शहापूर तालुक्यातील वासिंद परिसरातील दोन कथित बोगस शाळांच्या प्रकरणात आता राज्य सरकारकडे थेट तक्रार दाखल करण्यात आली आहे. अन्याय अत्याचार निर्मूलन समितीचे ठाणे जिल्हाध्यक्ष अण्णा मोतीराम साळवे यांनी मुख्यमंत्री देवेंद्र फडणवीस आणि शालेय शिक्षण मंत्री दादासाहेब भुसे यांच्यासह वरिष्ठ अधिकाऱ्यांकडे निवेदन देत या संबंधित शाळांची मान्यता रद्द करण्याची आणि जबाबदार अधिकाऱ्यांवर कठोर कारवाई करण्याची मागणी केली आहे. वासिंद येथील रिद्धी सिद्धी ज्ञानाई एज्युकेशन सोसायटी संचालित आर. के. पालवी स्कूल आणि श्री लॉर्ड गणेशा स्कूल (CBSE) या शाळांना २०१७ मध्ये शासनाने काही अटी व शर्तींवर परवानगी दिली होती. यात सहा महिन्यांच्या आत जागेच्या अटी व इतर आवश्यक निकष पूर्ण करण्याचे आदेश होते. मात्र, तक्रारदारांच्या आरोपानुसार, आजतागायत या अटींची पूर्तता झालेली नाही. माहिती अधिकारातून मिळालेल्या कागदपत्रांमध्ये ७/१२ उतारे, इमारतीचा भाडेकरार, शिक्षकांची पात्रता, पायाभूत सुविधा, ऑडिट रिपोर्ट तसेच EWS प्रवेश प्रक्रियेमध्ये अनेक त्रुटी आढळल्याचा दावा तक्रारदारांनी केला आहे. या प्रकरणी तक्रारदार अण्णा मोतीराम साळवे यांनी जिल्हा परिषद ठाणे शिक्षण विभाग तसेच शहापूर पंचायत समितीकडे वारंवार लेखी तक्रारी करूनही कोणतीही कारवाई झाली नसल्याचा आरोप केला आहे. विशेष म्हणजे, माहिती अधिकारात संबंधित शाळांबाबत जिल्हा परिषद ठाणे कार्यालयाकडे कोणतीही माहिती उपलब्ध नसल्याचे लेखी उत्तर मिळाल्याने या प्रकरणातील संशय अधिक वाढला आहे. या सर्व प्रकरणी उच्चस्तरीय चौकशी करून संबंधित शाळांची मान्यता रद्द करावी आणि जबाबदार अधिकाऱ्यांवर कठोर कारवाई करावी, अशी मागणी आता मुख्यमंत्री कार्यालयाकडे करण्यात आली आहे. त्यामुळे या प्रकरणात शासन काय भूमिका घेते, याकडे सर्वांचे लक्ष लागून राहिले आहे.

लोक हिंद चॅनल

Journalist शहापूर, ठाणे, महाराष्ट्र•

14 hrs ago

शहापूर तालुक्यातील वासिंद परिसरातील दोन कथित बोगस शाळांच्या प्रकरणात आता राज्य सरकारकडे थेट तक्रार दाखल करण्यात आली आहे. अन्याय अत्याचार निर्मूलन समितीचे ठाणे जिल्हाध्यक्ष अण्णा मोतीराम साळवे यांनी मुख्यमंत्री देवेंद्र फडणवीस आणि शालेय शिक्षण मंत्री दादासाहेब भुसे यांच्यासह वरिष्ठ अधिकाऱ्यांकडे निवेदन देत या संबंधित शाळांची मान्यता रद्द करण्याची आणि जबाबदार अधिकाऱ्यांवर कठोर कारवाई करण्याची मागणी केली आहे. वासिंद येथील रिद्धी सिद्धी ज्ञानाई एज्युकेशन सोसायटी संचालित आर. के. पालवी स्कूल आणि श्री लॉर्ड गणेशा स्कूल (CBSE) या शाळांना २०१७ मध्ये शासनाने काही अटी व शर्तींवर परवानगी दिली होती. यात सहा महिन्यांच्या आत जागेच्या अटी व इतर आवश्यक निकष पूर्ण करण्याचे आदेश होते. मात्र, तक्रारदारांच्या आरोपानुसार, आजतागायत या अटींची पूर्तता झालेली नाही. माहिती अधिकारातून मिळालेल्या कागदपत्रांमध्ये ७/१२ उतारे, इमारतीचा भाडेकरार, शिक्षकांची पात्रता, पायाभूत सुविधा, ऑडिट रिपोर्ट तसेच EWS प्रवेश प्रक्रियेमध्ये अनेक त्रुटी आढळल्याचा दावा तक्रारदारांनी केला आहे. या प्रकरणी तक्रारदार अण्णा मोतीराम साळवे यांनी जिल्हा परिषद ठाणे शिक्षण विभाग तसेच शहापूर पंचायत समितीकडे वारंवार लेखी तक्रारी करूनही कोणतीही कारवाई झाली नसल्याचा आरोप केला आहे. विशेष म्हणजे, माहिती अधिकारात संबंधित शाळांबाबत जिल्हा परिषद ठाणे कार्यालयाकडे कोणतीही माहिती उपलब्ध नसल्याचे लेखी उत्तर मिळाल्याने या प्रकरणातील संशय अधिक वाढला आहे. या सर्व प्रकरणी उच्चस्तरीय चौकशी करून संबंधित शाळांची मान्यता रद्द करावी आणि जबाबदार अधिकाऱ्यांवर कठोर कारवाई करावी, अशी मागणी आता मुख्यमंत्री कार्यालयाकडे करण्यात आली आहे. त्यामुळे या प्रकरणात शासन काय भूमिका घेते, याकडे सर्वांचे लक्ष लागून राहिले आहे.