मराठवाडा आणि तेलंगणाला जोडणारा महत्त्वाकांक्षी उदगीर-मुक्रमाबाद-देगलूर-बोधन रेल्वेमार्ग अनेक वर्षांपासून प्रलंबित असून, या मार्गाकडे लोकप्रतिनिधींकडून होत असलेल्या दुर्लक्षामुळे नागरिकांमध्ये तीव्र नाराजी व्यक्त होत आहे. परिसरातील व्यापार, उद्योग, शिक्षण आणि प्रवासी वाहतुकीसाठी अत्यंत महत्त्वाचा असलेला हा प्रकल्प रखडल्याने नागरिकांकडून लोकप्रतिनिधींच्या कार्यक्षमतेवर प्रश्नचिन्ह उपस्थित केले जात आहे. निजामकाळापासून या मार्गाची चर्चा सुरू असून, सर्वेक्षणासह सर्व प्रशासकीय प्रक्रिया पूर्ण झाल्या आहेत, तसेच अंतिम मंजुरी मिळाल्याचेही सांगण्यात येते. असे असूनही, प्रत्यक्ष कामाला अद्याप सुरुवात झालेली नाही. या प्रकल्पाच्या विलंबामागे राजकीय स्वार्थ आणि स्थानिक राजकारण कारणीभूत असल्याचा नागरिकांचा आरोप आहे, कारण काही लोकप्रतिनिधी मूळ प्रस्तावित मार्गात बदल करून रेल्वेमार्ग दुसरीकडे वळविण्याचा प्रयत्न करत असल्याची चर्चा आहे. यामुळे शासनाची दिशाभूल होत असल्याचेही नागरिक बोलत आहेत. या सर्व घडामोडींमुळे उदगीर, मुक्रमाबाद, देगलूर आणि बोधन परिसरातील नागरिक संतप्त झाले असून, त्यांनी या रेल्वेमार्गाला तातडीने गती देऊन काम सुरू करण्याची मागणी केली आहे. विकासाच्या दृष्टीने महत्त्वपूर्ण असलेल्या या प्रकल्पाला राजकारणापासून दूर ठेवून लवकरात लवकर मार्गी लावावे, अशी अपेक्षा या भागातील नागरिक व्यक्त करत आहेत.

MUKRAMABAD MDL

मुखेड, नांदेड, महाराष्ट्र•

1 hr ago

मराठवाडा आणि तेलंगणाला जोडणारा महत्त्वाकांक्षी उदगीर-मुक्रमाबाद-देगलूर-बोधन रेल्वेमार्ग अनेक वर्षांपासून प्रलंबित असून, या मार्गाकडे लोकप्रतिनिधींकडून होत असलेल्या दुर्लक्षामुळे नागरिकांमध्ये तीव्र नाराजी व्यक्त होत आहे. परिसरातील व्यापार, उद्योग, शिक्षण आणि प्रवासी वाहतुकीसाठी अत्यंत महत्त्वाचा असलेला हा प्रकल्प रखडल्याने नागरिकांकडून लोकप्रतिनिधींच्या कार्यक्षमतेवर प्रश्नचिन्ह उपस्थित केले जात आहे. निजामकाळापासून या मार्गाची चर्चा सुरू असून, सर्वेक्षणासह सर्व प्रशासकीय प्रक्रिया पूर्ण झाल्या आहेत, तसेच अंतिम मंजुरी मिळाल्याचेही सांगण्यात येते. असे असूनही, प्रत्यक्ष कामाला अद्याप सुरुवात झालेली नाही. या प्रकल्पाच्या विलंबामागे राजकीय स्वार्थ आणि स्थानिक राजकारण कारणीभूत असल्याचा नागरिकांचा आरोप आहे, कारण काही लोकप्रतिनिधी मूळ प्रस्तावित मार्गात बदल करून रेल्वेमार्ग दुसरीकडे वळविण्याचा प्रयत्न करत असल्याची चर्चा आहे. यामुळे शासनाची दिशाभूल होत असल्याचेही नागरिक बोलत आहेत. या सर्व घडामोडींमुळे उदगीर, मुक्रमाबाद, देगलूर आणि बोधन परिसरातील नागरिक संतप्त झाले असून, त्यांनी या रेल्वेमार्गाला तातडीने गती देऊन काम सुरू करण्याची मागणी केली आहे. विकासाच्या दृष्टीने महत्त्वपूर्ण असलेल्या या प्रकल्पाला राजकारणापासून दूर ठेवून लवकरात लवकर मार्गी लावावे, अशी अपेक्षा या भागातील नागरिक व्यक्त करत आहेत.