​ଚମ୍ପୁଆରେ ଅଧରାତିରେ ବୋଲେରୋରୁ ଚାଲିଥିଲା ଗୋରୁ ଚୋରି: CCTVରେ କଏଦ ହେଲା ଚୋରଙ୍କ କାରନାମା, ସୁରକ୍ଷାକୁ ନେଇ ପ୍ରଶ୍ନବାଚୀ! କେନ୍ଦୁଝର ଜିଲ୍ଲା ଚମ୍ପୁଆ ଅଞ୍ଚଳରେ ପୁଣି ସକ୍ରିୟ ହୋଇଛନ୍ତି ଗୋରୁ ଚୋର ଦଳ। ବିଳମ୍ବିତ ରାତିରେ ସହର ଓ ରାସ୍ତା କଡ଼ରେ ବୁଲୁଥିବା ଗୋରୁଙ୍କୁ ବୋଲେରୋ ଗାଡ଼ିରେ ଚୋରି କରି ନେଉଥିବାର ଏକ ସାଂଘାତିକ ଦୃଶ୍ୟ ସ୍ଥାନୀୟ ସିସିଟିଭି କ୍ୟାମେରାରେ କଏଦ ହୋଇଛି। ​ମିଳିଥିବା ସୂଚନା ମୁତାବକ, ରାତି ପ୍ରାୟ ୧ଟା ୨ ମିନିଟ୍‌ ସମୟରେ ଏକ ସଫେଦ ରଙ୍ଗର ବୋଲେରୋ ଗାଡ଼ି ରାସ୍ତା କଡ଼ରେ ଅଟକିଥିଲା। ଗାଡ଼ିରୁ କିଛି ଯୁବକ ଓହ୍ଲାଇ ରାସ୍ତାରେ ଛିଡ଼ା ହୋଇଥିବା ଗୋରୁମାନଙ୍କୁ ଘେରି ଯୋରଜବରଦସ୍ତ ଟେକି ନେବାକୁ ଚେଷ୍ଟା କରୁଥିବା ଦେଖିବାକୁ ମିଳିଛି। ସିସିଟିଭି ଫୁଟେଜ୍‌ରେ ସ୍ପଷ୍ଟ ଭାବେ ଦୃଶ୍ୟମାନ ହେଉଛି ଯେ, ଚୋରମାନେ ଗୋରୁଙ୍କୁ ଗୋଡ଼ାଇ ଗୋଡ଼ାଇ କାବୁ କରିବାକୁ ଚେଷ୍ଟା କରୁଛନ୍ତି। ​ଚମ୍ପୁଆ ଭଳି ଗୁରୁତ୍ୱପୂର୍ଣ୍ଣ ସହରରେ ଅଧରାତିରେ ରାଜରାସ୍ତା ଉପରେ ଏଭଳି ଖୋଲାଖୋଲି ଗୋରୁ ଚୋରି ଘଟଣା ସ୍ଥାନୀୟ ଅଞ୍ଚଳରେ ତୀବ୍ର ଆଲୋଡ଼ନ ସୃଷ୍ଟି କରିଛି। ପୋଲିସର ରାତ୍ରିକାଳୀନ ପାଟ୍ରୋଲିଂ କଡ଼ାକଡ଼ି ହେଉନଥିବାରୁ ଚୋରମାନେ ଏହାର ଫାଇଦା ଉଠାଇ ନିର୍ଭୟରେ ଏଭଳି କାଣ୍ଡ ଭିଆଉଥିବା ଅଭିଯୋଗ ହୋଇଛି। ସିସିଟିଭି ଫୁଟେଜ୍‌କୁ ଆଧାର କରି ପୋଲିସ ତୁରନ୍ତ ତଦନ୍ତ କରିବା ସହ ଉକ୍ତ ବୋଲେରୋ ଗାଡ଼ି ଓ ଚୋରଙ୍କୁ ଚିହ୍ନଟ କରି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସାଧାରଣରେ ଦାବି ହୋଇଛି।

ସମୀର ପାତ୍ର

କେନ୍ଦୁଝର ସଦର, କେନ୍ଦୁଝର, ଓଡ଼ିଶା•

3 hrs ago

​ଚମ୍ପୁଆରେ ଅଧରାତିରେ ବୋଲେରୋରୁ ଚାଲିଥିଲା ଗୋରୁ ଚୋରି: CCTVରେ କଏଦ ହେଲା ଚୋରଙ୍କ କାରନାମା, ସୁରକ୍ଷାକୁ ନେଇ ପ୍ରଶ୍ନବାଚୀ! କେନ୍ଦୁଝର ଜିଲ୍ଲା ଚମ୍ପୁଆ ଅଞ୍ଚଳରେ ପୁଣି ସକ୍ରିୟ ହୋଇଛନ୍ତି ଗୋରୁ ଚୋର ଦଳ। ବିଳମ୍ବିତ ରାତିରେ ସହର ଓ ରାସ୍ତା କଡ଼ରେ ବୁଲୁଥିବା ଗୋରୁଙ୍କୁ ବୋଲେରୋ ଗାଡ଼ିରେ ଚୋରି କରି ନେଉଥିବାର ଏକ ସାଂଘାତିକ ଦୃଶ୍ୟ ସ୍ଥାନୀୟ ସିସିଟିଭି କ୍ୟାମେରାରେ କଏଦ ହୋଇଛି। ​ମିଳିଥିବା ସୂଚନା ମୁତାବକ, ରାତି ପ୍ରାୟ ୧ଟା ୨ ମିନିଟ୍‌ ସମୟରେ ଏକ ସଫେଦ ରଙ୍ଗର ବୋଲେରୋ ଗାଡ଼ି ରାସ୍ତା କଡ଼ରେ ଅଟକିଥିଲା। ଗାଡ଼ିରୁ କିଛି ଯୁବକ ଓହ୍ଲାଇ ରାସ୍ତାରେ ଛିଡ଼ା ହୋଇଥିବା ଗୋରୁମାନଙ୍କୁ ଘେରି ଯୋରଜବରଦସ୍ତ ଟେକି ନେବାକୁ ଚେଷ୍ଟା କରୁଥିବା ଦେଖିବାକୁ ମିଳିଛି। ସିସିଟିଭି ଫୁଟେଜ୍‌ରେ ସ୍ପଷ୍ଟ ଭାବେ ଦୃଶ୍ୟମାନ ହେଉଛି ଯେ, ଚୋରମାନେ ଗୋରୁଙ୍କୁ ଗୋଡ଼ାଇ ଗୋଡ଼ାଇ କାବୁ କରିବାକୁ ଚେଷ୍ଟା କରୁଛନ୍ତି। ​ଚମ୍ପୁଆ ଭଳି ଗୁରୁତ୍ୱପୂର୍ଣ୍ଣ ସହରରେ ଅଧରାତିରେ ରାଜରାସ୍ତା ଉପରେ ଏଭଳି ଖୋଲାଖୋଲି ଗୋରୁ ଚୋରି ଘଟଣା ସ୍ଥାନୀୟ ଅଞ୍ଚଳରେ ତୀବ୍ର ଆଲୋଡ଼ନ ସୃଷ୍ଟି କରିଛି। ପୋଲିସର ରାତ୍ରିକାଳୀନ ପାଟ୍ରୋଲିଂ କଡ଼ାକଡ଼ି ହେଉନଥିବାରୁ ଚୋରମାନେ ଏହାର ଫାଇଦା ଉଠାଇ ନିର୍ଭୟରେ ଏଭଳି କାଣ୍ଡ ଭିଆଉଥିବା ଅଭିଯୋଗ ହୋଇଛି। ସିସିଟିଭି ଫୁଟେଜ୍‌କୁ ଆଧାର କରି ପୋଲିସ ତୁରନ୍ତ ତଦନ୍ତ କରିବା ସହ ଉକ୍ତ ବୋଲେରୋ ଗାଡ଼ି ଓ ଚୋରଙ୍କୁ ଚିହ୍ନଟ କରି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସାଧାରଣରେ ଦାବି ହୋଇଛି।