విజయవాడ పోలీస్ కమిషనరేట్ పరిధిలో కలకలం సృష్టించిన గాదె సాయికృష్ణ లాకప్ డెత్ మిస్టరీ, దళిత యువకుడు క్రాంతికుమార్ ఆత్మహత్య ఘటనలపై వైసీపీ సీనియర్ నేత, మాజీ మంత్రి పేర్ని నాని తీవ్రస్థాయిలో విరుచుకుపడ్డారు. ప్రభుత్వం, పోలీస్ బాస్‌లు కింది స్థాయి అధికారులను బలిపశువులను చేసి పెద్ద తలకాయలను రక్షించే ప్రయత్నం చేస్తున్నారని ఆయన మండిపడ్డారు. ఈ రెండు ఘోరాలకు విజయవాడ పోలీస్ కమిషనర్ రాజశేఖర బాబు ప్రత్యక్షంగా బాధ్యత వహించాలని పేర్ని నాని డిమాండ్ చేశారు. గాదె సాయికృష్ణ ఘటనపై ప్రశ్నిస్తూ, అసలు సాయికృష్ణ బతికే ఉన్నాడా లేదా చనిపోయాడా అని నిలదీశారు. ఒకవేళ చనిపోతే అతని మృతదేహం ఎక్కడ ఉందని, అస్తికలు ఎక్కడ ఉన్నాయని, కనీసం అతను కాలిపోయిన బూడిద ఎక్కడ ఉందో ప్రభుత్వం చెప్పగలదా అని సంచలన ప్రశ్నలు సంధించారు. ఈ ప్రశ్నలకు సమాధానం చెప్పాల్సిన బాధ్యత విజయవాడ సీపీపై లేదా అని ప్రశ్నించిన పేర్ని నాని, టాస్క్‌ఫోర్స్ చర్యలకు సీపీ బాధ్యత లేదా, ఆ 40 రోజులు సీపీ ఏంచేశారు అని కూడా ప్రశ్నించారు. అలాగే, ఎఫ్‌ఐఆర్‌లు చట్టాన్ని ఖూనీ చేశాయని ఆరోపించారు. నాన్-బైలబుల్ వారెంట్ ఆధారంగా ఒక వ్యక్తిని తీసుకొస్తే చట్ట ప్రకారం వెంటనే కోర్టులో హాజరుపరచాలని, మరి రోజులు తరబడి హోటల్ గదుల్లో అదుపులో ఉంచి చిత్రహింసలు పెట్టడానికి ఎవరు అనుమతిచ్చారని నిలదీశారు. దళిత యువకుడు క్రాంతికుమార్ కేసులో ఆత్మహత్య జరిగిన 24 గంటల తర్వాత ఎఫ్‌ఐఆర్ నమోదు చేయడం వెనుక మతలబు ఏంటి అని ప్రశ్నించిన పేర్ని నాని, విజయవాడలో పోలీసులు చట్టం ప్రకారం పని చేస్తున్నారా లేక సొంత చట్టాలు నడుపుతున్నారా అని తీవ్రస్థాయిలో మండిపడ్డారు.

Journalist SIDDHU

Guntur, Andhra Pradesh•

2 hrs ago

విజయవాడ పోలీస్ కమిషనరేట్ పరిధిలో కలకలం సృష్టించిన గాదె సాయికృష్ణ లాకప్ డెత్ మిస్టరీ, దళిత యువకుడు క్రాంతికుమార్ ఆత్మహత్య ఘటనలపై వైసీపీ సీనియర్ నేత, మాజీ మంత్రి పేర్ని నాని తీవ్రస్థాయిలో విరుచుకుపడ్డారు. ప్రభుత్వం, పోలీస్ బాస్‌లు కింది స్థాయి అధికారులను బలిపశువులను చేసి పెద్ద తలకాయలను రక్షించే ప్రయత్నం చేస్తున్నారని ఆయన మండిపడ్డారు. ఈ రెండు ఘోరాలకు విజయవాడ పోలీస్ కమిషనర్ రాజశేఖర బాబు ప్రత్యక్షంగా బాధ్యత వహించాలని పేర్ని నాని డిమాండ్ చేశారు. గాదె సాయికృష్ణ ఘటనపై ప్రశ్నిస్తూ, అసలు సాయికృష్ణ బతికే ఉన్నాడా లేదా చనిపోయాడా అని నిలదీశారు. ఒకవేళ చనిపోతే అతని మృతదేహం ఎక్కడ ఉందని, అస్తికలు ఎక్కడ ఉన్నాయని, కనీసం అతను కాలిపోయిన బూడిద ఎక్కడ ఉందో ప్రభుత్వం చెప్పగలదా అని సంచలన ప్రశ్నలు సంధించారు. ఈ ప్రశ్నలకు సమాధానం చెప్పాల్సిన బాధ్యత విజయవాడ సీపీపై లేదా అని ప్రశ్నించిన పేర్ని నాని, టాస్క్‌ఫోర్స్ చర్యలకు సీపీ బాధ్యత లేదా, ఆ 40 రోజులు సీపీ ఏంచేశారు అని కూడా ప్రశ్నించారు. అలాగే, ఎఫ్‌ఐఆర్‌లు చట్టాన్ని ఖూనీ చేశాయని ఆరోపించారు. నాన్-బైలబుల్ వారెంట్ ఆధారంగా ఒక వ్యక్తిని తీసుకొస్తే చట్ట ప్రకారం వెంటనే కోర్టులో హాజరుపరచాలని, మరి రోజులు తరబడి హోటల్ గదుల్లో అదుపులో ఉంచి చిత్రహింసలు పెట్టడానికి ఎవరు అనుమతిచ్చారని నిలదీశారు. దళిత యువకుడు క్రాంతికుమార్ కేసులో ఆత్మహత్య జరిగిన 24 గంటల తర్వాత ఎఫ్‌ఐఆర్ నమోదు చేయడం వెనుక మతలబు ఏంటి అని ప్రశ్నించిన పేర్ని నాని, విజయవాడలో పోలీసులు చట్టం ప్రకారం పని చేస్తున్నారా లేక సొంత చట్టాలు నడుపుతున్నారా అని తీవ్రస్థాయిలో మండిపడ్డారు.