अंबिका माता यात्रेनिमित्त शिरवळ सज्ज; शिवमहोत्सव, छबिना, कुस्त्या व तमाशाचा जल्लोष जनसंघर्ष न्युज नेटवर्क शिरवळ, ता. खंडाळा, जि. सातारा — वैशाख शुद्ध तृतीया (अक्षय तृतीया) निमित्त शिरवळ येथे श्री अंबिका देवीची पारंपरिक यात्रा मोठ्या उत्साहात आयोजित करण्यात आली आहे. या यात्रेनिमित्त विविध धार्मिक, सांस्कृतिक आणि क्रीडा कार्यक्रमांचे आयोजन करण्यात आले असून पंचक्रोशीतील भाविकांसाठी ही एक पर्वणी ठरणार आहे. यात्रेची सुरुवात शुक्रवार, दि. १७ एप्रिल २०२६ रोजी सायंकाळी ७ ते ९ या वेळेत ‘कमानपीरबाबा संदल’ या कार्यक्रमाने होणार असून त्यानंतर भव्य मिरवणूक काढण्यात येणार आहे. शनिवार, दि. १८ एप्रिल रोजी सायंकाळी ६ वाजता ‘शिवमहोत्सव’ साजरा केला जाणार आहे. रविवार, दि. १९ एप्रिल रोजी दुपारी १२ वाजता श्री अंबिका शासन काठीचे भव्य स्वागत होणार असून रात्री छबिन्याचे आयोजन करण्यात आले आहे. या छबिन्यात ढोल-लेझीम खेळांचे आकर्षण असणार असून परिसरातील खेळाडूंना सहभागासाठी आवाहन करण्यात आले आहे. उत्कृष्ट खेळाडूंना बक्षिसेही दिली जाणार आहेत. सोमवार, दि. २० एप्रिल रोजी सकाळी १० वाजता मंगला बनसोडे सह नितीनकुमार बनसोडे करवडीकर यांचा लोकनाट्य तमाशा रंगणार आहे. त्याच दिवशी दुपारी ३ वाजता भव्य निकाली कुस्त्यांचे जंगी मैदान भरविण्यात येणार असून शिरवळ गावचे प्रथम सरपंच कै. पांडुरंग (भाऊ) तांबे यांच्या स्मरणार्थ पाच स्मृती चषक देण्यात येणार आहेत. रात्री ९ वाजता वसंत नांदवळकर सह रविंद्र पिंपळे यांचा नामांकित तमाशा सादर होणार आहे. यात्रेचा पुढील टप्पा गुरुवार, दि. २३ एप्रिल व रविवार, दि. २६ एप्रिल रोजी ‘मायबोली महाराष्ट्राची लोकधारा’ या विशेष कार्यक्रमाने रंगणार असून महाराष्ट्राची लावणी सम्राज्ञी ऐश्वर्या जाधव यांचा बहुप्रसिद्ध गाण्यांचा कार्यक्रम होणार आहे. तमाशा कार्यक्रम एस.टी. स्टँड मैदान व दत्त मंदिर परिसरात, तर कुस्त्या आणि ऑर्केस्ट्रा कार्यक्रम ज्ञानसंवर्धनी प्रशाळा मैदानावर पार पडणार आहेत. या सर्व कार्यक्रमांसाठी आयोजक मंडळाने भाविकांना मोठ्या संख्येने उपस्थित राहून यात्रेला शोभा आणण्याचे आवाहन केले आहे. सरपंच, ग्रामस्थ व संयोजक समितीच्या वतीने यात्रेची जोरदार तयारी करण्यात आली असून परिसरात उत्साहाचे वातावरण निर्माण झाले आहे.

Sanjay Chandgude

Local News Reporter Indapur, Pune•

3 hrs ago

अंबिका माता यात्रेनिमित्त शिरवळ सज्ज; शिवमहोत्सव, छबिना, कुस्त्या व तमाशाचा जल्लोष जनसंघर्ष न्युज नेटवर्क शिरवळ, ता. खंडाळा, जि. सातारा — वैशाख शुद्ध तृतीया (अक्षय तृतीया) निमित्त शिरवळ येथे श्री अंबिका देवीची पारंपरिक यात्रा मोठ्या उत्साहात आयोजित करण्यात आली आहे. या यात्रेनिमित्त विविध धार्मिक, सांस्कृतिक आणि क्रीडा कार्यक्रमांचे आयोजन करण्यात आले असून पंचक्रोशीतील भाविकांसाठी ही एक पर्वणी ठरणार आहे. यात्रेची सुरुवात शुक्रवार, दि. १७ एप्रिल २०२६ रोजी सायंकाळी ७ ते ९ या वेळेत ‘कमानपीरबाबा संदल’ या कार्यक्रमाने होणार असून त्यानंतर भव्य मिरवणूक काढण्यात येणार आहे. शनिवार, दि. १८ एप्रिल रोजी सायंकाळी ६ वाजता ‘शिवमहोत्सव’ साजरा केला जाणार आहे. रविवार, दि. १९ एप्रिल रोजी दुपारी १२ वाजता श्री अंबिका शासन काठीचे भव्य स्वागत होणार असून रात्री छबिन्याचे आयोजन करण्यात आले आहे. या छबिन्यात ढोल-लेझीम खेळांचे आकर्षण असणार असून परिसरातील खेळाडूंना सहभागासाठी आवाहन करण्यात आले आहे. उत्कृष्ट खेळाडूंना बक्षिसेही दिली जाणार आहेत. सोमवार, दि. २० एप्रिल रोजी सकाळी १० वाजता मंगला बनसोडे सह नितीनकुमार बनसोडे करवडीकर यांचा लोकनाट्य तमाशा रंगणार आहे. त्याच दिवशी दुपारी ३ वाजता भव्य निकाली कुस्त्यांचे जंगी मैदान भरविण्यात येणार असून शिरवळ गावचे प्रथम सरपंच कै. पांडुरंग (भाऊ) तांबे यांच्या स्मरणार्थ पाच स्मृती चषक देण्यात येणार आहेत. रात्री ९ वाजता वसंत नांदवळकर सह रविंद्र पिंपळे यांचा नामांकित तमाशा सादर होणार आहे. यात्रेचा पुढील टप्पा गुरुवार, दि. २३ एप्रिल व रविवार, दि. २६ एप्रिल रोजी ‘मायबोली महाराष्ट्राची लोकधारा’ या विशेष कार्यक्रमाने रंगणार असून महाराष्ट्राची लावणी सम्राज्ञी ऐश्वर्या जाधव यांचा बहुप्रसिद्ध गाण्यांचा कार्यक्रम होणार आहे. तमाशा कार्यक्रम एस.टी. स्टँड मैदान व दत्त मंदिर परिसरात, तर कुस्त्या आणि ऑर्केस्ट्रा कार्यक्रम ज्ञानसंवर्धनी प्रशाळा मैदानावर पार पडणार आहेत. या सर्व कार्यक्रमांसाठी आयोजक मंडळाने भाविकांना मोठ्या संख्येने उपस्थित राहून यात्रेला शोभा आणण्याचे आवाहन केले आहे. सरपंच, ग्रामस्थ व संयोजक समितीच्या वतीने यात्रेची जोरदार तयारी करण्यात आली असून परिसरात उत्साहाचे वातावरण निर्माण झाले आहे.