ହୃଦଘାତରେ କରଞ୍ଜିଆର ବରିଷ୍ଠ ସାମ୍ବାଦିକ ସରୋଜ କୁମାର ବେହେରାଙ୍କ ପରଲୋକ, କଳିଙ୍ଗ ଟିଭିର କରଞ୍ଜିଆ ପ୍ରତିନିଧି ଓ ପ୍ରେସ କ୍ଲବର ପ୍ରତିଷ୍ଠାତା ସଦସ୍ୟଙ୍କ ବିୟୋଗରେ ଶୋକର ଛାୟା କରଞ୍ଜିଆ, ୩୧/୭,(ପାର୍ଥ ପ୍ରଶନ୍ନ ମିଶ୍ର): କରଞ୍ଜିଆ ପ୍ରେସ କ୍ଲବର ପ୍ରତିଷ୍ଠାତା ସଦସ୍ୟ ତଥା କଳିଙ୍ଗ ଟିଭିର କରଞ୍ଜିଆ ପ୍ରତିନିଧି ବରିଷ୍ଠ ସାମ୍ବାଦିକ ସରୋଜ କୁମାର ବେହେରାଙ୍କର ଶୁକ୍ରବାର ହୃଦଘାତରେ ପରଲୋକ ଘଟିଛି। ମୃତ୍ୟୁବେଳକୁ ତାଙ୍କୁ ୪୫ ବର୍ଷ ବୟସ ହୋଇଥିଲା। ସକାଳ ପର୍ଯ୍ୟନ୍ତ ସେ ସୁସ୍ଥ ଥିବାବେଳେ ଦିନ ପ୍ରାୟ ୧ଟା ସମୟରେ ହଠାତ୍ ଅସୁସ୍ଥ ଅନୁଭବ କରିଥିଲେ। ପରିବାର ଲୋକେ ତୁରନ୍ତ ତାଙ୍କୁ ଶୁକ୍ରୁଳି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ନେଇଥିଲେ। ତେବେ ଡାକ୍ତରଙ୍କ ସମସ୍ତ ପ୍ରୟାସ ସତ୍ତ୍ୱେ ତାଙ୍କୁ ବଞ୍ଚାଇବା ସମ୍ଭବ ହୋଇନଥିଲା। ଅପରାହ୍ନ ପ୍ରାୟ ୧ଟା ୩୦ ମିନିଟ୍‌ରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ତାଙ୍କ ବିୟୋଗ ଖବର ପ୍ରଚାର ହେବା ପରେ ଶୁକ୍ରୁଳି ସ୍ଥିତ ବାସଭବନରେ ବହୁ ବିଶିଷ୍ଟ ବ୍ୟକ୍ତି, ସାମ୍ବାଦିକ ଏବଂ ଶୁଭେଚ୍ଛୁମାନେ ପହଞ୍ଚି ଶେଷ ଦର୍ଶନ କରିବା ସହ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ସେମାନଙ୍କ ମଧ୍ୟରେ ରାଜ୍ୟ ଜଙ୍ଗଲ ଓ ପରିବେଶ ମନ୍ତ୍ରୀ ଇଂ ଗଣେଶ ରାମ ସିଂ ଖୁଣ୍ଟିଆ, କରଞ୍ଜିଆ ପ୍ରେସ କ୍ଲବର ସମ୍ପାଦକ କର୍ଣ୍ଣାଜୁନ ସାହା, ଭାଗବତ ଚନ୍ଦ୍ର ଦାସ, ତନ୍ମୟ କୁମାର ଦାସ, ସତ୍ୟବ୍ରତ ବେହେରା, ବିନ୍ଦୁସାର ଦାସ,ଉମାଶଙ୍କର ଦାସ, ସୁରଜ ସିଂ, ବିଜୟ ଗିରି, ଅଭିଷେକ ପାଣିଗ୍ରାହୀ, ତପୁ ଦାସ ଅଧିକାରୀ ଓ ଲଲାଟେନ୍ଦୁ ପାତ୍ର ପ୍ରମୁଖ ଉପସ୍ଥିତ ଥିଲେ। ତାଙ୍କ ବିୟୋଗରେ ପରିବାର, ବନ୍ଧୁ, ସହକର୍ମୀ ଓ ସାମ୍ବାଦିକ ମହଲରେ ଗଭୀର ଶୋକର ଛାୟା ଖେଳିଯାଇଛି। ମୃତ୍ୟୁବେଳେ ତାଙ୍କ ନିକଟରେ ବାପା, ମା', ଭାଇ, ଭଉଣୀ ଓ ପତ୍ନୀ ଉପସ୍ଥିତ ଥିଲେ। ଶ୍ରୀ ବେହେରା ପ୍ରଥମେ ଓଟିଭିରେ ସାମ୍ବାଦିକ ଭାବେ କାର୍ଯ୍ୟ କରି ପରବର୍ତ୍ତୀ ସମୟରେ କଳିଙ୍ଗ ଟିଭିର କରଞ୍ଜିଆ ପ୍ରତିନିଧି ଭାବେ ଦାୟିତ୍ୱ ତୁଲାଇଥିଲେ। ସେ କରଞ୍ଜିଆ ପ୍ରେସ କ୍ଲବର ପ୍ରତିଷ୍ଠାତା ସଦସ୍ୟ ହେବା ସହ ଖିଚିଂ ମହୋତ୍ସବ ଓ କରଞ୍ଜିଆ ମହୋତ୍ସବର ମଧ୍ୟ ପ୍ରତିଷ୍ଠାତା ସଦସ୍ୟ ଥିଲେ। ସେ ଉତ୍କଳ ସାମ୍ବାଦିକ ସଂଘର ମୟୂରଭଞ୍ଜ ଜିଲ୍ଲା ସମ୍ପାଦକ ଭାବେ ମଧ୍ୟ କାର୍ଯ୍ୟ କରୁଥିଲେ। ତାଙ୍କ ବିୟୋଗରେ ଉତ୍କଳ ସାମ୍ବାଦିକ ସଂଘର ସଭାପତି ବିଭୂତି ଭୂଷଣ କର, ସମ୍ପାଦକ ବେଣୁଧର ପଣ୍ଡା, ମୟୂରଭଞ୍ଜ ଜିଲ୍ଲାର ପୂର୍ବତନ ସଭାପତି ରତିକାନ୍ତ ପରୀକ୍ଷାଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ଗଭୀର ଶୋକ ପ୍ରକାଶ କରିଛନ୍ତି। ପରେ ସ୍ଥାନୀୟ ଶ୍ମଶାନରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଥିଲା।

Partha Prasanna Mishra

ସାମ୍ବାଦିକ Karanjia, Mayurbhanj•

11 hrs ago

ହୃଦଘାତରେ କରଞ୍ଜିଆର ବରିଷ୍ଠ ସାମ୍ବାଦିକ ସରୋଜ କୁମାର ବେହେରାଙ୍କ ପରଲୋକ, କଳିଙ୍ଗ ଟିଭିର କରଞ୍ଜିଆ ପ୍ରତିନିଧି ଓ ପ୍ରେସ କ୍ଲବର ପ୍ରତିଷ୍ଠାତା ସଦସ୍ୟଙ୍କ ବିୟୋଗରେ ଶୋକର ଛାୟା କରଞ୍ଜିଆ, ୩୧/୭,(ପାର୍ଥ ପ୍ରଶନ୍ନ ମିଶ୍ର): କରଞ୍ଜିଆ ପ୍ରେସ କ୍ଲବର ପ୍ରତିଷ୍ଠାତା ସଦସ୍ୟ ତଥା କଳିଙ୍ଗ ଟିଭିର କରଞ୍ଜିଆ ପ୍ରତିନିଧି ବରିଷ୍ଠ ସାମ୍ବାଦିକ ସରୋଜ କୁମାର ବେହେରାଙ୍କର ଶୁକ୍ରବାର ହୃଦଘାତରେ ପରଲୋକ ଘଟିଛି। ମୃତ୍ୟୁବେଳକୁ ତାଙ୍କୁ ୪୫ ବର୍ଷ ବୟସ ହୋଇଥିଲା। ସକାଳ ପର୍ଯ୍ୟନ୍ତ ସେ ସୁସ୍ଥ ଥିବାବେଳେ ଦିନ ପ୍ରାୟ ୧ଟା ସମୟରେ ହଠାତ୍ ଅସୁସ୍ଥ ଅନୁଭବ କରିଥିଲେ। ପରିବାର ଲୋକେ ତୁରନ୍ତ ତାଙ୍କୁ ଶୁକ୍ରୁଳି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ନେଇଥିଲେ। ତେବେ ଡାକ୍ତରଙ୍କ ସମସ୍ତ ପ୍ରୟାସ ସତ୍ତ୍ୱେ ତାଙ୍କୁ ବଞ୍ଚାଇବା ସମ୍ଭବ ହୋଇନଥିଲା। ଅପରାହ୍ନ ପ୍ରାୟ ୧ଟା ୩୦ ମିନିଟ୍‌ରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ତାଙ୍କ ବିୟୋଗ ଖବର ପ୍ରଚାର ହେବା ପରେ ଶୁକ୍ରୁଳି ସ୍ଥିତ ବାସଭବନରେ ବହୁ ବିଶିଷ୍ଟ ବ୍ୟକ୍ତି, ସାମ୍ବାଦିକ ଏବଂ ଶୁଭେଚ୍ଛୁମାନେ ପହଞ୍ଚି ଶେଷ ଦର୍ଶନ କରିବା ସହ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ସେମାନଙ୍କ ମଧ୍ୟରେ ରାଜ୍ୟ ଜଙ୍ଗଲ ଓ ପରିବେଶ ମନ୍ତ୍ରୀ ଇଂ ଗଣେଶ ରାମ ସିଂ ଖୁଣ୍ଟିଆ, କରଞ୍ଜିଆ ପ୍ରେସ କ୍ଲବର ସମ୍ପାଦକ କର୍ଣ୍ଣାଜୁନ ସାହା, ଭାଗବତ ଚନ୍ଦ୍ର ଦାସ, ତନ୍ମୟ କୁମାର ଦାସ, ସତ୍ୟବ୍ରତ ବେହେରା, ବିନ୍ଦୁସାର ଦାସ,ଉମାଶଙ୍କର ଦାସ, ସୁରଜ ସିଂ, ବିଜୟ ଗିରି, ଅଭିଷେକ ପାଣିଗ୍ରାହୀ, ତପୁ ଦାସ ଅଧିକାରୀ ଓ ଲଲାଟେନ୍ଦୁ ପାତ୍ର ପ୍ରମୁଖ ଉପସ୍ଥିତ ଥିଲେ। ତାଙ୍କ ବିୟୋଗରେ ପରିବାର, ବନ୍ଧୁ, ସହକର୍ମୀ ଓ ସାମ୍ବାଦିକ ମହଲରେ ଗଭୀର ଶୋକର ଛାୟା ଖେଳିଯାଇଛି। ମୃତ୍ୟୁବେଳେ ତାଙ୍କ ନିକଟରେ ବାପା, ମା', ଭାଇ, ଭଉଣୀ ଓ ପତ୍ନୀ ଉପସ୍ଥିତ ଥିଲେ। ଶ୍ରୀ ବେହେରା ପ୍ରଥମେ ଓଟିଭିରେ ସାମ୍ବାଦିକ ଭାବେ କାର୍ଯ୍ୟ କରି ପରବର୍ତ୍ତୀ ସମୟରେ କଳିଙ୍ଗ ଟିଭିର କରଞ୍ଜିଆ ପ୍ରତିନିଧି ଭାବେ ଦାୟିତ୍ୱ ତୁଲାଇଥିଲେ। ସେ କରଞ୍ଜିଆ ପ୍ରେସ କ୍ଲବର ପ୍ରତିଷ୍ଠାତା ସଦସ୍ୟ ହେବା ସହ ଖିଚିଂ ମହୋତ୍ସବ ଓ କରଞ୍ଜିଆ ମହୋତ୍ସବର ମଧ୍ୟ ପ୍ରତିଷ୍ଠାତା ସଦସ୍ୟ ଥିଲେ। ସେ ଉତ୍କଳ ସାମ୍ବାଦିକ ସଂଘର ମୟୂରଭଞ୍ଜ ଜିଲ୍ଲା ସମ୍ପାଦକ ଭାବେ ମଧ୍ୟ କାର୍ଯ୍ୟ କରୁଥିଲେ। ତାଙ୍କ ବିୟୋଗରେ ଉତ୍କଳ ସାମ୍ବାଦିକ ସଂଘର ସଭାପତି ବିଭୂତି ଭୂଷଣ କର, ସମ୍ପାଦକ ବେଣୁଧର ପଣ୍ଡା, ମୟୂରଭଞ୍ଜ ଜିଲ୍ଲାର ପୂର୍ବତନ ସଭାପତି ରତିକାନ୍ତ ପରୀକ୍ଷାଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ଗଭୀର ଶୋକ ପ୍ରକାଶ କରିଛନ୍ତି। ପରେ ସ୍ଥାନୀୟ ଶ୍ମଶାନରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଥିଲା।