಥಗಳಿಗೆ ಸೀಮಿತವಾಗದೆ  ಬಸವಣ್ಣನವರು ಹೇಳಿದಂತೆ "ದಯವೇ  ಧರ್ಮದ ಮೂಲವಯ್ಯ" ಎಂಬಂತೆ  ಪ್ರಾಣಿ ದಯೆ ಮೂಲ ಉದ್ದೇಶ ಹೊಂದಿದೆ. ಇತ್ತೀಚಿಗೆ ರಾಜ್ಯ ಸರ್ಕಾರ  ಕರ್ನಾಟಕ ಸಾರಿಗೆ ಬಸ್ ಗಳ  ಮೇಲೆ  "  ಪ್ರಾಣಿಗಳ ಬಗ್ಗೆ ಕರುಣೆ ಇರಲಿ " ಎಂದು ಬರೆಸುವ ಮೂಲಕ  ಪ್ರಾಣಿಗಳ ಬಗ್ಗೆ ದಯ ತೋರುವ  ಕಾರ್ಯ ಮಾಡುತ್ತಿದ್ದಾರೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು. 5 ದಿನ ಅಹಿಂಸಾ ಸಂದೇಶ ಯಾತ್ರೆ :  ಅಥಣಿ ತಾಲೂಕಿನ ಕೊಕಟನೂರು ಜಾತ್ರಾ ಪರಿಸರದಲ್ಲಿ ವಿಶ್ವ ಪ್ರಾಣಿ ಕಲ್ಯಾಣ ಮಂಡಳಿಯ ವತಿಯಿಂದ  ದಿ. 15 ರಿಂದ 21 ರವರಿಗೆ   ಅಹಿಂಸಾ ಪ್ರಾಣಿದಯಾ ಸಂದೇಶ ಯಾತ್ರೆ ಆರಂಭವಾಗಲಿದೆ. ತಾಲೂಕ ಆಡಳಿತ, ವಿವಿಧ ಸಂಘ-ಸಂಸ್ಥೆಗಳು ಯಾತ್ರೆಗೆ ಕೈಜೋಡಿಸಬೇಕೆಂದು ಮನವಿ ಮಾಡಿದರು. ದೇಶದಲ್ಲಿ ಅಖಂಡವಾಗಿ 30 ವರ್ಷಗಳಿಂದ ಈ ಹೋರಾಟ ಮಾಡಿಕೊಂಡು ಬರುತ್ತಿರುವ ನಾವುಗಳು ಕಕ್ಕೇರಿ ಭಿಷ್ಠಾದೇವಿ ಜಾತ್ರೆಯನ್ನು ಸಂಪೂರ್ಣ ಪ್ರಾಣಿ ಪ್ರಾಣಿ ಬಲಿ ಮುಕ್ತ ಮಾಡಿದ ಯಶಸ್ಸು ನಮ್ಮದಾಗಿದೆ. ದೇಶದಲ್ಲಿ  1 ಸಾವಿರ  ಕಡೆಗಳಲ್ಲಿ ಪ್ರಾಣಿ ಬಲಿಯನ್ನು ತಡೆದಿದ್ದೇವೆ.ಈ ಕಾರ್ಯದಲ್ಲಿ ನಾಡಿನ ಮಠಾಧೀಶರು ಕೈಗೂಡಿಸಿದರೆ ಖಂಡಿತವಾಗಿಯೂ ಈ ಬೆಳೆ ಪದ್ಧತಿ ನಿಂತು ಹೋಗುತ್ತದೆ. ಕೊಕಟನೂರನಲ್ಲಿ ನಡೆಯುವ ಜಾತ್ರೆ ಬಹುದೊಡ್ಡ ಜಾತ್ರೆಯಾಗಿದ್ದು ಜಾತ್ರೆಯಲ್ಲಿ ಪ್ರಾಣಿಬಲಿ ತಡೆಯುವುದು ಕೇವಲ ಪ್ರಾಣಿ ದಯಾ ಸಂಘದ ದಯಾನಂದ ಸ್ವಾಮೀಜಿ ಮಾತ್ರವಲ್ಲ, ಎಲ್ಲರೂ ಸಹಕಾರ ನೀಡಬೇಕೆಂದು ಕರೆ ನೀಡಿದರು. ಈ ವೇಳೆ ದಯಾನಂದ ಸ್ವಾಮೀಜಿ, ಶರಣಪ್ಪ ಕಮ್ಮಾರ ಸೇರಿದಂತೆ ಇನ್ನಿತರರು ಉಪಸ್ಥಿತರಿದ್ದರು.