ବୌଦ୍ଧରେ ତୋଫାନପରି ଫାଉଣ୍ଡେସନ୍ ପକ୍ଷରୁ ଓଏସିସ୍ ମିସାଲ୍ ପ୍ରକଳ୍ପର ଶୁଭାରମ୍ଭ ବୌଦ୍ଧ, ଅଗଷ୍ଟ ୨୫: ଯୁବପିଢ଼ିଙ୍କ ମଧ୍ୟରେ ନେତୃତ୍ୱ ଦକ୍ଷତା, ଚରିତ୍ର ଗଠନ, ଆତ୍ମବିଶ୍ୱାସ ଓ ସାମାଜିକ ଦାୟିତ୍ୱବୋଧ ବିକାଶ ଲକ୍ଷ୍ୟରେ ବୌଦ୍ଧ କଲେକ୍ଟରେଟ୍‌ର ସମ୍ମିଳନୀ କକ୍ଷରେ ଓଏସିସ୍ ମିସାଲ୍ ପ୍ରକଳ୍ପର ଶୁଭାରମ୍ଭ ହୋଇଛି। ବୌଦ୍ଧସ୍ଥିତ ତୋଫାନପରି ଫାଉଣ୍ଡେସନ୍ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମକୁ ଓଏସିସ୍ , ଗୁଜରାଟ୍ ସହଯୋଗ କରିଥିଲା। କାର୍ଯ୍ୟକ୍ରମରେ ବୌଦ୍ଧ ଜିଲ୍ଲାପାଳ ତଥା ଜିଲ୍ଲା ମାଜିଷ୍ଟ୍ରେଟ୍ ବିଭୂତି ଭୂଷଣ ନାୟକ, ଆଇଏଏସ୍ ଯୋଗଦେଇଥିଲେ। ଏଥିରେ ବୌଦ୍ଧ ଅତିରିକ୍ତ ଜିଲ୍ଲାପାଳ ଅନିରୁଦ୍ଧ ପାଢ଼ୀ, ଓଏଏସ୍, ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଭାସ୍କର ଲେଙ୍କା ଏବଂ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ବିଦ୍ୟାପତି ପଣ୍ଡା ଉପସ୍ଥିତ ଥିଲେ। ଓଏସିସ୍ ର ପ୍ରତିଷ୍ଠାତା ସଦସ୍ୟ ମେହୁଲ ପଞ୍ଚାଲ, ତୋଫାନପରି ଫାଉଣ୍ଡେସନ୍‌ର ସଭାପତି ଆଡଭୋକେଟ୍ ବିଶ୍ୱଜିତ ମିଶ୍ର, ସମ୍ପାଦକ ତୋଫାନ ପରିଡ଼ା ଏବଂ ପରାମର୍ଶଦାତା ଅଶୋକ କୁମାର ପଣ୍ଡିଆ ମଧ୍ୟ କାର୍ଯ୍ୟକ୍ରମରେ ଯୋଗଦେଇଥିଲେ। ତୋଫାନପରି ଫାଉଣ୍ଡେସନ୍‌ର ସଦସ୍ୟା ସନ୍ଧ୍ୟାରାଣୀ ସାହୁଙ୍କ ସ୍ୱାଗତ ଭାଷଣ ଓ ଅଂଶଗ୍ରହଣକାରୀଙ୍କ ପରିଚୟରୁ କାର୍ଯ୍ୟକ୍ରମ ଆରମ୍ଭ ହୋଇଥିଲା। ପରେ ତୋଫାନପରି ଫାଉଣ୍ଡେସନ୍ ଏବଂ ଓଏସିସ୍ ଆନ୍ଦୋଳନର ଲକ୍ଷ୍ୟ ଓ କାର୍ଯ୍ୟକଳାପ ସମ୍ପର୍କରେ ଆଲୋଚନା କରାଯାଇଥିଲା। ତୋଫାନପରି ଫାଉଣ୍ଡେସନ୍‌ର ସଭାପତି ଆଡଭୋକେଟ୍ ବିଶ୍ୱଜିତ ମିଶ୍ର ଯୁବପିଢ଼ିଙ୍କ ମଧ୍ୟରେ ନେତୃତ୍ୱ ଗୁଣ ଓ ଚରିତ୍ର ଗଠନର ଗୁରୁତ୍ୱ ବିଷୟରେ କହିଥିଲେ। ସମ୍ପାଦକ ତୋଫାନ ପରିଡ଼ା ଓଏସିସ୍ ମିସାଲ୍ ପ୍ରକଳ୍ପର ଲକ୍ଷ୍ୟ ଓ ଉଦ୍ଦେଶ୍ୟ ବିଷୟରେ ସୂଚନା ଦେଇଥିଲେ। ଏହି ପ୍ରକଳ୍ପର ମୁଖ୍ୟ ଉଦ୍ଦେଶ୍ୟ ହେଉଛି ଯୁବମାନଙ୍କ ମଧ୍ୟରେ ନେତୃତ୍ୱ ଦକ୍ଷତା, ଯୋଗାଯୋଗ କୌଶଳ, ଦଳଗତ କାର୍ଯ୍ୟ, ନିଷ୍ପତ୍ତି ନେବାର କ୍ଷମତା, ଶୃଙ୍ଖଳା, ଆତ୍ମବିଶ୍ୱାସ ଓ ସାମାଜିକ ଦାୟିତ୍ୱବୋଧ ବିକାଶ କରିବା। ପ୍ରତ୍ୟେକ ଯୁବକ-ଯୁବତୀଙ୍କ ମଧ୍ୟରେ ଜଣେ ଭଲ ନେତା ହେବାର ସମ୍ଭାବନା ରହିଛି। ଉପଯୁକ୍ତ ସୁଯୋଗ, ମାର୍ଗଦର୍ଶନ ଓ ଅନୁକୂଳ ପରିବେଶ ମିଳିଲେ ସେହି କ୍ଷମତାର ବିକାଶ ସମ୍ଭବ ବୋଲି ଆୟୋଜକମାନେ କହିଥିଲେ। କାର୍ଯ୍ୟକ୍ରମ ଶେଷରେ ତୋଫାନପରି ଫାଉଣ୍ଡେସନ୍‌ର ପରାମର୍ଶଦାତା ଅଶୋକ କୁମାର ପଣ୍ଡିଆ ଧନ୍ୟବାଦ ଅର୍ପଣ କରିଥିଲେ। ସେ ସମସ୍ତ ଅତିଥି, ଅଧିକାରୀ, ସହଯୋଗୀ, ଅଂଶଗ୍ରହଣକାରୀ ଓ ଆୟୋଜକମାନଙ୍କୁ ଧନ୍ୟବାଦ ଜଣାଇଥିଲେ।

Brundaban Patra

ବୌଦ୍ଧ ସଦର, ବୌଦ୍ଧ, ଓଡ଼ିଶା•

1 hr ago

ବୌଦ୍ଧରେ ତୋଫାନପରି ଫାଉଣ୍ଡେସନ୍ ପକ୍ଷରୁ ଓଏସିସ୍ ମିସାଲ୍ ପ୍ରକଳ୍ପର ଶୁଭାରମ୍ଭ ବୌଦ୍ଧ, ଅଗଷ୍ଟ ୨୫: ଯୁବପିଢ଼ିଙ୍କ ମଧ୍ୟରେ ନେତୃତ୍ୱ ଦକ୍ଷତା, ଚରିତ୍ର ଗଠନ, ଆତ୍ମବିଶ୍ୱାସ ଓ ସାମାଜିକ ଦାୟିତ୍ୱବୋଧ ବିକାଶ ଲକ୍ଷ୍ୟରେ ବୌଦ୍ଧ କଲେକ୍ଟରେଟ୍‌ର ସମ୍ମିଳନୀ କକ୍ଷରେ ଓଏସିସ୍ ମିସାଲ୍ ପ୍ରକଳ୍ପର ଶୁଭାରମ୍ଭ ହୋଇଛି। ବୌଦ୍ଧସ୍ଥିତ ତୋଫାନପରି ଫାଉଣ୍ଡେସନ୍ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମକୁ ଓଏସିସ୍ , ଗୁଜରାଟ୍ ସହଯୋଗ କରିଥିଲା। କାର୍ଯ୍ୟକ୍ରମରେ ବୌଦ୍ଧ ଜିଲ୍ଲାପାଳ ତଥା ଜିଲ୍ଲା ମାଜିଷ୍ଟ୍ରେଟ୍ ବିଭୂତି ଭୂଷଣ ନାୟକ, ଆଇଏଏସ୍ ଯୋଗଦେଇଥିଲେ। ଏଥିରେ ବୌଦ୍ଧ ଅତିରିକ୍ତ ଜିଲ୍ଲାପାଳ ଅନିରୁଦ୍ଧ ପାଢ଼ୀ, ଓଏଏସ୍, ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଭାସ୍କର ଲେଙ୍କା ଏବଂ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ବିଦ୍ୟାପତି ପଣ୍ଡା ଉପସ୍ଥିତ ଥିଲେ। ଓଏସିସ୍ ର ପ୍ରତିଷ୍ଠାତା ସଦସ୍ୟ ମେହୁଲ ପଞ୍ଚାଲ, ତୋଫାନପରି ଫାଉଣ୍ଡେସନ୍‌ର ସଭାପତି ଆଡଭୋକେଟ୍ ବିଶ୍ୱଜିତ ମିଶ୍ର, ସମ୍ପାଦକ ତୋଫାନ ପରିଡ଼ା ଏବଂ ପରାମର୍ଶଦାତା ଅଶୋକ କୁମାର ପଣ୍ଡିଆ ମଧ୍ୟ କାର୍ଯ୍ୟକ୍ରମରେ ଯୋଗଦେଇଥିଲେ। ତୋଫାନପରି ଫାଉଣ୍ଡେସନ୍‌ର ସଦସ୍ୟା ସନ୍ଧ୍ୟାରାଣୀ ସାହୁଙ୍କ ସ୍ୱାଗତ ଭାଷଣ ଓ ଅଂଶଗ୍ରହଣକାରୀଙ୍କ ପରିଚୟରୁ

କାର୍ଯ୍ୟକ୍ରମ ଆରମ୍ଭ ହୋଇଥିଲା। ପରେ ତୋଫାନପରି ଫାଉଣ୍ଡେସନ୍ ଏବଂ ଓଏସିସ୍ ଆନ୍ଦୋଳନର ଲକ୍ଷ୍ୟ ଓ କାର୍ଯ୍ୟକଳାପ ସମ୍ପର୍କରେ ଆଲୋଚନା କରାଯାଇଥିଲା। ତୋଫାନପରି ଫାଉଣ୍ଡେସନ୍‌ର ସଭାପତି ଆଡଭୋକେଟ୍ ବିଶ୍ୱଜିତ ମିଶ୍ର ଯୁବପିଢ଼ିଙ୍କ ମଧ୍ୟରେ ନେତୃତ୍ୱ ଗୁଣ ଓ ଚରିତ୍ର ଗଠନର ଗୁରୁତ୍ୱ ବିଷୟରେ କହିଥିଲେ। ସମ୍ପାଦକ ତୋଫାନ ପରିଡ଼ା ଓଏସିସ୍ ମିସାଲ୍ ପ୍ରକଳ୍ପର ଲକ୍ଷ୍ୟ ଓ ଉଦ୍ଦେଶ୍ୟ ବିଷୟରେ ସୂଚନା ଦେଇଥିଲେ। ଏହି ପ୍ରକଳ୍ପର ମୁଖ୍ୟ ଉଦ୍ଦେଶ୍ୟ ହେଉଛି ଯୁବମାନଙ୍କ ମଧ୍ୟରେ ନେତୃତ୍ୱ ଦକ୍ଷତା, ଯୋଗାଯୋଗ କୌଶଳ, ଦଳଗତ କାର୍ଯ୍ୟ, ନିଷ୍ପତ୍ତି ନେବାର କ୍ଷମତା, ଶୃଙ୍ଖଳା, ଆତ୍ମବିଶ୍ୱାସ ଓ ସାମାଜିକ ଦାୟିତ୍ୱବୋଧ ବିକାଶ କରିବା। ପ୍ରତ୍ୟେକ ଯୁବକ-ଯୁବତୀଙ୍କ ମଧ୍ୟରେ ଜଣେ ଭଲ ନେତା ହେବାର ସମ୍ଭାବନା ରହିଛି। ଉପଯୁକ୍ତ ସୁଯୋଗ, ମାର୍ଗଦର୍ଶନ ଓ ଅନୁକୂଳ ପରିବେଶ ମିଳିଲେ ସେହି କ୍ଷମତାର ବିକାଶ ସମ୍ଭବ ବୋଲି ଆୟୋଜକମାନେ କହିଥିଲେ। କାର୍ଯ୍ୟକ୍ରମ ଶେଷରେ ତୋଫାନପରି ଫାଉଣ୍ଡେସନ୍‌ର ପରାମର୍ଶଦାତା ଅଶୋକ କୁମାର ପଣ୍ଡିଆ ଧନ୍ୟବାଦ ଅର୍ପଣ କରିଥିଲେ। ସେ ସମସ୍ତ ଅତିଥି, ଅଧିକାରୀ, ସହଯୋଗୀ, ଅଂଶଗ୍ରହଣକାରୀ ଓ ଆୟୋଜକମାନଙ୍କୁ ଧନ୍ୟବାଦ ଜଣାଇଥିଲେ।