तासगाव तालुक्यात खळबळ उडवून देणाऱ्या बलगवडे येथील ड्रग्ज प्रकरणात दररोज नवनवीन धागेदोरे समोर येत असून तपास गतीने सुरू आहे. या प्रकरणात बलगवडे येथील नागेश अवताडे आणि समीर मुलानी यांना अटक करण्यात आली होती. त्यानंतर मुंबईतील मानखुर्द परिसरातील सागर गवळी यालाही पोलिसांनी जेरबंद केले आहे. मात्र, या संपूर्ण प्रकरणात खुजगाव येथील रेवन गायकवाड याचे नाव पुढे आल्याने प्रकरणाला नवे वळण मिळाले आहे. रेवन गायकवाड सध्या फरार असून, त्याचा शोध घेण्यासाठी पोलिसांची पथके विविध ठिकाणी रवाना झाली आहेत. या प्रकरणाची सुरुवात आठवडाभरापूर्वी झाली, जेव्हा तासगाव पोलीस ठाण्याचे कर्मचारी प्रशांत चव्हाण यांना बलगवडे-मांजर्डे रस्त्यावरील एका पत्र्याच्या शेडमध्ये नशेच्या इंजेक्शनचा साठा असल्याची गुप्त माहिती मिळाली. या माहितीच्या आधारे पोलिसांनी तात्काळ छापा टाकत कारवाई केली आणि तब्बल ८५ नशेची इंजेक्शने जप्त केली. या कारवाईनंतर पोलिसांनी नागेश अवताडे आणि समीर मुलानी या दोघांना अटक केली. अटक केलेल्या आरोपींच्या सखोल चौकशीतून अनेक धक्कादायक बाबी समोर आल्या. ही नशेची इंजेक्शने मुंबईतील मानखुर्द परिसरात राहणाऱ्या सागर गवळी याच्याकडून आणली जात असल्याची माहिती मिळाल्यानंतर पोलिसांनी सागर गवळी यालाही अटक केली. मात्र, तपासात पुढे असे समोर आले की, मानखुर्द येथे नशेची इंजेक्शने उपलब्ध असल्याची माहिती खुजगाव येथील रेवन गायकवाड यानेच आरोपींना दिली होती. या संपूर्ण साखळीत त्याची महत्त्वाची भूमिका असल्याचा संशय तपास यंत्रणांना आहे. बलगवडे येथील कारवाईनंतर रेवन गायकवाड अचानक फरार झाल्याने त्याच्यावरील संशय अधिक बळावला आहे. तालुक्यात काही काळापासून नशेच्या इंजेक्शनचा वापर वाढत असल्याच्या आणि काही जिम तसेच युवकांपर्यंत या इंजेक्शनचा पुरवठा होत असल्याच्या चर्चा सुरू होत्या. त्यामुळे हे रॅकेट किती मोठे आहे, त्यात आणखी कोणाचा सहभाग आहे आणि या अवैध धंद्याची मुळे किती खोलवर रुजली आहेत, याचा शोध घेण्याचे मोठे आव्हान तासगाव पोलिसांसमोर उभे ठाकले आहे. दरम्यान, रेवन गायकवाड याच्या शोधासाठी पोलिसांनी कंबर कसली असून विविध ठिकाणी त्याचा माग काढला जात आहे. गेल्या आठवडाभरापासून तो पोलिसांच्या हाती लागत नसला तरी त्याला जेरबंद करण्यासाठी तपास यंत्रणा युद्धपातळीवर प्रयत्न करत आहे. या प्रकरणातील प्रमुख धागेदोरे त्याच्याकडून मिळण्याची शक्यता असल्याने पोलिसांचे लक्ष सध्या त्याच्यावर केंद्रित झाले आहे. बलगवडे ड्रग्ज प्रकरणातील प्रत्येक नव्या खुलाशामुळे तालुक्यात खळबळ उडाली असून, आता पोलिसांच्या पुढील कारवाईकडे सर्वांचे लक्ष लागले आहे. रेवन गायकवाड पोलिसांच्या जाळ्यात कधी अडकतो आणि या रॅकेटमागील संपूर्ण सत्य कधी समोर येते, याची उत्सुकता नागरिकांमध्ये निर्माण झाली आहे.

EXPRESS NEWS

Press advisory Miraj, Sangli•

1 hr ago

तासगाव तालुक्यात खळबळ उडवून देणाऱ्या बलगवडे येथील ड्रग्ज प्रकरणात दररोज नवनवीन धागेदोरे समोर येत असून तपास गतीने सुरू आहे. या प्रकरणात बलगवडे येथील नागेश अवताडे आणि समीर मुलानी यांना अटक करण्यात आली होती. त्यानंतर मुंबईतील मानखुर्द परिसरातील सागर गवळी यालाही पोलिसांनी जेरबंद केले आहे. मात्र, या संपूर्ण प्रकरणात खुजगाव येथील रेवन गायकवाड याचे नाव पुढे आल्याने प्रकरणाला नवे वळण मिळाले आहे. रेवन गायकवाड सध्या फरार असून, त्याचा शोध घेण्यासाठी पोलिसांची पथके विविध ठिकाणी रवाना झाली आहेत. या प्रकरणाची सुरुवात आठवडाभरापूर्वी झाली, जेव्हा तासगाव पोलीस ठाण्याचे कर्मचारी प्रशांत चव्हाण यांना बलगवडे-मांजर्डे रस्त्यावरील एका पत्र्याच्या शेडमध्ये नशेच्या इंजेक्शनचा साठा असल्याची गुप्त माहिती मिळाली. या माहितीच्या आधारे पोलिसांनी तात्काळ छापा टाकत कारवाई केली आणि तब्बल ८५ नशेची इंजेक्शने जप्त केली. या कारवाईनंतर पोलिसांनी नागेश अवताडे आणि समीर मुलानी या दोघांना अटक केली. अटक केलेल्या आरोपींच्या सखोल चौकशीतून अनेक धक्कादायक बाबी समोर आल्या. ही नशेची इंजेक्शने मुंबईतील मानखुर्द परिसरात राहणाऱ्या सागर गवळी याच्याकडून आणली जात असल्याची माहिती मिळाल्यानंतर पोलिसांनी सागर गवळी यालाही अटक केली. मात्र, तपासात पुढे असे समोर आले की, मानखुर्द येथे नशेची इंजेक्शने उपलब्ध असल्याची माहिती खुजगाव येथील रेवन गायकवाड यानेच आरोपींना दिली होती. या संपूर्ण साखळीत त्याची महत्त्वाची भूमिका असल्याचा संशय तपास यंत्रणांना आहे. बलगवडे येथील कारवाईनंतर रेवन गायकवाड अचानक फरार झाल्याने त्याच्यावरील संशय अधिक बळावला आहे. तालुक्यात काही काळापासून नशेच्या इंजेक्शनचा वापर वाढत असल्याच्या आणि काही जिम तसेच युवकांपर्यंत या इंजेक्शनचा पुरवठा होत असल्याच्या चर्चा सुरू होत्या. त्यामुळे हे रॅकेट किती मोठे आहे, त्यात आणखी कोणाचा सहभाग आहे आणि या अवैध धंद्याची मुळे किती खोलवर रुजली आहेत, याचा शोध घेण्याचे मोठे आव्हान तासगाव पोलिसांसमोर उभे ठाकले आहे. दरम्यान, रेवन गायकवाड याच्या शोधासाठी पोलिसांनी कंबर कसली असून विविध ठिकाणी त्याचा माग काढला जात आहे. गेल्या आठवडाभरापासून तो पोलिसांच्या हाती लागत नसला तरी त्याला जेरबंद करण्यासाठी तपास यंत्रणा युद्धपातळीवर प्रयत्न करत आहे. या प्रकरणातील प्रमुख धागेदोरे त्याच्याकडून मिळण्याची शक्यता असल्याने पोलिसांचे लक्ष सध्या त्याच्यावर केंद्रित झाले आहे. बलगवडे ड्रग्ज प्रकरणातील प्रत्येक नव्या खुलाशामुळे तालुक्यात खळबळ उडाली असून, आता पोलिसांच्या पुढील कारवाईकडे सर्वांचे लक्ष लागले आहे. रेवन गायकवाड पोलिसांच्या जाळ्यात कधी अडकतो आणि या रॅकेटमागील संपूर्ण सत्य कधी समोर येते, याची उत्सुकता नागरिकांमध्ये निर्माण झाली आहे.