रस्ते अपघातांमुळे होणारी जीवितहानी टाळण्यासाठी आणि वाहनचालकांच्या सुरक्षिततेसाठी, अमरावती ग्रामीण जिल्ह्याचे पोलीस अधीक्षक निकेतन कदम यांच्या आदेशानुसार २२ जूनपासून हेल्मेट सक्तीची प्रभावी अंमलबजावणी सुरू करण्यात आली आहे. या आदेशाचे काटेकोरपणे पालन करत, धामणगांव रेल्वे येथील दत्तापूर पोलिसांनी विना हेल्मेट दुचाकी चालकांविरुद्ध विशेष जनजागृती आणि कारवाई मोहीम हाती घेतली आहे. या मोहिमेअंतर्गत, विना हेल्मेट दुचाकी चालवणाऱ्या वाहनचालकांचा हार घालून अनोख्या पद्धतीने सत्कार करण्यात आला. त्यानंतर त्यांना हेल्मेट वापरण्याचे महत्त्व समजावून सांगण्यात आले आणि भविष्यात नेहमी हेल्मेट घालण्याच्या सूचना देण्यात आल्या. दुचाकी चालकांसोबतच, मागील आसनावर बसणाऱ्या व्यक्तीलाही हेल्मेट वापरणे बंधनकारक करण्यात आले आहे. दत्तापूर पोलिसांनी विविध चौक आणि प्रमुख मार्गांवर विशेष बंदोबस्त तैनात करून विना हेल्मेट वाहन चालवणाऱ्यांवर कारवाई सुरू केली आहे. यावेळी सहाय्यक पोलीस निरीक्षक गजानन गजभारे, वाहतूक पोलीस हवालदार रवी पाखरे, नारायण फड तसेच इतर पोलीस कर्मचारी आणि होमगार्ड यांनी वाहनचालकांना वाहतूक नियमांचे महत्त्व पटवून देत जनजागृती केली. पोलिस प्रशासनाने नागरिकांना स्वतःच्या व कुटुंबाच्या सुरक्षिततेसाठी हेल्मेटचा नियमित वापर करण्याचे आवाहन केले आहे, कारण हेल्मेट हा केवळ दंड टाळण्याचा उपाय नसून अपघाताच्या वेळी जीव वाचवणारे प्रभावी सुरक्षा कवच आहे. दत्तापूर पोलिसांनी नागरिकांना असा संदेश दिला आहे की, हेल्मेट ही सक्ती नसून सुरक्षिततेची गरज आहे, कारण आपला जीव अमूल्य आहे आणि त्याच्या रक्षणासाठी हेल्मेटचा वापर अत्यावश्यक आहे. नियमांचे उल्लंघन करणाऱ्यांवर नियमानुसार दंडात्मक कारवाई करण्यात येणार असल्याचेही पोलिसांनी स्पष्ट केले आहे.

Santosh Waghmare

T. V. News Reporter Dhamangaon Railway, Amravati•

1 hr ago

रस्ते अपघातांमुळे होणारी जीवितहानी टाळण्यासाठी आणि वाहनचालकांच्या सुरक्षिततेसाठी, अमरावती ग्रामीण जिल्ह्याचे पोलीस अधीक्षक निकेतन कदम यांच्या आदेशानुसार २२ जूनपासून हेल्मेट सक्तीची प्रभावी अंमलबजावणी सुरू करण्यात आली आहे. या आदेशाचे काटेकोरपणे पालन करत, धामणगांव रेल्वे येथील दत्तापूर पोलिसांनी विना हेल्मेट दुचाकी चालकांविरुद्ध विशेष जनजागृती आणि कारवाई मोहीम हाती घेतली आहे. या मोहिमेअंतर्गत, विना हेल्मेट दुचाकी चालवणाऱ्या वाहनचालकांचा हार घालून अनोख्या पद्धतीने सत्कार करण्यात आला. त्यानंतर त्यांना हेल्मेट वापरण्याचे महत्त्व समजावून सांगण्यात आले आणि भविष्यात नेहमी हेल्मेट घालण्याच्या सूचना देण्यात आल्या. दुचाकी चालकांसोबतच, मागील आसनावर बसणाऱ्या व्यक्तीलाही हेल्मेट वापरणे बंधनकारक करण्यात आले आहे. दत्तापूर पोलिसांनी विविध चौक आणि प्रमुख मार्गांवर विशेष बंदोबस्त तैनात करून विना हेल्मेट वाहन चालवणाऱ्यांवर कारवाई सुरू केली आहे. यावेळी सहाय्यक पोलीस निरीक्षक गजानन गजभारे, वाहतूक पोलीस हवालदार रवी पाखरे, नारायण फड तसेच इतर पोलीस कर्मचारी आणि होमगार्ड यांनी वाहनचालकांना वाहतूक नियमांचे महत्त्व पटवून देत जनजागृती केली. पोलिस प्रशासनाने नागरिकांना स्वतःच्या व कुटुंबाच्या सुरक्षिततेसाठी हेल्मेटचा नियमित वापर करण्याचे आवाहन केले आहे, कारण हेल्मेट हा केवळ दंड टाळण्याचा उपाय नसून अपघाताच्या वेळी जीव वाचवणारे प्रभावी सुरक्षा कवच आहे. दत्तापूर पोलिसांनी नागरिकांना असा संदेश दिला आहे की, हेल्मेट ही सक्ती नसून सुरक्षिततेची गरज आहे, कारण आपला जीव अमूल्य आहे आणि त्याच्या रक्षणासाठी हेल्मेटचा वापर अत्यावश्यक आहे. नियमांचे उल्लंघन करणाऱ्यांवर नियमानुसार दंडात्मक कारवाई करण्यात येणार असल्याचेही पोलिसांनी स्पष्ट केले आहे.