मराठा आरक्षण आंदोलनाला पाठिंबा देण्यासाठी अंतरवाली सराटी येथे गेलेल्या इंदापूर तालुक्यातील मराठा बांधवांच्या वाहनाला परतीच्या प्रवासात दुर्दैवी अपघात झाला आहे. मांजरसुंभा परिसरात झालेल्या या भीषण अपघातात मराठा सेवक रामचंद्र शंकर जमदाडे यांचा मृत्यू झाला. या अपघातात त्यांच्यासोबत असलेले संतोष पांडुरंग माने आणि बिपिन नारायण मोरे हे दोघे गंभीर जखमी झाले असून, त्यांच्यावर बीड येथील लोटस हॉस्पिटलच्या अतिदक्षता विभागात (ICU) उपचार सुरू आहेत. हे सर्व बांधव पुणे जिल्ह्यातील इंदापूर तालुक्यातील असून, मराठा आरक्षणाच्या मागणीसाठी सुरू असलेल्या मनोज जरांगे पाटील यांच्या आमरण उपोषणाला पाठिंबा देण्यासाठी अंतरवाली सराटी येथे आले होते. परतीच्या प्रवासात घडलेल्या या अपघातामुळे मराठा समाजात हळहळ व्यक्त होत असून, समाजाच्या वतीने दिवंगत रामचंद्र जमदाडे यांना भावपूर्ण श्रद्धांजली अर्पण करण्यात येत आहे. जखमी बांधवांच्या प्रकृतीत लवकरात लवकर सुधारणा व्हावी यासाठी प्रार्थना केली जात असून, समाज आणि मनोज जरांगे पाटील यांचे समर्थक जमदाडे कुटुंबीयांच्या दुःखात सहभागी असल्याची भावना व्यक्त करत आहेत.

पत्रकार ओमप्रकाश उढाण

घनसावंगी, जालना, महाराष्ट्र•

2 hrs ago

मराठा आरक्षण आंदोलनाला पाठिंबा देण्यासाठी अंतरवाली सराटी येथे गेलेल्या इंदापूर तालुक्यातील मराठा बांधवांच्या वाहनाला परतीच्या प्रवासात दुर्दैवी अपघात झाला आहे. मांजरसुंभा परिसरात झालेल्या या भीषण अपघातात मराठा सेवक रामचंद्र शंकर जमदाडे यांचा मृत्यू झाला. या अपघातात त्यांच्यासोबत असलेले संतोष पांडुरंग माने आणि बिपिन नारायण मोरे हे दोघे गंभीर जखमी झाले असून, त्यांच्यावर बीड येथील लोटस हॉस्पिटलच्या अतिदक्षता विभागात (ICU) उपचार सुरू आहेत. हे सर्व बांधव पुणे जिल्ह्यातील इंदापूर तालुक्यातील असून, मराठा आरक्षणाच्या मागणीसाठी सुरू असलेल्या मनोज जरांगे पाटील यांच्या आमरण उपोषणाला पाठिंबा देण्यासाठी अंतरवाली सराटी येथे आले होते. परतीच्या प्रवासात घडलेल्या या अपघातामुळे मराठा समाजात हळहळ व्यक्त होत असून, समाजाच्या वतीने दिवंगत रामचंद्र जमदाडे यांना भावपूर्ण श्रद्धांजली अर्पण करण्यात येत आहे. जखमी बांधवांच्या प्रकृतीत लवकरात लवकर सुधारणा व्हावी यासाठी प्रार्थना केली जात असून, समाज आणि मनोज जरांगे पाटील यांचे समर्थक जमदाडे कुटुंबीयांच्या दुःखात सहभागी असल्याची भावना व्यक्त करत आहेत.