ભરૂચ જિલ્લાના નેત્રંગ તાલુકામાં વધતા જતા અકસ્માતોને કારણે સ્થાનિક જનતા ભારે ચિંતામાં મુકાઈ ગઈ છે અને આ પૈકીના કેટલાક અકસ્માતો જીવલેણ સાબિત થઈ રહ્યા છે. આવી જ એક ઘટનામાં, નેત્રંગ નજીક બે મોટરસાયકલો સામસામે અથડાતા બંને ચાલકોના ગંભીર ઇજાઓને કારણે મોત નીપજ્યા છે, જ્યારે અન્ય એક યુવક ગંભીર રીતે ઘાયલ થયો છે. ધાણીખુંટ ગામના સતિષ રમણભાઈ વસાવા ગામના અન્ય યુવક અવધિશભાઇ શંકરભાઇ વસાવા સાથે ૧૦મી તારીખે ઝઘડિયા જીઆઇડીસી ખાતે નોકરીએ ગયા હતા. સાંજના સમયે બંને મોટરસાયકલ પર ઘરે પરત ફરી રહ્યા હતા, તે દરમિયાન આશરે સાડા છ વાગ્યાના અરસામાં નેત્રંગના ડેડીયાપાડા રોડ પર હેલિપેડ નજીક સામેથી આવી રહેલી એક મોટરસાયકલ સાથે તેમની ટક્કર થઈ હતી. આ અકસ્માત એટલો ગંભીર હતો કે બંને મોટરસાયકલના ચાલકો નીચે પટકાયા હતા. જેમાં સામેથી આવી રહેલી મોટરસાયકલના ચાલક અંકિત દિનેશભાઇ વસાવા (રહે. કંબોડિયા ગામ, તા. નેત્રંગ)નું ઘટનાસ્થળે જ મોત નીપજ્યું હતું. જ્યારે ગંભીર રીતે ઇજાગ્રસ્ત સતિષ વસાવા અને તેમની પાછળ બેઠેલા અવધિશભાઇ વસાવાને સારવાર માટે નેત્રંગ સરકારી દવાખાને ખસેડવામાં આવ્યા હતા. જ્યાં સારવાર દરમિયાન સતિષ વસાવાનું મોત નીપજ્યું હતું. જ્યારે અવધિશ વસાવાને પ્રાથમિક સારવાર આપ્યા બાદ વધુ સારવાર માટે ભરૂચ સિવિલ હોસ્પિટલ ખાતે ખસેડાયો છે. આ અકસ્માતની ઘટના અંગે મૃતક સતિષ વસાવાના પિતા રમણભાઇ મોરારભાઇ વસાવાએ નેત્રંગ પોલીસ મથકમાં ફરિયાદ નોંધાવી છે. આ ફરિયાદના આધારે પોલીસે ગુનો નોંધીને કાયદેસરની આગળની કાર્યવાહી હાથ ધરી છે.

Khabar Bridge

Local News Reporter ભરૂચ, ભરૂચ, ગુજરાત•

1 hr ago

ભરૂચ જિલ્લાના નેત્રંગ તાલુકામાં વધતા જતા અકસ્માતોને કારણે સ્થાનિક જનતા ભારે ચિંતામાં મુકાઈ ગઈ છે અને આ પૈકીના કેટલાક અકસ્માતો જીવલેણ સાબિત થઈ રહ્યા છે. આવી જ એક ઘટનામાં, નેત્રંગ નજીક બે મોટરસાયકલો સામસામે અથડાતા બંને ચાલકોના ગંભીર ઇજાઓને કારણે મોત નીપજ્યા છે, જ્યારે અન્ય એક યુવક ગંભીર રીતે ઘાયલ થયો છે. ધાણીખુંટ ગામના સતિષ રમણભાઈ વસાવા ગામના અન્ય યુવક અવધિશભાઇ શંકરભાઇ વસાવા સાથે ૧૦મી તારીખે ઝઘડિયા જીઆઇડીસી ખાતે નોકરીએ ગયા હતા. સાંજના સમયે બંને મોટરસાયકલ પર ઘરે પરત ફરી રહ્યા હતા, તે દરમિયાન આશરે સાડા છ વાગ્યાના અરસામાં નેત્રંગના ડેડીયાપાડા રોડ પર હેલિપેડ નજીક સામેથી આવી રહેલી એક મોટરસાયકલ સાથે તેમની ટક્કર થઈ હતી. આ અકસ્માત એટલો ગંભીર હતો કે બંને મોટરસાયકલના ચાલકો નીચે પટકાયા હતા. જેમાં સામેથી આવી રહેલી મોટરસાયકલના ચાલક અંકિત દિનેશભાઇ વસાવા (રહે. કંબોડિયા ગામ, તા. નેત્રંગ)નું ઘટનાસ્થળે જ મોત નીપજ્યું હતું. જ્યારે ગંભીર રીતે ઇજાગ્રસ્ત સતિષ વસાવા અને તેમની પાછળ બેઠેલા અવધિશભાઇ વસાવાને સારવાર માટે નેત્રંગ સરકારી દવાખાને ખસેડવામાં આવ્યા હતા. જ્યાં સારવાર દરમિયાન સતિષ વસાવાનું મોત નીપજ્યું હતું. જ્યારે અવધિશ વસાવાને પ્રાથમિક સારવાર આપ્યા બાદ વધુ સારવાર માટે ભરૂચ સિવિલ હોસ્પિટલ ખાતે ખસેડાયો છે. આ અકસ્માતની ઘટના અંગે મૃતક સતિષ વસાવાના પિતા રમણભાઇ મોરારભાઇ વસાવાએ નેત્રંગ પોલીસ મથકમાં ફરિયાદ નોંધાવી છે. આ ફરિયાદના આધારે પોલીસે ગુનો નોંધીને કાયદેસરની આગળની કાર્યવાહી હાથ ધરી છે.