થરામાં એક ભાઈનું અપહરણ કરી તેમને ઉઠાવી ગયા હોવાનો દાવો કરવામાં આવી રહ્યો છે. અપહરણ કરાયેલા આ ભાઈની માતા દ્વારા એક વીડિયોના માધ્યમથી આ અંગેની જાણકારી આપવામાં આવી રહી છે.

થરામાં એક ભાઈનું અપહરણ કરી તેમને ઉઠાવી ગયા હોવાનો દાવો કરવામાં આવી રહ્યો છે. અપહરણ કરાયેલા આ ભાઈની માતા દ્વારા એક વીડિયોના માધ્યમથી આ અંગેની જાણકારી આપવામાં આવી રહી છે.

સુરેન્દ્રનગર જિલ્લાના સાયલા ખાતે મુસ્લિમ સમાજ દ્વારા મોહરમનું આયોજન કરવામાં આવ્યું હતું.

ધ્રાંગધ્રા શહેરમાં ઇમામ હુસૈનની યાદમાં રાત્રે 10 વાગ્યે તાજીયા-મોહરમનું આયોજન કરવામાં આવ્યું હતું. કસબા શેરી, તઈવાડો, ખાડિયા ફરી, મોટા પીર ખારીશેરી, ઘાંચીવાડ અને કાટોડીયા પીર દુલદુલ ઘોડા સહિત શહેરના વિવિધ વિસ્તારોમાંથી તાજીયા નીકળ્યા હતા. આ સરઘસ ધ્રાંગધ્રા શહેરના સીતા દરવાજો, શાક માર્કેટ, શક્તિ ચોક અને ગ્રીન ચોક વિસ્તારમાં ફરી વળ્યું હતું. આ પ્રસંગે હિન્દુ અને મુસ્લિમ બંને સમુદાયના લોકોએ દુવા સલામ કરવા માટે એકઠા થઈ કોમી એકતાના અદ્ભુત દર્શન કરાવ્યા હતા, જેના કારણે સમગ્ર ધ્રાંગધ્રા શહેરમાં હુસૈની માહોલ છવાઈ ગયો હતો.

ધ્રાંગધ્રા તાલુકાના જેગડવા ચોકડી નજીક પોલીસની સર્વેલન્સ ટીમે દારૂની મોટી હેરાફેરીના પ્રયાસને નિષ્ફળ બનાવ્યો છે. પોલીસે સ્વિફ્ટ કારમાંથી કુલ ₹4,03,168નો મુદ્દામાલ કબજે કર્યો છે, જેમાં વિદેશી દારૂ અને બિયરનો મોટો જથ્થો સામેલ છે. પોલીસની આ કાર્યવાહી દરમિયાન સ્વિફ્ટ કારમાંથી 264 વિદેશી દારૂની બોટલો અને 240 બિયર ટીન મળી આવ્યા હતા. દારૂ અને બિયરના જથ્થા ઉપરાંત, કાર અને એક મોબાઇલ પણ જપ્ત કરવામાં આવ્યો છે, જે તમામનો કુલ મુદ્દામાલ ₹4,03,168 આંકવામાં આવ્યો છે. આ કેસમાં એક આરોપીની ધરપકડ કરવામાં આવી છે, જ્યારે અન્ય એક આરોપી હજુ ફરાર છે. સમગ્ર મામલે પોલીસે પ્રોહિબિશન એક્ટ હેઠળ ગુનો નોંધીને વધુ તપાસ શરૂ કરી છે.

કડી તાલુકાના કાસવા ગામે આવેલી સરકારી પ્રાથમિક શાળામાં સંસ્કૃત ભાષાને પ્રોત્સાહન આપવા અને તેનો વ્યાપ વધારવા માટે 25 જૂનના રોજ સંસ્કૃત કક્ષનું ઉદઘાટન કરવામાં આવ્યું હતું. ગુજરાત રાજ્ય સંસ્કૃત બોર્ડ ગાંધીનગર દ્વારા અનુદાન પ્રાપ્ત આ કક્ષને કડી તાલુકા પંચાયત કારોબારી સમિતિના ચેરમેન શ્રી દિલીપભાઈ ગાંડાભાઈ ઠાકોરના વરદ હસ્તે ખુલ્લો મુકાયો. આ પ્રસંગે GIDC મહેસાણાના આસિસ્ટન્ટ મેનેજર શ્રી કિશોરભાઈ ભગોરા, CRC Co કડી-4 ના સંજયભાઈ, ગામના સરપંચ, દાતાઓ, SMC સભ્યો તેમજ મોટી સંખ્યામાં ગ્રામજનો ઉપસ્થિત રહ્યા હતા. કડી તાલુકાની એકમાત્ર કાસવા પ્રાથમિક શાળાને સંસ્કૃત કક્ષ માટે ગુજરાત રાજ્ય સંસ્કૃત બોર્ડ ગાંધીનગર તરફથી રૂપિયા 50,000 નું અનુદાન મળ્યું છે. આ કક્ષમાં જૂન 2026 થી સંસ્કૃત ભાષાને પ્રોત્સાહન મળે, પ્રચાર પ્રસાર થાય અને બાળકોને દેવ ભાષા સંસ્કૃત શીખવવામાં મદદરૂપ થાય તેવા પોસ્ટરો, ચિત્રો, રમકડાં અને પુસ્તકોનું પ્રદર્શન કરવામાં આવ્યું હતું. આ સંસ્કૃત કક્ષની સ્થાપનામાં સંયોજક શ્રી ભરતકુમાર એ. શર્માએ ખૂબ જ રસપૂર્વક કામગીરી કરી હતી, જ્યારે શાળાના આચાર્ય રાજેશકુમાર સી. પટેલના માર્ગદર્શન હેઠળ આ કક્ષને સફળતાપૂર્વક ખુલ્લો મૂકવામાં આવ્યો. કાર્યક્રમના સમાપ્તિએ વૃક્ષારોપણનો કાર્યક્રમ પણ હાથ ધરવામાં આવ્યો હતો.

ચાંગોદર પોલીસ સ્ટેશનની ટીમને નશાના કારોબાર પર પ્રહાર કરવામાં મોટી સફળતા મળી છે. પોલીસે મોરૈયા ગામની સીમમાંથી પ્રતિબંધિત નશાકારક કેમિકલ ડ્રગ્સ મેફેડ્રોન અને મેથામ્ફેટામાઇનના જથ્થા સાથે એક રાજસ્થાની શખ્સની ધરપકડ કરી છે. આ કાર્યવાહી દ્વારા ચાંગોદર પોલીસે કરોડોના નશાના કારોબાર પર પ્રહાર કર્યો હોવાનું જણાય છે, અને ઝડપાયેલા આરોપી સામે કાયદેસરની કાર્યવાહી હાથ ધરવામાં આવી છે.

મહેસાણામાં ડીઆઈએલઆર (DILR) કચેરીના લાયસન્સી સર્વેયર આશિષ પરમાર રૂ. 70 હજારની લાંચ લેતા રંગે હાથે ઝડપાયા છે. આ લાયસન્સી સર્વેયરે એક ખેડૂતની જમીનની હિસ્સા દુરસ્તી માટે માપણી કરવાના બદલામાં આ લાંચની માંગણી કરી હતી. ગાંધીનગર એસીબી (ACB) ની ટીમે જૂની કોર્ટ કેમ્પસમાંથી તેમને રંગે હાથે પકડી પાડ્યા હતા.

ધાંગધ્રાના જેગડવા ચોકડી પાસે પોલીસે વિદેશી દારૂ ભરેલી એક ફોરવીલ ગાડીને ઝડપી પાડી છે. બાતમીના આધારે કાર્યવાહી કરતા, પોલીસે ગાડીમાંથી નાની-મોટી વિદેશી દારૂની બોટલો, બિયરના ટીન, એક એન્ડ્રોઇડ મોબાઈલ ફોન અને ફોરવીલ ગાડી સહિત કુલ 4,03,168 રૂપિયાનો મુદ્દામાલ જપ્ત કર્યો હતો. આ કાર્યવાહીમાં એક આરોપીને ઝડપી પાડવામાં આવ્યો હતો. તાલુકા પોલીસે વિદેશી દારૂ મંગાવનાર સહિત કુલ બે લોકો સામે ગુનો નોંધીને કાયદેસરની કાર્યવાહી હાથ ધરી છે.