जिल्हा परिषद लातूरमध्ये अधिकारी-कर्मचाऱ्यांचे काम बंद असहकार आंदोलन संपन्न  लातूर (प्रतिनिधी) जय महाराष्ट्र शासकीय, निमशासकीय अधिकारी व कर्मचारी संघटना महाराष्ट्र राज्य यांच्या वतीने लिपिक वर्गीय कर्मचाऱ्यांच्या प्रलंबित मागण्यांसाठी घोषित करण्यात आलेल्या असहकार आंदोलनात जिल्हा शाखा लातूरच्या वतीने जिल्हा परिषद अंतर्गत अधिकारी व कर्मचाऱ्यांनी सक्रिय सहभाग नोंदविला. लिपिक वर्गीय कर्मचाऱ्यांच्या प्रमुख मागण्यांमध्ये ४था वेतन आयोगा पासूनची वेतनत्रुटी दूर करणे, पदोन्नतीचे स्तर कमी करून पदनामात बदल करणे तसेच २००५ नंतरच्या कर्मचाऱ्यांना जुनी पेन्शन योजना जशीच्या तशी लागू करणे. या मागण्यांचा समावेश आहे. या मागण्यांकडे शासनाचे लक्ष वेधण्यासाठी जिल्हा परिषदेच्या प्रवेशद्वाराजवळ अधिकारी व कर्मचारी एकत्र जमून घोषणाबाजी करण्यात आली. आंदोलनाच्या माध्यमातून कर्मचाऱ्यांनी काळ्या फिती लावून कार्यालयीन काम न करता असहकार करण्याचा निर्णय घेतला आहे. हे आंदोलन २० फेब्रुवारी २०२६ पर्यंत चालणार असून शासनाने मागण्यांना सकारात्मक प्रतिसाद न दिल्यास दि. २३ फेब्रुवारी २०२६ पासून जिल्हा परिषद मुख्यालयीन कर्मचारी तसेच पंचायत समिती अंतर्गत सर्व कर्मचारी बेमुदत काम बंद आंदोलनावर जाणार असल्याचा इशारा देण्यात आला आहे. या आंदोलनास जिल्हा परिषद लिपिक वर्गीय संघटना जिल्हा शाखा लातूर, राजपत्रित महासंघ, महाराष्ट्र विकास सेवा संघटना, विस्तार अधिकारी संघटना, ग्रामपंचायत अधिकारी संघटना, प्राथमिक शिक्षक संघ, वाहन चालक संघटना आदी विविध संघटनांनी पाठिंबा दर्शविला आहे. आंदोलनस्थळी राजपत्रित महासंघाचे सचिव संताजी माने (गटविकास अधिकारी, नरेगा) यांनी उपस्थित राहून जाहीर पाठिंबा दिला. तसेच जिल्हा परिषद लिपिक वर्गीय संघटनेचे अध्यक्ष लिंबराज धुमाळ यांनीही आंदोलनाला पाठिंबा दर्शविला. यावेळी जय महाराष्ट्र संघटना जिल्हा शाखा लातूरचे अध्यक्ष सचिन कुलकर्णी, उपाध्यक्ष सुजित मळभागे यांच्यासह वैजनाथ बादणे, दयानंद स्वामी, हिरागीर गिरी, ब्रह्मानंद डांगे, संजय पाटील, महेशकुमार मठपती, विठ्ठल आयनले, सुरज बरमदे, सलमान पठाण, रोहित बुडगे, प्रणव जाधव, विक्रांत जाधव, तसेच मोठ्या संख्येने अधिकारी व कर्मचारी उपस्थित होते. या आंदोलनामुळे जिल्हा परिषद प्रशासनात कामकाजावर परिणाम होण्याची शक्यता व्यक्त करण्यात येत आहे.

Laxman Ugile

उदगीर, लातूर, महाराष्ट्र•

14 hrs ago

जिल्हा परिषद लातूरमध्ये अधिकारी-कर्मचाऱ्यांचे काम बंद असहकार आंदोलन संपन्न  लातूर (प्रतिनिधी) जय महाराष्ट्र शासकीय, निमशासकीय अधिकारी व कर्मचारी संघटना महाराष्ट्र राज्य यांच्या वतीने लिपिक वर्गीय कर्मचाऱ्यांच्या प्रलंबित मागण्यांसाठी घोषित करण्यात आलेल्या असहकार आंदोलनात जिल्हा शाखा लातूरच्या वतीने जिल्हा परिषद अंतर्गत अधिकारी व कर्मचाऱ्यांनी सक्रिय सहभाग नोंदविला. लिपिक वर्गीय कर्मचाऱ्यांच्या प्रमुख मागण्यांमध्ये ४था वेतन आयोगा पासूनची वेतनत्रुटी दूर करणे, पदोन्नतीचे स्तर कमी करून पदनामात बदल करणे तसेच २००५ नंतरच्या कर्मचाऱ्यांना जुनी पेन्शन योजना जशीच्या तशी लागू करणे. या मागण्यांचा समावेश आहे. या मागण्यांकडे शासनाचे लक्ष वेधण्यासाठी जिल्हा परिषदेच्या प्रवेशद्वाराजवळ अधिकारी व कर्मचारी एकत्र जमून घोषणाबाजी करण्यात आली. आंदोलनाच्या माध्यमातून कर्मचाऱ्यांनी काळ्या फिती लावून कार्यालयीन काम न करता असहकार करण्याचा निर्णय घेतला आहे. हे आंदोलन २० फेब्रुवारी २०२६ पर्यंत चालणार असून शासनाने मागण्यांना सकारात्मक प्रतिसाद न दिल्यास दि. २३ फेब्रुवारी २०२६ पासून जिल्हा परिषद मुख्यालयीन कर्मचारी तसेच पंचायत समिती अंतर्गत सर्व कर्मचारी बेमुदत काम बंद आंदोलनावर जाणार असल्याचा इशारा देण्यात आला आहे. या आंदोलनास जिल्हा परिषद लिपिक वर्गीय संघटना जिल्हा शाखा लातूर, राजपत्रित महासंघ, महाराष्ट्र विकास सेवा संघटना, विस्तार अधिकारी संघटना, ग्रामपंचायत अधिकारी संघटना, प्राथमिक शिक्षक संघ, वाहन चालक संघटना आदी विविध संघटनांनी पाठिंबा दर्शविला आहे. आंदोलनस्थळी राजपत्रित महासंघाचे सचिव संताजी माने (गटविकास अधिकारी, नरेगा) यांनी उपस्थित राहून जाहीर पाठिंबा दिला. तसेच जिल्हा परिषद लिपिक वर्गीय संघटनेचे अध्यक्ष लिंबराज धुमाळ यांनीही आंदोलनाला पाठिंबा दर्शविला. यावेळी जय महाराष्ट्र संघटना जिल्हा शाखा लातूरचे अध्यक्ष सचिन कुलकर्णी, उपाध्यक्ष सुजित मळभागे यांच्यासह वैजनाथ बादणे, दयानंद स्वामी, हिरागीर गिरी, ब्रह्मानंद डांगे, संजय पाटील, महेशकुमार मठपती, विठ्ठल आयनले, सुरज बरमदे, सलमान पठाण, रोहित बुडगे, प्रणव जाधव, विक्रांत जाधव, तसेच मोठ्या संख्येने अधिकारी व कर्मचारी उपस्थित होते. या आंदोलनामुळे जिल्हा परिषद प्रशासनात कामकाजावर परिणाम होण्याची शक्यता व्यक्त करण्यात येत आहे.