ప్రధానమంత్రి నరేంద్ర మోదీ 12 ఏళ్ల పాలన పూర్తయిన సందర్భంగా కేంద్ర హోంశాఖ సహాయ మంత్రి బండి సంజయ్ కుమార్ కరీంనగర్ పార్లమెంట్ నియోజకవర్గం పరిధిలోని ప్రభుత్వ పాఠశాలల్లో "స్వచ్ఛ పాఠశాల" కార్యక్రమానికి శ్రీకారం చుట్టారు. సిరిసిల్ల పట్టణంలోని కుసుమ రామయ్య జిల్లా జెడ్పీహెచ్ఎస్ పాఠశాలలో ఈ కార్యక్రమంలో పాల్గొన్న ఆయన, స్వయంగా చీపురు పట్టి తరగతి గదులను శుభ్రం చేశారు. మోదీ 12 ఏళ్ల పాలనలో ఎన్నో సాహసోపేతమైన కార్యక్రమాలు చేపట్టారని బండి సంజయ్ ఈ సందర్భంగా పేర్కొన్నారు. ప్రధాని మోదీ పాలనకు గుర్తుగా కరీంనగర్ పార్లమెంట్ నియోజకవర్గంలోని అన్ని ప్రభుత్వ పాఠశాలలను పరిశుభ్రంగా ఉంచాలనే లక్ష్యంతో ఈ కార్యక్రమాన్ని చేపట్టినట్లు బండి సంజయ్ తెలిపారు. ఈ నెల 20 వరకు ప్రతి పార్లమెంటు సభ్యులు వివిధ సేవా కార్యక్రమాల్లో పాల్గొంటారని వెల్లడించారు. బీజేపీ కార్యకర్తలు, ఉపాధ్యాయులు, విద్యార్థులు, స్వచ్ఛంద సంస్థల ప్రతినిధులు, స్థానిక ప్రజలు పెద్దఎత్తున పాల్గొని పాఠశాలలను శుభ్రం చేయాలని ఆయన పిలుపునిచ్చారు. రాజకీయాలకు అతీతంగా ప్రతి ఒక్కరూ ప్రభుత్వ పాఠశాలల అభివృద్ధికి సహకరించాలని కేంద్ర మంత్రి కోరారు. పాఠశాలల్లో విద్యార్థుల చేరికలను పెంచేందుకు త్వరలో గ్రామాలు, మండలాల వారీగా అవగాహన ర్యాలీలు నిర్వహిస్తామని బండి సంజయ్ ప్రకటించారు. ఈ ఏడాది కూడా ప్రభుత్వ స్కూళ్లలో పదో తరగతి చదివే విద్యార్థులందరికీ ఉచితంగా సైకిళ్లు అందిస్తామని హామీ ఇచ్చారు. అంతేకాకుండా, తన వేతనం నుంచి పదో తరగతి విద్యార్థుల పరీక్ష ఫీజులను చెల్లిస్తానని ఆయన ప్రకటించారు. పాఠశాలల్లో నెలకొన్న సమస్యలను త్వరలో సమీక్షించి పరిష్కారానికి చర్యలు తీసుకుంటామని స్పష్టం చేసిన బండి సంజయ్, సేవా కార్యక్రమాలతో పాటు విద్యాభివృద్ధికి కూడా తమ కృషి కొనసాగుతుందని తెలిపారు.

సిరిసిల్ల స్వరం

సిరిసిల్ల, రాజన్న సిరిసిల్ల, తెలంగాణ•

4 days ago

ప్రధానమంత్రి నరేంద్ర మోదీ 12 ఏళ్ల పాలన పూర్తయిన సందర్భంగా కేంద్ర హోంశాఖ సహాయ మంత్రి బండి సంజయ్ కుమార్ కరీంనగర్ పార్లమెంట్ నియోజకవర్గం పరిధిలోని ప్రభుత్వ పాఠశాలల్లో "స్వచ్ఛ పాఠశాల" కార్యక్రమానికి శ్రీకారం చుట్టారు. సిరిసిల్ల పట్టణంలోని కుసుమ రామయ్య జిల్లా జెడ్పీహెచ్ఎస్ పాఠశాలలో ఈ కార్యక్రమంలో పాల్గొన్న ఆయన, స్వయంగా చీపురు పట్టి తరగతి గదులను శుభ్రం చేశారు. మోదీ 12 ఏళ్ల పాలనలో ఎన్నో సాహసోపేతమైన కార్యక్రమాలు చేపట్టారని బండి సంజయ్ ఈ సందర్భంగా పేర్కొన్నారు. ప్రధాని మోదీ

పాలనకు గుర్తుగా కరీంనగర్ పార్లమెంట్ నియోజకవర్గంలోని అన్ని ప్రభుత్వ పాఠశాలలను పరిశుభ్రంగా ఉంచాలనే లక్ష్యంతో ఈ కార్యక్రమాన్ని చేపట్టినట్లు బండి సంజయ్ తెలిపారు. ఈ నెల 20 వరకు ప్రతి పార్లమెంటు సభ్యులు వివిధ సేవా కార్యక్రమాల్లో పాల్గొంటారని వెల్లడించారు. బీజేపీ కార్యకర్తలు, ఉపాధ్యాయులు, విద్యార్థులు, స్వచ్ఛంద సంస్థల ప్రతినిధులు, స్థానిక ప్రజలు పెద్దఎత్తున పాల్గొని పాఠశాలలను శుభ్రం చేయాలని ఆయన పిలుపునిచ్చారు. రాజకీయాలకు అతీతంగా ప్రతి ఒక్కరూ ప్రభుత్వ పాఠశాలల అభివృద్ధికి సహకరించాలని కేంద్ర మంత్రి కోరారు. పాఠశాలల్లో విద్యార్థుల చేరికలను

పెంచేందుకు త్వరలో గ్రామాలు, మండలాల వారీగా అవగాహన ర్యాలీలు నిర్వహిస్తామని బండి సంజయ్ ప్రకటించారు. ఈ ఏడాది కూడా ప్రభుత్వ స్కూళ్లలో పదో తరగతి చదివే విద్యార్థులందరికీ ఉచితంగా సైకిళ్లు అందిస్తామని హామీ ఇచ్చారు. అంతేకాకుండా, తన వేతనం నుంచి పదో తరగతి విద్యార్థుల పరీక్ష ఫీజులను చెల్లిస్తానని ఆయన ప్రకటించారు. పాఠశాలల్లో నెలకొన్న సమస్యలను త్వరలో సమీక్షించి పరిష్కారానికి చర్యలు తీసుకుంటామని స్పష్టం చేసిన బండి సంజయ్, సేవా కార్యక్రమాలతో పాటు విద్యాభివృద్ధికి కూడా తమ కృషి కొనసాగుతుందని తెలిపారు.