मुलींच्या सुरक्षित भविष्यासाठी एचपीव्ही लसीकरण गरजेचे! अफवांना बळी न पडता पालकांनी पुढाकार घ्यावा — आरोग्य विभागाचे आवाहन मानोरा :--- एचपीव्ही लसीकरण मोहिमेअंतर्गत १४ वर्ष पूर्ण झालेल्या व १५ वर्षे होणे बाकी असलेल्या मुलींना लस देण्यावर भर दिला जात आहे. या पार्श्वभूमीवर प्राथमिक आरोग्य केंद्र शेंदुरजना अंतर्गत आरोग्य यंत्रणा सक्रिय झाली असून घरोघरी जाऊन जनजागृती केली जात आहे. या मोहिमेत वैद्यकीय अधिकारी डॉ. कोयल राठोड, उपकेंद्र फुलऊमरी येथील समुदाय आरोग्य अधिकारी डॉ भाग्यश्री चौधरी, आरोग्य सहाय्यिका निशा दाभने, आरोग्य सेवक विशाल राठोड, आरोग्य सेविका वंदना वाघमारे तसेच आशा कार्यकर्त्या सुशीला पवार व निशा राठोड यांनी सक्रिय सहभाग घेतला. त्यांनी पात्र मुलींच्या पालकांना भेटून एचपीव्ही लसीचे महत्त्व समजावून सांगितले. आरोग्य अधिकाऱ्यांनी सांगितले की, ही लस भविष्यात गर्भाशयमुख कर्करोग होऊ नये यासाठी अत्यंत उपयुक्त आहे. लसीकरणामुळे अनेक गंभीर आजारांवर नियंत्रण मिळवणे शक्य झाले आहे. उदाहरणार्थ, पोलिओ, धनुर्वात, डांग्या खोकला यांसारखे आजार लसीकरणामुळे मोठ्या प्रमाणात आटोक्यात आले आहेत. आरोग्य विभागाने नागरिकांना आवाहन केले आहे की, अफवांवर विश्वास न ठेवता आपल्या मुलींना एचपीव्ही लस देऊन त्यांच्या आरोग्याचे संरक्षण करावे. ही लस सुरक्षित व प्रभावी असून मुलींच्या निरोगी भविष्यासाठी महत्त्वपूर्ण पाऊल आहे.

कु.मोनाली अनिल राठोड

पत्रकार मानोरा, वाशिम, महाराष्ट्र•

3 hrs ago

मुलींच्या सुरक्षित भविष्यासाठी एचपीव्ही लसीकरण गरजेचे! अफवांना बळी न पडता पालकांनी पुढाकार घ्यावा — आरोग्य विभागाचे आवाहन मानोरा :--- एचपीव्ही लसीकरण मोहिमेअंतर्गत १४ वर्ष पूर्ण झालेल्या व १५ वर्षे होणे बाकी असलेल्या मुलींना लस देण्यावर भर दिला जात आहे. या पार्श्वभूमीवर प्राथमिक आरोग्य केंद्र शेंदुरजना अंतर्गत आरोग्य यंत्रणा सक्रिय झाली असून घरोघरी जाऊन जनजागृती केली जात आहे. या मोहिमेत वैद्यकीय अधिकारी डॉ. कोयल राठोड, उपकेंद्र फुलऊमरी येथील समुदाय आरोग्य अधिकारी डॉ भाग्यश्री चौधरी, आरोग्य सहाय्यिका निशा दाभने, आरोग्य सेवक विशाल राठोड, आरोग्य सेविका वंदना वाघमारे तसेच आशा कार्यकर्त्या सुशीला पवार व निशा राठोड यांनी सक्रिय सहभाग घेतला. त्यांनी पात्र मुलींच्या पालकांना भेटून एचपीव्ही लसीचे महत्त्व समजावून सांगितले. आरोग्य अधिकाऱ्यांनी सांगितले की, ही लस भविष्यात गर्भाशयमुख कर्करोग होऊ नये यासाठी अत्यंत उपयुक्त आहे. लसीकरणामुळे अनेक गंभीर आजारांवर नियंत्रण मिळवणे शक्य झाले आहे. उदाहरणार्थ, पोलिओ, धनुर्वात, डांग्या खोकला यांसारखे आजार लसीकरणामुळे मोठ्या प्रमाणात आटोक्यात आले आहेत. आरोग्य विभागाने नागरिकांना आवाहन केले आहे की, अफवांवर विश्वास न ठेवता आपल्या मुलींना एचपीव्ही लस देऊन त्यांच्या आरोग्याचे संरक्षण करावे. ही लस सुरक्षित व प्रभावी असून मुलींच्या निरोगी भविष्यासाठी महत्त्वपूर्ण पाऊल आहे.