સચીન જીઆઈડીસી (GIDC)માં પર્યાવરણ પ્રદૂષણનો મામલો સામે આવ્યો છે. અહીં આવેલી 'મિલાનો ડિઝાઈનર્સ' કંપની દ્વારા જાહેરમાં લોકો વચ્ચે કેમિકલવાળું ઝેરી પાણી છોડવામાં આવી રહ્યું છે.

ગુજરાત રાજ્ય કાનૂની સેવા સત્તા મંડળના ઉપક્રમે સુરત જિલ્લાના પલસાણા કોર્ટ ખાતે 11 જુલાઈ 2026ના રોજ વર્ષ 2026ની બીજી લોક અદાલતનું સફળ આયોજન કરવામાં આવ્યું હતું. અરજદારોને ઝડપી, સરળ અને બિનખર્ચાળ ન્યાય મળી રહે તેવા કલ્યાણકારી હેતુથી આ લોક અદાલત યોજવામાં આવી હતી. આ લોક અદાલત દરમિયાન વિવિધ પ્રકારના કુલ 1484 કેસો હાથ પર લેવામાં આવ્યા હતા, જેમાંથી 1173 કેસોનું બંને પક્ષોની પરસ્પર સંમતિથી સુખદ સમાધાન કરવામાં આવ્યું હતું. આ સમાધાન થયેલા કેસોમાં કુલ ₹1 કરોડ 25 લાખ 18 હજાર 256 જેટલી માતબર એવોર્ડ રકમ નક્કી કરાઈ હતી. મુખ્ય સિવિલ જજ જે.જે. આહુજાની કોર્ટમાં હાથ પર લેવાયેલા તમામ 920 કેસોનું સુખદ સમાધાન થયું હતું અને તેમાં ₹18 લાખ 65 હજાર 821ની એવોર્ડ રકમ નક્કી થઈ હતી. જ્યારે એડિશનલ સિવિલ જજ અને જ્યુડિશિયલ ફર્સ્ટ ક્લાસ મેજિસ્ટ્રેટ એમ. એ. શેખની કોર્ટમાં પણ હાથ પર લેવાયેલા તમામ 422 કેસોનું સફળ સમાધાન કરીને ₹25 લાખ 72 હજાર 128 જેટલી એવોર્ડ રકમ નક્કી કરવામાં આવી હતી. આ ઉપરાંત, પ્રિલિટિગેશનના 1192 કેસોમાંથી 328 કેસોનો સફળ નિકાલ કરાતા ₹29 લાખ 63 હજાર જેટલી એવોર્ડ રકમ નક્કી કરવામાં આવી હતી. લોક અદાલતના આ માધ્યમથી એક જ દિવસમાં ખૂબ જ મોટા પ્રમાણમાં કેસોનું સુખદ સમાધાન થતા અરજદારોને ઝડપી અને બિનખર્ચાળ ન્યાય પ્રાપ્ત થયો હતો. પલસાણા કોર્ટ ખાતે યોજાયેલી આ લોક અદાલતમાં કુલ 1342 કેસોનું સુખદ સમાધાન થયું હતું અને ₹44 લાખ 38 હજારથી વધુનો એવોર્ડ નક્કી થયો હતો, જેને પગલે કોર્ટમાં લંબિત પડેલા કેસોની સંખ્યામાં મોટો ઘટાડો નોંધાયો છે અને કોર્ટનું ન્યાયિક ભારણ પણ હળવું થયું છે.

સચીન જીઆઈડીસી (GIDC)માં પર્યાવરણ પ્રદૂષણનો મામલો સામે આવ્યો છે. અહીં આવેલી 'મિલાનો ડિઝાઈનર્સ' કંપની દ્વારા જાહેરમાં લોકો વચ્ચે કેમિકલવાળું ઝેરી પાણી છોડવામાં આવી રહ્યું છે.

સુરતના સચિન જીઆઈડીસી રોડ નંબર-૫ સ્થિત પ્લોટ નંબર 546/2 પર કાર્યરત રાનીસતી ક્રિએશન નામની કંપની દ્વારા જાહેર નાળામાં કથિત રીતે કેમિકલયુક્ત ઝેરી પાણી છોડવામાં આવ્યું હોવાનો ગંભીર મામલો સામે આવ્યો છે. એક જાગૃત નાગરિકની સતર્કતાના કારણે આ પર્યાવરણીય નિયમોના ઉલ્લંઘનનો ખુલાસો થયો છે. ઘટનાની જાણ થતાં જ અધિકારીઓની ટીમે સ્થળ પર પહોંચીને નાળામાં વહી રહેલા શંકાસ્પદ રાસાયણિક પાણીનું નિરીક્ષણ કર્યું હતું. મામલાની ગંભીરતાને ધ્યાનમાં રાખીને તપાસ ટીમે સ્થળ પરથી પાણીના લાઈવ સેમ્પલ લીધા છે અને તેને લેબોરેટરીમાં તપાસ માટે મોકલવાની પ્રક્રિયા શરૂ કરી છે. હવે આ તપાસ રિપોર્ટ આવ્યા બાદ જ સ્પષ્ટ થશે કે પાણીમાં પ્રદૂષણનું સ્તર કેટલું છે અને કયા નિયમોનું ઉલ્લંઘન થયું છે. આ સમગ્ર મામલે અધિકારીઓ દ્વારા સેવવામાં આવેલા મૌન બાદ સ્થાનિક લોકોમાં ભારે રોષ અને વિવિધ ચર્ચાઓ શરૂ થઈ ગઈ છે. સ્થાનિક લોકો હવે ઉગ્ર સવાલો ઉઠાવી રહ્યા છે કે શું સરકારી અધિકારીઓ કોઈના દબાણ હેઠળ કામ કરી રહ્યા છે અથવા તો પછી આ ગંભીર ગુનામાં કોઈ ચમરબંધીને બચાવવાનો પ્રયાસ કરવામાં આવી રહ્યો છે.

સુરત શહેરમાં અખિલ ભારતીય કોંગ્રેસ કમિટી (AICC) દ્વારા યોજાયેલી પત્રકાર પરિષદમાં કોંગ્રેસના રાષ્ટ્રીય સચિવ અભિષેક દત્તે રામ મંદિર નિર્માણ માટે એકત્ર કરાયેલા ચંદા અને ચઢાવામાં થયેલી કથિત ગેરરીતિઓનો મુદ્દો ઉઠાવ્યો છે. મીડિયાને સંબોધતા તેમણે કેન્દ્ર સરકાર અને શ્રી રામ જન્મભૂમિ તીર્થ ક્ષેત્ર ટ્રસ્ટ પર અનેક સવાલો ઉભા કર્યા છે અને સમગ્ર મામલાની સુપ્રીમ કોર્ટની દેખરેખ હેઠળ સ્વતંત્ર તપાસ કરાવવાની માંગ કરી છે. અભિષેક દત્તે જણાવ્યું કે કરોડો શ્રદ્ધાળુઓની આસ્થા સાથે જોડાયેલા આ મામલામાં સંપૂર્ણ પારદર્શિતા સાથે સત્ય સામે આવવું જોઈએ. તેમણે પ્રહાર કરતા કહ્યું કે જો ટ્રસ્ટની કામગીરીમાં કોઈ ગેરરીતિ થઈ નથી, તો સ્વતંત્ર તપાસથી ડરવાની કોઈ જરૂર નથી. ટ્રસ્ટના કેટલાક હોદ્દેદારોના રાજીનામાનો ઉલ્લેખ કરીને તેમણે ગંભીર સવાલો ઉઠાવ્યા હતા અને વડાપ્રધાન નરેન્દ્ર મોદી પાસે સમગ્ર મામલે જવાબ આપવાની માંગ કરી છે. આ સાથે જ તેમણે રામ મંદિર માટે મળેલા ચંદા, ચઢાવા, જમીનની ખરીદી, નિર્માણ કાર્ય અને અન્ય ખર્ચાઓનું સ્વતંત્ર ફોરેન્સિક ઓડિટ કરાવવાની માંગ પણ કરી છે. કોંગ્રેસે દોષિતો સામે નિષ્પક્ષ કાર્યવાહી કરવા અને જરૂર પડ્યે ટ્રસ્ટની પુનઃરચના કરવાની હિમાયત કરી છે, કારણ કે ભગવાન શ્રીરામ કરોડો દેશવાસીઓની આસ્થાના પ્રતીક હોવાથી આ દાનના ઉપયોગમાં સંપૂર્ણ પારદર્શિતા અને જવાબદારી સુનિશ્ચિત થવી જોઈએ. આ પત્રકાર પરિષદમાં સુરત શહેર કોંગ્રેસ પ્રમુખ વિપુલ ઉધનાવાલા, પ્રદેશ પ્રવક્તા નૈષધ દેસાઈ, સંગઠન મહામંત્રી રોહિત સાવલિયા, પાર્ષદ અરશદ જરીવાલા અને સેવાદળ પ્રમુખ સંતોષ પાટીલ સહિત કોંગ્રેસના અનેક હોદ્દેદારો હાજર રહ્યા હતા.

સુરતના તાતીથૈયામાંથી ચોરી થયેલી રોયલ એનફિલ્ડ મોટરસાઇકલ સાથે આરોપીની ધરપકડ કરવામાં આવી છે. આ સાથે જ આરોપી પાસેથી ₹90 હજારની કિંમતનો મુદ્દામાલ પણ બરામદ કરવામાં આવ્યો છે.

કડોદરા GIDC પોલીસે તાતીથૈયા ગામની હદમાંથી ચોરાયેલી રોયલ એનફિલ્ડ મોટરસાયકલ સાથે એક આરોપીને ઝડપી પાડીને મિલકત સંબંધી ગુનાનો ભેદ ઉકેલ્યો છે. પોલીસે આરોપી પાસેથી ચોરાયેલી બાઈક તેમજ મોબાઈલ ફોન મળી કુલ ₹90 હજારનો મુદ્દામાલ જપ્ત કર્યો છે. આ સફળ કામગીરી સુરત વિભાગના પોલીસ મહાનિરીક્ષક પ્રેમવીર સિંહ અને સુરત ગ્રામ્ય પોલીસ અધિક્ષક રાજેશ ગઢિયાના માર્ગદર્શન હેઠળ હાથ ધરાયેલી વિશેષ ઝુંબેશના ભાગરૂપે કરવામાં આવી હતી. કામરેજ ડિવિઝનના માર્ગદર્શન હેઠળ પોલીસ ઇન્સ્પેક્ટર વી. એ. દેસાઈના નેતૃત્વમાં પેટ્રોલિંગ કરી રહેલા સર્વેલન્સ સ્ટાફના એએસઆઈ સુરેશભાઈ ચીમનભાઈ અને પોલીસ કોન્સ્ટેબલ રૂડાભાઈ ભૂરાભાઈને ચોક્કસ બાતમી મળી હતી કે, તાતીથૈયા ગામમાંથી બાઈકની ચોરી કરનાર આરોપી જોળવા ગામ તરફથી કડોદરા ચાર રસ્તા નજીક અખલામુખી હનુમાનજી મંદિર પાછળના માર્ગે પસાર થવાનો છે. આ માહિતીના આધારે પોલીસે તાત્કાલિક નાકાબંધી કરીને કોર્ડન ગોઠવી આરોપીને ઝડપી લીધો હતો. પકડાયેલા આરોપીની ઓળખ 24 વર્ષીય આકાશ અમરનાથ ગોકુલપ્રસાદ તિવારી તરીકે થઈ છે, જે હાલ કડોદરાના મણીનગર વિસ્તારમાં રહે છે અને મૂળ ઉત્તર પ્રદેશના અયોધ્યા જિલ્લાના મિલ્કીપુરનો વતની છે. પોલીસે પકડાયેલા આરોપી પાસેથી રજીસ્ટ્રેશન નંબર GJ-19-AK-7878 ધરાવતી આશરે ₹85,000ની કિંમતની રોયલ એનફિલ્ડ મોટરસાયકલ અને ₹5,000ની કિંમતનો ટેકનો કંપનીનો મોબાઈલ ફોન જપ્ત કર્યો છે. આરોપી વિરુદ્ધ ભારતીય ન્યાય સંહિતાની કલમ 303(2) હેઠળ ગુનો નોંધી કાયદેસરની કાર્યવાહી હાથ ધરવામાં આવી છે. આ સમગ્ર ઓપરેશનમાં પોલીસ ઇન્સ્પેક્ટર વી. એ. દેસાઈ, એએસઆઈ સુરેશભાઈ ચીમનભાઈ, એએસઆઈ હરેશભાઈ ખુમાભાઈ અને અન્ય સર્વેલન્સ સ્ટાફના કર્મચારીઓએ ચાવીરૂપ ભૂમિકા ભજવી હતી.

સુરતના ઉમરવાડા વિસ્તારમાં ૬ વર્ષની સગીર બાળકી સાથે દુષ્કર્મ આચરવાના મામલે સલાબતપુરા પોલીસની ટીમે આરોપીને ઝડપી પાડી પોક્સો એક્ટ હેઠળ કાયદેસરની કાર્યવાહી હાથ ધરી છે. ગઇ કાલ તારીખ ૧૦/૦૭/૨૦૨૬ ના રોજ આ કેસના ફરિયાદી મહિલાએ ફરિયાદ નોંધાવી હતી કે, તેમની ૬ વર્ષની પૌત્રી ઘર પાસે રમતી હતી તે સમયે આરોપી બાળકીને ફોસલાવીને પોતાના ઘરે લઈ ગયો હતો અને તેની સાથે દુષ્કર્મ આચર્યું હતું. બાળકીને બ્લીડિંગ થતાં આ બાબતની જાણ પરિવારના સભ્યોને થઈ હતી, જેના આધારે સલાબતપુરા પોલીસ સ્ટેશનમાં ગુના નંબર ૧૧૨૧૦૦૫૫૨૬ હેઠળ ફરિયાદ દાખલ કરવામાં આવી હતી. આ ગંભીર મામલામાં પોલીસ કમિશ્નર શ્રી વાબાંગ જામીર સાહેબ, ઇન્ચાર્જ અધિક પોલીસ કમિશ્નર સેકટર-૧ શ્રી કરણરાજ વાઘેલા સાહેબ, ઇન્ચાર્જ નાયબ પોલીસ કમિશ્નર ઝોન-૨ શ્રી રાજદીપસિંહ નકુમ સાહેબ અને મદદનીશ પોલીસ કમિશ્નર સી ડીવીઝન શ્રી ચિરાગ વાડદોરીયા સાહેબ દ્વારા પોક્સો હેઠળ દાખલ થતા ગુનાઓમાં તાત્કાલિક આરોપીને ઝડપી પાડી અસરકારક કાર્યવાહી કરવા માટે જરૂરી માર્ગદર્શન તેમજ સૂચનાઓ આપવામાં આવી હતી, જેને આધારે પોલીસ ટીમે ત્વરિત કાર્યવાહી કરીને આરોપીને પકડી પાડ્યો છે.