સુરતમાં પૂરગ્રસ્ત પરિવારોને સહાય પહોંચાડવાની કામગીરી યુદ્ધના ધોરણે શરૂ કરી દેવામાં આવી છે. સુરત જિલ્લા કલેક્ટર તેજસ પરમારના જણાવ્યા અનુસાર, માત્ર બે દિવસના ટૂંકા ગાળામાં જ ૨,૫૦૦ પૂરગ્રસ્ત પરિવારોને ૧.૫૦ કરોડ રૂપિયાની કેશ ડોલ્સ ચૂકવવામાં આવી છે. આ ઉપરાંત, પ્રભાવિત પરિવારોને ઘરવખરીની સહાય પણ સીધી પહોંચાડવામાં આવી છે. નુકસાનીનો અંદાજ મેળવવા માટે શહેરના તમામ અસરગ્રસ્ત વિસ્તારોમાં ૫૦ જેટલી સર્વે ટીમો સતત કાર્યરત છે. આ ટીમો દ્વારા કુલ છ તાલુકાઓમાં ઘર-ઘર જઈને નુકસાનનો સર્વે કરવામાં આવી રહ્યો છે. જે પરિવારોનો સર્વે કરવાનો બાકી રહી ગયો છે, તેઓનો સર્વે પણ તાત્કાલિક ધોરણે પૂર્ણ કરવામાં આવશે અને તમામ પાત્ર પરિવારોને સરકારના નિયમો મુજબ સહાય ચૂકવવામાં આવશે. સુરત જિલ્લા કલેક્ટર તેજસ પરમારે લોકોને કોઈપણ પ્રકારની અફવાઓથી દૂર રહેવા અને માત્ર અધિકૃત માહિતી પર જ વિશ્વાસ રાખવા માટે ખાસ અપીલ કરી છે.

Bharat Brahmbhatt

ચોરાસી, સુરત, ગુજરાત•

6 hrs ago

સુરતમાં પૂરગ્રસ્ત પરિવારોને સહાય પહોંચાડવાની કામગીરી યુદ્ધના ધોરણે શરૂ કરી દેવામાં આવી છે. સુરત જિલ્લા કલેક્ટર તેજસ પરમારના જણાવ્યા અનુસાર, માત્ર બે દિવસના ટૂંકા ગાળામાં જ ૨,૫૦૦ પૂરગ્રસ્ત પરિવારોને ૧.૫૦ કરોડ રૂપિયાની કેશ ડોલ્સ ચૂકવવામાં આવી છે. આ ઉપરાંત, પ્રભાવિત પરિવારોને ઘરવખરીની સહાય પણ સીધી પહોંચાડવામાં આવી છે. નુકસાનીનો અંદાજ મેળવવા માટે શહેરના તમામ અસરગ્રસ્ત વિસ્તારોમાં ૫૦ જેટલી સર્વે ટીમો સતત કાર્યરત છે. આ ટીમો દ્વારા કુલ છ તાલુકાઓમાં ઘર-ઘર જઈને નુકસાનનો સર્વે કરવામાં આવી રહ્યો છે. જે પરિવારોનો સર્વે કરવાનો બાકી રહી ગયો છે, તેઓનો સર્વે પણ તાત્કાલિક ધોરણે પૂર્ણ કરવામાં આવશે અને તમામ પાત્ર પરિવારોને સરકારના નિયમો મુજબ સહાય ચૂકવવામાં આવશે. સુરત જિલ્લા કલેક્ટર તેજસ પરમારે લોકોને કોઈપણ પ્રકારની અફવાઓથી દૂર રહેવા અને માત્ર અધિકૃત માહિતી પર જ વિશ્વાસ રાખવા માટે ખાસ અપીલ કરી છે.