ಚಳ್ಳಕೆರೆ ತಾಲ್ಲೂಕಿನ ಬೊಂಬೇರಹಳ್ಳಿ ಗ್ರಾಮದ ನಿವೃತ್ತ ಅಧಿಕಾರಿಯಾಗಿದ್ದ ರೈತ ಮುಖಂಡ ಕೆ. ಚಿಕ್ಕಣ್ಣ ಅವರು ತಮ್ಮ 27 ಎಕರೆ ಜಮೀನಿನಲ್ಲಿ ಪ್ರಕೃತಿ ಕೃಷಿ ವಿಧಾನದ ಮೂಲಕ ಸಮಗ್ರ ಕೃಷಿ ಚಟುವಟಿಕೆಗಳನ್ನು ನಡೆಸಿ, ಇತರೆ ರೈತ ಸಮುದಾಯಕ್ಕೆ ಮಾದರಿಯಾಗಿದ್ದಾರೆ. ಅವರು ತಮ್ಮ ಕುಟುಂಬದ ಒಡೆತನದ 27 ಎಕರೆ ಭೂಮಿಯನ್ನು ಸಮಗ್ರ ಕೃಷಿ ಪದ್ಧತಿಗೆ ಅಳವಡಿಸಿಕೊಂಡಿದ್ದಾರೆ. ಚಿಕ್ಕಣ್ಣ ಅವರ ತೋಟದಲ್ಲಿ ಎರಡು ಸಾವಿರ ತೆಂಗಿನ ಮರಗಳು, ನಾಲ್ಕು ಸಾವಿರ ಅಡಿಕೆ ಮರಗಳು, ಒಂದು ಸಾವಿರ ಗಂಧದ ಮರಗಳು, ಒಂದು ಸಾವಿರ ತೇಗ ಮತ್ತು ಬೀಟೆ ಮರಗಳಿವೆ. ಜೊತೆಗೆ, ಆರು ಎಕರೆಯಲ್ಲಿ ದಾಳಿಂಬೆ ಹಾಗೂ ಮತ್ತೊಂದು ಆರು ಎಕರೆಯಲ್ಲಿ ರಾಗಿ ಬೆಳೆ ಬೆಳೆಯಲಾಗುತ್ತಿದೆ. ಕೃಷಿ ಬೆಳೆಗಳೊಂದಿಗೆ, ಅವರು ತಮ್ಮ ತೋಟದಲ್ಲಿ ಐವತ್ತಕ್ಕೂ ಹೆಚ್ಚು ಹಸು ಮತ್ತು ಎಮ್ಮೆಗಳನ್ನು ಸಾಕಿಕೊಂಡಿದ್ದಾರೆ. ತೋಟದ ಸುತ್ತಲೂ ಐನೂರಕ್ಕೂ ಹೆಚ್ಚು ಹುಣಸೆ ಮರಗಳನ್ನು ಬೆಳೆಸಿದ್ದಾರೆ. ಇವುಗಳ ಜೊತೆಗೆ, ಮೀನು ಸಾಕಾಣಿಕೆ ಹೊಂಡಗಳೂ ಸಹ ಇವೆ. ಜಾನುವಾರುಗಳನ್ನು ಕೇವಲ ಉಳುಮೆಗಾಗಿ ಸಾಕಬಾರದು ಎಂಬುದು ಚಿಕ್ಕಣ್ಣ ಅವರ ಅಭಿಪ್ರಾಯ. ಭಾರತೀಯ ಸಂಸ್ಕೃತಿಯಲ್ಲಿ ಮೂಕ ಪ್ರಾಣಿಗಳನ್ನು ಪೂಜ್ಯನೀಯವಾಗಿ ಕಾಣಬೇಕು. ಜಾನುವಾರುಗಳಿಂದ ಹಾಲು, ಮೊಸರು, ಕೃಷಿಗೆ ಅಗತ್ಯವಾದ ಗೊಬ್ಬರ ಮತ್ತು ಗಂಜಲ ದೊರೆಯುತ್ತದೆ. ಹೀಗಾಗಿ, ಪ್ರತಿಯೊಬ್ಬ ರೈತನ ಕುಟುಂಬದಲ್ಲಿ ಪ್ರಧಾನವಾಗಿ ಗೋ ಸಾಕಾಣಿಕೆ ಪದ್ಧತಿ ಇರಬೇಕು ಎಂದು ಅವರು ಪ್ರತಿಪಾದಿಸುತ್ತಾರೆ. ಅವರು ತಮ್ಮಲ್ಲಿರುವ ಐವತ್ತು ಹಸು ಮತ್ತು ಎಮ್ಮೆಗಳ ಹಾಲು ಮಾರಾಟ ಮಾಡದೆ, ಮನೆಯ ಬಳಕೆಗಷ್ಟೇ ಉಪಯೋಗಿಸಿ, ಉಳಿದಿದ್ದನ್ನು ಕರುಗಳಿಗೆ ಕುಡಿಸುತ್ತಾರೆ. ಕೃಷಿಕ ಮನೆತನಕ್ಕೆ ಗೋ ಸಾಕಾಣಿಕೆ ಒಂದು ಪ್ರಧಾನ ಕಸುಬು ಆಗಬೇಕು ಎನ್ನುವುದು ಅವರ ಕಳಕಳಿ. ಜಮೀನಿನಲ್ಲಿರುವ ಮೂರು ಬೋರ್‌ವೆಲ್‌ಗಳಿಗೆ ಸಮೀಪದ ವೇದಾವತಿ ನದಿಯಿಂದ ಸದಾ ನೀರಿನ ಸೆಲೆ ದೊರೆಯುತ್ತಿದ್ದು, ಇದು ಕೃಷಿ ಕಸುಬಿಗೆ ಉತ್ಸಾಹ ನೀಡಿದೆ ಎಂದು ಅವರು ಹೇಳುತ್ತಾರೆ. ತಮ್ಮ 27 ಎಕರೆ ಜಮೀನಿನಲ್ಲಿನ ತೆಂಗು, ಅಡಿಕೆ, ದಾಳಿಂಬೆ, ಮೀನು ಸಾಕಾಣಿಕೆ ಹೊಂಡಗಳು, ರಾಗಿ ಮತ್ತು ಭತ್ತದ ಬೆಳೆಗಳ ನಿರ್ವಹಣೆಗಾಗಿ ರೈತ ಚಿಕ್ಕಣ್ಣ ಅವರು ಪ್ರತಿದಿನ ಸ್ಥಳೀಯ ಹತ್ತು ಜನ ಕೂಲಿ ಕಾರ್ಮಿಕರಿಗೆ ಕೆಲಸ ನೀಡುತ್ತಿದ್ದಾರೆ. ಬಯಲು ಸೀಮೆಯಲ್ಲಿ ಅವರ ಕೃಷಿ ಆಸಕ್ತಿಗೆ ಮೆಚ್ಚುಗೆ ವ್ಯಕ್ತವಾಗಿದೆ. ಜಮೀನಿನಲ್ಲಿರುವ ಎರಡು ಸಾವಿರ ತೆಂಗಿನ ಮರಗಳಿಂದ ದೊರೆಯುವ ಸುಮಾರು ಎಂಬತ್ತು ಸಾವಿರ ತೆಂಗಿನಕಾಯಿಗಳನ್ನು ಅವರು ಕೊಬ್ಬರಿಗಾಗಿ ಸಂಗ್ರಹಿಸಿದ್ದಾರೆ. ಮಾರುಕಟ್ಟೆಯಲ್ಲಿ ಕೆಲವೊಮ್ಮೆ ಕೊಬ್ಬರಿಗೆ ಉತ್ತಮ ಬೇಡಿಕೆ ಇರುತ್ತದೆ. ಮಲೆನಾಡು ಪ್ರದೇಶದಲ್ಲಿ ಬೆಳೆಯುವ ತೆಂಗಿಗಿಂತ ಬಯಲು ಸೀಮೆಯ ತೆಂಗು ಹೆಚ್ಚು ರುಚಿ ಮತ್ತು ಅಧಿಕ ಎಣ್ಣೆ ಅಂಶಕ್ಕೆ ಒಳ್ಳೆಯ ಬೇಡಿಕೆ ಹೊಂದಿದೆ ಎಂದು ರೈತ ಚಿಕ್ಕಣ್ಣ ವಿವರಿಸುತ್ತಾರೆ.

Suresh Belagere

Video Creator ಚಿತ್ರದುರ್ಗ, ಚಿತ್ರದುರ್ಗ, ಕರ್ನಾಟಕ•

1 hr ago

ಚಳ್ಳಕೆರೆ ತಾಲ್ಲೂಕಿನ ಬೊಂಬೇರಹಳ್ಳಿ ಗ್ರಾಮದ ನಿವೃತ್ತ ಅಧಿಕಾರಿಯಾಗಿದ್ದ ರೈತ ಮುಖಂಡ ಕೆ. ಚಿಕ್ಕಣ್ಣ ಅವರು ತಮ್ಮ 27 ಎಕರೆ ಜಮೀನಿನಲ್ಲಿ ಪ್ರಕೃತಿ ಕೃಷಿ ವಿಧಾನದ ಮೂಲಕ ಸಮಗ್ರ ಕೃಷಿ ಚಟುವಟಿಕೆಗಳನ್ನು ನಡೆಸಿ, ಇತರೆ ರೈತ ಸಮುದಾಯಕ್ಕೆ ಮಾದರಿಯಾಗಿದ್ದಾರೆ. ಅವರು ತಮ್ಮ ಕುಟುಂಬದ ಒಡೆತನದ 27 ಎಕರೆ ಭೂಮಿಯನ್ನು ಸಮಗ್ರ ಕೃಷಿ ಪದ್ಧತಿಗೆ ಅಳವಡಿಸಿಕೊಂಡಿದ್ದಾರೆ. ಚಿಕ್ಕಣ್ಣ ಅವರ ತೋಟದಲ್ಲಿ ಎರಡು ಸಾವಿರ ತೆಂಗಿನ ಮರಗಳು, ನಾಲ್ಕು ಸಾವಿರ ಅಡಿಕೆ ಮರಗಳು, ಒಂದು ಸಾವಿರ ಗಂಧದ ಮರಗಳು, ಒಂದು ಸಾವಿರ ತೇಗ ಮತ್ತು ಬೀಟೆ ಮರಗಳಿವೆ. ಜೊತೆಗೆ, ಆರು ಎಕರೆಯಲ್ಲಿ ದಾಳಿಂಬೆ ಹಾಗೂ ಮತ್ತೊಂದು ಆರು ಎಕರೆಯಲ್ಲಿ ರಾಗಿ ಬೆಳೆ ಬೆಳೆಯಲಾಗುತ್ತಿದೆ. ಕೃಷಿ ಬೆಳೆಗಳೊಂದಿಗೆ, ಅವರು ತಮ್ಮ ತೋಟದಲ್ಲಿ ಐವತ್ತಕ್ಕೂ ಹೆಚ್ಚು ಹಸು ಮತ್ತು ಎಮ್ಮೆಗಳನ್ನು ಸಾಕಿಕೊಂಡಿದ್ದಾರೆ. ತೋಟದ ಸುತ್ತಲೂ ಐನೂರಕ್ಕೂ ಹೆಚ್ಚು ಹುಣಸೆ ಮರಗಳನ್ನು ಬೆಳೆಸಿದ್ದಾರೆ. ಇವುಗಳ ಜೊತೆಗೆ, ಮೀನು ಸಾಕಾಣಿಕೆ ಹೊಂಡಗಳೂ ಸಹ ಇವೆ. ಜಾನುವಾರುಗಳನ್ನು ಕೇವಲ ಉಳುಮೆಗಾಗಿ ಸಾಕಬಾರದು ಎಂಬುದು ಚಿಕ್ಕಣ್ಣ ಅವರ ಅಭಿಪ್ರಾಯ. ಭಾರತೀಯ ಸಂಸ್ಕೃತಿಯಲ್ಲಿ ಮೂಕ ಪ್ರಾಣಿಗಳನ್ನು ಪೂಜ್ಯನೀಯವಾಗಿ ಕಾಣಬೇಕು. ಜಾನುವಾರುಗಳಿಂದ ಹಾಲು, ಮೊಸರು, ಕೃಷಿಗೆ ಅಗತ್ಯವಾದ ಗೊಬ್ಬರ ಮತ್ತು ಗಂಜಲ ದೊರೆಯುತ್ತದೆ. ಹೀಗಾಗಿ, ಪ್ರತಿಯೊಬ್ಬ ರೈತನ ಕುಟುಂಬದಲ್ಲಿ ಪ್ರಧಾನವಾಗಿ ಗೋ ಸಾಕಾಣಿಕೆ ಪದ್ಧತಿ ಇರಬೇಕು ಎಂದು ಅವರು ಪ್ರತಿಪಾದಿಸುತ್ತಾರೆ. ಅವರು ತಮ್ಮಲ್ಲಿರುವ ಐವತ್ತು ಹಸು ಮತ್ತು ಎಮ್ಮೆಗಳ ಹಾಲು ಮಾರಾಟ ಮಾಡದೆ, ಮನೆಯ ಬಳಕೆಗಷ್ಟೇ ಉಪಯೋಗಿಸಿ, ಉಳಿದಿದ್ದನ್ನು ಕರುಗಳಿಗೆ ಕುಡಿಸುತ್ತಾರೆ. ಕೃಷಿಕ ಮನೆತನಕ್ಕೆ ಗೋ ಸಾಕಾಣಿಕೆ ಒಂದು ಪ್ರಧಾನ ಕಸುಬು ಆಗಬೇಕು ಎನ್ನುವುದು ಅವರ ಕಳಕಳಿ. ಜಮೀನಿನಲ್ಲಿರುವ ಮೂರು ಬೋರ್‌ವೆಲ್‌ಗಳಿಗೆ ಸಮೀಪದ ವೇದಾವತಿ ನದಿಯಿಂದ ಸದಾ ನೀರಿನ ಸೆಲೆ ದೊರೆಯುತ್ತಿದ್ದು, ಇದು ಕೃಷಿ ಕಸುಬಿಗೆ ಉತ್ಸಾಹ ನೀಡಿದೆ ಎಂದು ಅವರು ಹೇಳುತ್ತಾರೆ. ತಮ್ಮ 27 ಎಕರೆ ಜಮೀನಿನಲ್ಲಿನ ತೆಂಗು, ಅಡಿಕೆ, ದಾಳಿಂಬೆ, ಮೀನು ಸಾಕಾಣಿಕೆ ಹೊಂಡಗಳು, ರಾಗಿ ಮತ್ತು ಭತ್ತದ ಬೆಳೆಗಳ ನಿರ್ವಹಣೆಗಾಗಿ ರೈತ ಚಿಕ್ಕಣ್ಣ ಅವರು ಪ್ರತಿದಿನ ಸ್ಥಳೀಯ ಹತ್ತು ಜನ ಕೂಲಿ ಕಾರ್ಮಿಕರಿಗೆ ಕೆಲಸ ನೀಡುತ್ತಿದ್ದಾರೆ. ಬಯಲು ಸೀಮೆಯಲ್ಲಿ ಅವರ ಕೃಷಿ ಆಸಕ್ತಿಗೆ ಮೆಚ್ಚುಗೆ ವ್ಯಕ್ತವಾಗಿದೆ. ಜಮೀನಿನಲ್ಲಿರುವ ಎರಡು ಸಾವಿರ ತೆಂಗಿನ ಮರಗಳಿಂದ ದೊರೆಯುವ ಸುಮಾರು ಎಂಬತ್ತು ಸಾವಿರ ತೆಂಗಿನಕಾಯಿಗಳನ್ನು ಅವರು ಕೊಬ್ಬರಿಗಾಗಿ ಸಂಗ್ರಹಿಸಿದ್ದಾರೆ. ಮಾರುಕಟ್ಟೆಯಲ್ಲಿ ಕೆಲವೊಮ್ಮೆ ಕೊಬ್ಬರಿಗೆ ಉತ್ತಮ ಬೇಡಿಕೆ ಇರುತ್ತದೆ. ಮಲೆನಾಡು ಪ್ರದೇಶದಲ್ಲಿ ಬೆಳೆಯುವ ತೆಂಗಿಗಿಂತ ಬಯಲು ಸೀಮೆಯ ತೆಂಗು ಹೆಚ್ಚು ರುಚಿ ಮತ್ತು ಅಧಿಕ ಎಣ್ಣೆ ಅಂಶಕ್ಕೆ ಒಳ್ಳೆಯ ಬೇಡಿಕೆ ಹೊಂದಿದೆ ಎಂದು ರೈತ ಚಿಕ್ಕಣ್ಣ ವಿವರಿಸುತ್ತಾರೆ.