मंठा तालुक्यातील केहाळ वडगाव परिसरात २६ मे रोजी झालेल्या वादळी वाऱ्यासह पावसामुळे मोठे नुकसान झाले आहे. गावातील एक वीज पोल कोसळला असून, शेतात दोन ठिकाणी प्रत्येकी चार-चार वीज पोल मोडून पडल्याने विद्युत तारा तुटल्या आहेत. या घटनेला तब्बल पाच दिवस उलटूनही महावितरणकडून दुरुस्तीचे काम करण्यात आलेले नाही, ज्यामुळे शेतकरी आणि ग्रामस्थांमध्ये तीव्र नाराजी व्यक्त होत आहे. वीजपुरवठा खंडित झाल्यामुळे शेतातील पिकांना पाणी देणे आणि जनावरांसाठी पाण्याची व्यवस्था करणे कठीण झाले आहे. विहिरी व बोअरवेलच्या मोटारी बंद पडल्याने अनेक शेतकऱ्यांना जनावरांना हाताने पाणी शेंदून पाजावे लागत आहे, त्यामुळे पशुपालक व शेतकरी मोठ्या अडचणीत सापडले असून जनावरांच्या पाण्याचा प्रश्न गंभीर बनला आहे. दरम्यान, गावात कोसळलेला वीज पोल रस्त्यावर आडवा पडल्याने वाहतुकीलाही अडथळा निर्माण झाला आहे आणि अपघाताचा धोका वाढला आहे. ग्रामस्थांनी तातडीने पोल उभा करून वीज पुरवठा सुरुळीत करण्याची आणि रस्ता मोकळा करण्याची मागणी केली आहे. ग्रामस्थांच्या म्हणण्यानुसार, अनेक मीटरधारकांनी स्वतःच्या खर्चाने वायर खरेदी करून दूरवरून घरापर्यंत वीज जोडणी केली आहे, ज्यामुळे आधीच आर्थिक संकटाचा सामना करणाऱ्या गोरगरीब नागरिकांवर अतिरिक्त आर्थिक भुर्दंड पडला आहे. विशेष म्हणजे, पावसाळा तोंडावर असून लवकरच खरीप हंगामातील पेरणीची कामे सुरू होणार आहेत. पेरणी झाल्यानंतर शेतांमध्ये वीज पोल उभारणे व दुरुस्तीची कामे करणे अधिक अवघड होणार आहे. त्यामुळे पाऊस व पेरणीपूर्वीच तातडीने नवीन पोल उभारून तुटलेल्या तारा दुरुस्त कराव्यात आणि वीजपुरवठा पूर्ववत करावा, अशी मागणी केहाळ वडगाव येथील ग्रामस्थ व शेतकऱ्यांकडून करण्यात येत आहे. महावितरणच्या दिरंगाईमुळे नागरिकांना, शेतकऱ्यांना व पशुपालकांना मोठ्या गैरसोयीचा सामना करावा लागत असून, वरिष्ठ अधिकाऱ्यांनी तत्काळ हस्तक्षेप करून ही समस्या मार्गी लावावी, अशी जोरदार मागणी गावकऱ्यांकडून होत आहे.

Sandip Gaikwad

Accountant मंठा, जालना, महाराष्ट्र•

6 hrs ago

मंठा तालुक्यातील केहाळ वडगाव परिसरात २६ मे रोजी झालेल्या वादळी वाऱ्यासह पावसामुळे मोठे नुकसान झाले आहे. गावातील एक वीज पोल कोसळला असून, शेतात दोन ठिकाणी प्रत्येकी चार-चार वीज पोल मोडून पडल्याने विद्युत तारा तुटल्या आहेत. या घटनेला तब्बल पाच दिवस उलटूनही महावितरणकडून दुरुस्तीचे काम करण्यात आलेले नाही, ज्यामुळे शेतकरी आणि ग्रामस्थांमध्ये तीव्र नाराजी व्यक्त होत आहे. वीजपुरवठा खंडित झाल्यामुळे शेतातील पिकांना पाणी देणे आणि जनावरांसाठी पाण्याची व्यवस्था करणे कठीण झाले आहे. विहिरी व बोअरवेलच्या मोटारी बंद पडल्याने अनेक शेतकऱ्यांना जनावरांना हाताने पाणी शेंदून पाजावे लागत आहे, त्यामुळे पशुपालक व शेतकरी मोठ्या अडचणीत सापडले असून जनावरांच्या पाण्याचा प्रश्न गंभीर बनला आहे. दरम्यान, गावात कोसळलेला वीज पोल रस्त्यावर आडवा पडल्याने वाहतुकीलाही अडथळा निर्माण झाला आहे आणि अपघाताचा धोका वाढला आहे. ग्रामस्थांनी तातडीने पोल उभा करून वीज पुरवठा सुरुळीत करण्याची आणि रस्ता मोकळा करण्याची मागणी केली आहे. ग्रामस्थांच्या म्हणण्यानुसार, अनेक मीटरधारकांनी स्वतःच्या खर्चाने वायर खरेदी करून दूरवरून घरापर्यंत वीज जोडणी केली आहे, ज्यामुळे आधीच आर्थिक संकटाचा सामना करणाऱ्या गोरगरीब नागरिकांवर अतिरिक्त आर्थिक भुर्दंड पडला आहे. विशेष म्हणजे, पावसाळा तोंडावर असून लवकरच खरीप हंगामातील पेरणीची कामे सुरू होणार आहेत. पेरणी झाल्यानंतर शेतांमध्ये वीज पोल उभारणे व दुरुस्तीची कामे करणे अधिक अवघड होणार आहे. त्यामुळे पाऊस व पेरणीपूर्वीच तातडीने नवीन पोल उभारून तुटलेल्या तारा दुरुस्त कराव्यात आणि वीजपुरवठा पूर्ववत करावा, अशी मागणी केहाळ वडगाव येथील ग्रामस्थ व शेतकऱ्यांकडून करण्यात येत आहे. महावितरणच्या दिरंगाईमुळे नागरिकांना, शेतकऱ्यांना व पशुपालकांना मोठ्या गैरसोयीचा सामना करावा लागत असून, वरिष्ठ अधिकाऱ्यांनी तत्काळ हस्तक्षेप करून ही समस्या मार्गी लावावी, अशी जोरदार मागणी गावकऱ्यांकडून होत आहे.