नाशिक आणि त्र्यंबकेश्वर येथे २०२७ च्या सिंहस्थ कुंभमेळ्याच्या पार्श्वभूमीवर सुरू असलेल्या नवीन घाटांच्या बांधकामांसह विविध विकासकामांना गती देऊन ती जानेवारी २०२७ पर्यंत पूर्ण करावीत, असे निर्देश जिल्ह्याचे पालक सचिव तथा जलसंपदा विभागाचे प्रधान सचिव एकनाथ डवले यांनी दिले आहेत. जिल्हाधिकारी कार्यालयात शुक्रवारी झालेल्या कुंभमेळा विकास कामांच्या आढावा बैठकीत त्यांनी हे निर्देश दिले. या बैठकीला विशेष पोलिस महानिरीक्षक संजय ऐनपुरे, पोलिस आयुक्त संदीप कर्णिक, महापालिका आयुक्त मनीषा खत्री, जिल्हाधिकारी आयुष प्रसाद, पोलिस अधीक्षक डॉ. स्वामी यांच्यासह विविध विभागांचे वरिष्ठ अधिकारी उपस्थित होते. डवले यांनी स्पष्ट केले की, कुंभमेळ्यासाठी राज्य शासनाकडून मोठ्या प्रमाणात निधी उपलब्ध करून देण्यात आला असून, पायाभूत सुविधा, रस्ते आणि नदीकाठावरील घाटांची कामे वेळेत पूर्ण होणे आवश्यक आहे. संबंधित अधिकाऱ्यांनी नियमितपणे क्षेत्रीय पाहणी करून कामांच्या प्रगतीवर लक्ष ठेवण्याचेही त्यांनी सांगितले. यावेळी साधूग्राम, नाशिक परिक्रमा मार्ग, द्वारका सर्कल, रामकाल पथ, त्र्यंबकेश्वर दर्शन पथ तसेच ओझर विमानतळ विस्तारीकरणाच्या कामांना गती देण्याच्या सूचनाही देण्यात आल्या. या सर्व प्रकल्पांचा स्वतंत्र आढावा लवकरच घेण्यात येणार असल्याचे डवले यांनी सांगितले. बैठकीत महानगरपालिका, जलसंपदा विभाग आणि महाराष्ट्र राज्य पायाभूत सुविधा विकास महामंडळाच्या अधिकाऱ्यांनी सुरू असलेल्या कामांची माहिती सादर केली. जिल्हाधिकारी आयुष प्रसाद यांनी नाशिक परिक्रमा मार्गासाठी सुरू असलेल्या भूसंपादन प्रक्रियेचा आढावाही बैठकीत मांडला.

Anil GUNJAL

नाशिक, नाशिक, महाराष्ट्र•

15 hrs ago

नाशिक आणि त्र्यंबकेश्वर येथे २०२७ च्या सिंहस्थ कुंभमेळ्याच्या पार्श्वभूमीवर सुरू असलेल्या नवीन घाटांच्या बांधकामांसह विविध विकासकामांना गती देऊन ती जानेवारी २०२७ पर्यंत पूर्ण करावीत, असे निर्देश जिल्ह्याचे पालक सचिव तथा जलसंपदा विभागाचे प्रधान सचिव एकनाथ डवले यांनी दिले आहेत. जिल्हाधिकारी कार्यालयात शुक्रवारी झालेल्या कुंभमेळा विकास कामांच्या आढावा बैठकीत त्यांनी हे निर्देश दिले. या बैठकीला विशेष पोलिस महानिरीक्षक संजय ऐनपुरे, पोलिस आयुक्त संदीप कर्णिक, महापालिका आयुक्त मनीषा खत्री, जिल्हाधिकारी आयुष प्रसाद, पोलिस अधीक्षक डॉ. स्वामी यांच्यासह विविध विभागांचे वरिष्ठ अधिकारी उपस्थित होते. डवले यांनी स्पष्ट केले की, कुंभमेळ्यासाठी राज्य शासनाकडून मोठ्या प्रमाणात निधी उपलब्ध करून देण्यात आला असून, पायाभूत सुविधा, रस्ते आणि नदीकाठावरील घाटांची कामे वेळेत पूर्ण होणे आवश्यक आहे. संबंधित अधिकाऱ्यांनी नियमितपणे क्षेत्रीय पाहणी करून कामांच्या प्रगतीवर लक्ष ठेवण्याचेही त्यांनी सांगितले. यावेळी साधूग्राम, नाशिक परिक्रमा मार्ग, द्वारका सर्कल, रामकाल पथ, त्र्यंबकेश्वर दर्शन पथ तसेच ओझर विमानतळ विस्तारीकरणाच्या कामांना गती देण्याच्या सूचनाही देण्यात आल्या. या सर्व प्रकल्पांचा स्वतंत्र आढावा लवकरच घेण्यात येणार असल्याचे डवले यांनी सांगितले. बैठकीत महानगरपालिका, जलसंपदा विभाग आणि महाराष्ट्र राज्य पायाभूत सुविधा विकास महामंडळाच्या अधिकाऱ्यांनी सुरू असलेल्या कामांची माहिती सादर केली. जिल्हाधिकारी आयुष प्रसाद यांनी नाशिक परिक्रमा मार्गासाठी सुरू असलेल्या भूसंपादन प्रक्रियेचा आढावाही बैठकीत मांडला.