हिंगोली जिल्हा स्थानिक गुन्हे अन्वेषण शाखेच्या पोलिसांनी ११ जुलै रोजी सकाळी आखाडा बाळापूर पोलीस ठाण्याच्या हद्दीत येणाऱ्या मौजे वरुड शेत शिवारात मोठी कारवाई केली आहे. पोलिसांनी रस्त्यावरून अवैधरित्या वाळूची वाहतूक करणारा एक हायवा टिप्पर पकडून २० लाख २५ हजार रुपयांचा मुद्देमाल जप्त केला आहे. नांदेड जिल्ह्यातून मोठ्या प्रमाणावर अवैधरित्या वाळूचा उपसा करून हायवा टिप्परच्या माध्यमातून हिंगोली जिल्ह्यात वाहतूक केली जात असल्याची माहिती हिंगोली स्थानिक गुन्हे अन्वेषण शाखेला मिळाली होती. या माहितीच्या आधारे गुन्हे शाखेच्या पोलिस पथकाने १० जुलै रोजी रात्री नांदेड-हिंगोली जिल्हा सीमेवरील वरूड तांडा शिवारात कारवाई करत अवैध वाळू वाहतूक करणारा हायवा टिप्पर ताब्यात घेतला. ही कारवाई पोलिस अधीक्षक श्रेणिक लोढा आणि गुन्हे अन्वेशन शाखेचे पोलिस निरीक्षक मोहन भोसले यांच्या मार्गदर्शनाखाली करण्यात आली. या मोहिमेत पोलिस उपनिरीक्षक माधवराव जिव्हारे, भुजंग कोकरे, हरिभाऊ गुंजकर, आजम प्यारेवाले, हराळ, मिरे, सावंत आणि खंडागळे यांच्या पथकाने महत्त्वपूर्ण सहभाग नोंदवला. याप्रकरणी स्थानिक गुन्हे शाखेचे पोलिस कर्मचारी भुजंग कोकरे यांच्या फिर्यादीवरून धानोरा मोत्या (ता. पूर्णा) येथील रहिवासी प्रज्वल सदाशिव दुधमल याच्याविरुद्ध आखाडा बाळापूर पोलिस ठाण्यात कलम ३०३ (२) BNS सह कलम ४८(७) (८) गौण खनिज अधिनियम अंतर्गत गुन्हा दाखल करण्यात आला आहे. या प्रकरणाचा पुढील तपास पोलिस निरीक्षक शरद मरे यांच्या मार्गदर्शनाखाली डोंगरकडा पोलिस चौकीचे बीट प्रमुख संतोष नागरगोजे करत आहेत.

Shankar mulgir

Reporter कळमनुरी, हिंगोली, महाराष्ट्र•

1 hr ago

हिंगोली जिल्हा स्थानिक गुन्हे अन्वेषण शाखेच्या पोलिसांनी ११ जुलै रोजी सकाळी आखाडा बाळापूर पोलीस ठाण्याच्या हद्दीत येणाऱ्या मौजे वरुड शेत शिवारात मोठी कारवाई केली आहे. पोलिसांनी रस्त्यावरून अवैधरित्या वाळूची वाहतूक करणारा एक हायवा टिप्पर पकडून २० लाख २५ हजार रुपयांचा मुद्देमाल जप्त केला आहे. नांदेड जिल्ह्यातून मोठ्या प्रमाणावर अवैधरित्या वाळूचा उपसा करून हायवा टिप्परच्या माध्यमातून हिंगोली जिल्ह्यात वाहतूक केली जात असल्याची माहिती हिंगोली स्थानिक गुन्हे अन्वेषण शाखेला मिळाली होती. या माहितीच्या आधारे गुन्हे शाखेच्या पोलिस पथकाने १० जुलै रोजी रात्री नांदेड-हिंगोली जिल्हा सीमेवरील वरूड तांडा शिवारात कारवाई करत अवैध वाळू वाहतूक करणारा हायवा टिप्पर ताब्यात घेतला. ही कारवाई पोलिस अधीक्षक श्रेणिक लोढा आणि गुन्हे अन्वेशन शाखेचे पोलिस निरीक्षक मोहन भोसले यांच्या मार्गदर्शनाखाली करण्यात आली. या मोहिमेत पोलिस उपनिरीक्षक माधवराव जिव्हारे, भुजंग कोकरे, हरिभाऊ गुंजकर, आजम प्यारेवाले, हराळ, मिरे, सावंत आणि खंडागळे यांच्या पथकाने महत्त्वपूर्ण सहभाग नोंदवला. याप्रकरणी स्थानिक गुन्हे शाखेचे पोलिस कर्मचारी भुजंग कोकरे यांच्या फिर्यादीवरून धानोरा मोत्या (ता. पूर्णा) येथील रहिवासी प्रज्वल सदाशिव दुधमल याच्याविरुद्ध आखाडा बाळापूर पोलिस ठाण्यात कलम ३०३ (२) BNS सह कलम ४८(७) (८) गौण खनिज अधिनियम अंतर्गत गुन्हा दाखल करण्यात आला आहे. या प्रकरणाचा पुढील तपास पोलिस निरीक्षक शरद मरे यांच्या मार्गदर्शनाखाली डोंगरकडा पोलिस चौकीचे बीट प्रमुख संतोष नागरगोजे करत आहेत.