ભ્રષ્ટાચાર વિરોધી બ્યુરો (ACB) એ સુરેન્દ્રનગરમાં એક સફળ કાર્યવાહી કરીને લાંચ લેતા કર્મચારીને રંગેહાથ ઝડપી પાડ્યો છે. પ્રાપ્ત માહિતી અનુસાર, જે.કે. સિક્યુરિટી એજન્સી સાથે સંકળાયેલા અને સુરેન્દ્રનગરની ટી.બી. હોસ્પિટલમાં પટાવાળા તરીકે ફરજ બજાવતા વિનોદભાઈ કિશોરભાઈ પરમારે એક સિક્યુરિટી ગાર્ડને નોકરીમાં ખોટી રીતે હેરાન ન કરવા માટે ₹2,000ની લાંચની માંગણી કરી હતી. લાંચ આપવાનો ઇનકાર કરીને ફરિયાદીએ સીધો ACBનો સંપર્ક કર્યો હતો, જેના આધારે બ્યુરો દ્વારા એક છટકું ગોઠવવામાં આવ્યું. તા. 25 જૂન, 2026ના રોજ જેલ ચોક વિસ્તારમાં આવેલા જય ભવાની જવેલર્સ સામે આરોપીએ ફરિયાદી પાસેથી ₹2,000ની લાંચ સ્વીકારતા જ ACBની ટીમે તેને રંગેહાથ પકડી પાડ્યો. આ સમગ્ર કામગીરી ACB સુરેન્દ્રનગરના પોલીસ ઇન્સ્પેક્ટર એ.વી. પટેલના માર્ગદર્શન હેઠળ પાર પાડવામાં આવી હતી. હાલમાં ACB દ્વારા આરોપી વિરુદ્ધ ગુનો નોંધીને વધુ તપાસ શરૂ કરવામાં આવી છે.

Dinesh Gambhava Report

ધ્રાંગધ્રા, સુરેન્દ્રનગર, ગુજરાત•

16 hrs ago

ભ્રષ્ટાચાર વિરોધી બ્યુરો (ACB) એ સુરેન્દ્રનગરમાં એક સફળ કાર્યવાહી કરીને લાંચ લેતા કર્મચારીને રંગેહાથ ઝડપી પાડ્યો છે. પ્રાપ્ત માહિતી અનુસાર, જે.કે. સિક્યુરિટી એજન્સી સાથે સંકળાયેલા અને સુરેન્દ્રનગરની ટી.બી. હોસ્પિટલમાં પટાવાળા તરીકે ફરજ બજાવતા વિનોદભાઈ કિશોરભાઈ પરમારે એક સિક્યુરિટી ગાર્ડને નોકરીમાં ખોટી રીતે હેરાન ન કરવા માટે ₹2,000ની લાંચની માંગણી કરી હતી. લાંચ આપવાનો ઇનકાર કરીને ફરિયાદીએ સીધો ACBનો સંપર્ક કર્યો હતો, જેના આધારે બ્યુરો દ્વારા એક છટકું ગોઠવવામાં આવ્યું. તા. 25 જૂન, 2026ના રોજ જેલ ચોક વિસ્તારમાં આવેલા જય ભવાની જવેલર્સ સામે આરોપીએ ફરિયાદી પાસેથી ₹2,000ની લાંચ સ્વીકારતા જ ACBની ટીમે તેને રંગેહાથ પકડી પાડ્યો. આ સમગ્ર કામગીરી ACB સુરેન્દ્રનગરના પોલીસ ઇન્સ્પેક્ટર એ.વી. પટેલના માર્ગદર્શન હેઠળ પાર પાડવામાં આવી હતી. હાલમાં ACB દ્વારા આરોપી વિરુદ્ધ ગુનો નોંધીને વધુ તપાસ શરૂ કરવામાં આવી છે.