लातूरच्या उदगीर तालुक्यातील हळी हंडरगुळी येथे दाखला ऑफिस समोरून अंगणवाडी आणि रामराव पाटील विद्या मंदिराकडे जाणाऱ्या रस्त्यावर चिमुकल्या विद्यार्थ्यांची मोठी फरफट होत आहे. रस्त्यावर तुंबलेल्या गटारीतील घाण आणि पावसाचे पाणी साचल्यामुळे चिमुकल्या विद्यार्थ्यांना जीव मुठीत धरून या दुर्गंधीयुक्त पाण्यातून ये-जा करावी लागत आहे. केवळ शाळकरी मुलेच नाही, तर मंदिरात दर्शनासाठी जाणारे नागरिक, अपंग आणि वृद्ध व्यक्तींनाही याच चिखलातून वाट काढावी लागत आहे. या चिखलासोबतच रस्त्यावरील मोकाट गुरे आणि कुत्र्यांच्या दहशतीमुळे लहान मुलांना प्रचंड भीतीचा सामना करावा लागत आहे. या गंभीर परिस्थितीकडे ग्रामपंचायत प्रशासनाचे पूर्णपणे दुर्लक्ष होत असल्याने स्थानिक नागरिकांमध्ये तीव्र संताप व्यक्त होत आहे. एखादी दुर्दैवी घटना घडल्यावरच प्रशासन मोकाट गुरांचा बंदोबस्त करणार का, असा सवाल जनता विचारत असून 'विकास दलदलीत फसला' अशी टीका होत आहे. विशेष म्हणजे, ज्या रामराव पाटील विद्यामंदिर शाळेतील शेकडो विद्यार्थ्यांना दररोज या घाणीतून जावे लागते, ती संस्था राष्ट्रवादी काँग्रेस (अजित पवार गट) च्या एका पदाधिकाऱ्याची आहे. असे असूनही त्यांचे या समस्येकडे दुर्लक्ष का होत आहे, हा संशोधनाचा विषय बनला आहे. या त्रासातून सुटका करण्यासाठी प्रशासनाने रस्त्यावरील दलदलीसह मोकाट गुरांचा लवकरात लवकर बंदोबस्त करावा, अशी मागणी आता जोर धरत आहे.

Laxman Ugile

उदगीर, लातूर, महाराष्ट्र•

10 hrs ago

लातूरच्या उदगीर तालुक्यातील हळी हंडरगुळी येथे दाखला ऑफिस समोरून अंगणवाडी आणि रामराव पाटील विद्या मंदिराकडे जाणाऱ्या रस्त्यावर चिमुकल्या विद्यार्थ्यांची मोठी फरफट होत आहे. रस्त्यावर तुंबलेल्या गटारीतील घाण आणि पावसाचे पाणी साचल्यामुळे चिमुकल्या विद्यार्थ्यांना जीव मुठीत धरून या दुर्गंधीयुक्त पाण्यातून ये-जा करावी लागत आहे. केवळ शाळकरी मुलेच नाही, तर मंदिरात दर्शनासाठी जाणारे नागरिक, अपंग आणि वृद्ध व्यक्तींनाही याच चिखलातून वाट काढावी लागत आहे. या चिखलासोबतच रस्त्यावरील मोकाट गुरे आणि कुत्र्यांच्या दहशतीमुळे लहान मुलांना प्रचंड भीतीचा सामना करावा लागत आहे. या गंभीर परिस्थितीकडे ग्रामपंचायत प्रशासनाचे पूर्णपणे दुर्लक्ष होत असल्याने स्थानिक नागरिकांमध्ये तीव्र संताप व्यक्त होत आहे. एखादी दुर्दैवी घटना घडल्यावरच प्रशासन मोकाट गुरांचा बंदोबस्त करणार का, असा सवाल जनता विचारत असून 'विकास दलदलीत फसला' अशी टीका होत आहे. विशेष म्हणजे, ज्या रामराव पाटील विद्यामंदिर शाळेतील शेकडो विद्यार्थ्यांना दररोज या घाणीतून जावे लागते, ती संस्था राष्ट्रवादी काँग्रेस (अजित पवार गट) च्या एका पदाधिकाऱ्याची आहे. असे असूनही त्यांचे या समस्येकडे दुर्लक्ष का होत आहे, हा संशोधनाचा विषय बनला आहे. या त्रासातून सुटका करण्यासाठी प्रशासनाने रस्त्यावरील दलदलीसह मोकाट गुरांचा लवकरात लवकर बंदोबस्त करावा, अशी मागणी आता जोर धरत आहे.