तासगाव तालुक्यातील लोढे येथील जय हनुमान विकास सोसायटीच्या संचालक मंडळ निवडणुकीत आमदार रोहित आर. पाटील यांच्या नेतृत्वाखालील गटाने १३-० असा एकतर्फी विजय मिळवून आपली सत्ता कायम राखली आहे. या निवडणुकीत माजी खासदार संजयकाका पाटील यांच्या गटाला पराभवाचा सामना करावा लागला. निवडणूक कार्यक्रम जाहीर झाल्यापासून दोन्ही गटांनी मतदारांना आपल्या बाजूने वळवण्यासाठी विविध आश्वासने देत घरोघरी जाऊन जोरदार प्रचार केला होता. शनिवारी मतदान आणि मतमोजणी एकाच दिवशी पार पडली. सकाळपासूनच दोन्ही गटांनी सभासदांना घराघरातून मतदान केंद्रावर आणण्यासाठी विशेष प्रयत्न केले, ज्यामुळे निवडणुकीत मोठी चुरस निर्माण झाली होती आणि दोन्ही बाजूंकडून विजयाचे दावे केले जात होते. सायंकाळी सहा वाजता निकाल जाहीर होताच आमदार रोहित पाटील गटाने सर्वच्या सर्व १३ जागांवर विजय मिळवून एकतर्फी सत्ता हस्तगत केली. निकाल घोषित झाल्यानंतर विजयी गटाच्या कार्यकर्त्यांनी गुलालाची उधळण करून जोरदार जल्लोष साजरा केला. याप्रसंगी माजी सरपंच विलास पाटील, राष्ट्रवादी युवक काँग्रेसचे तालुका सचिव श्रीनिवास पाटील, लक्ष्मण पाटील, भाऊसो पाटील, गुलाब माने, ईश्वर पाटील, दुर्योधन पाटील, जनार्दन पाटील, रामचंद्र पाटील, कुमार पाटील, आप्पा पाटील, प्रकाश पाटील, मुरलीधर पाटील, शानाबाई घुटूगडे, मोहन पाटील, रघुनाथ भिंगारदिवे, सुभाष पाटील, बाळासो माने, दाजी पाटील, विनोद पाटील यांच्यासह मोठ्या संख्येने ग्रामस्थ उपस्थित होते.

EXPRESS NEWS

Press advisory मिरज, सांगली, महाराष्ट्र•

4 hrs ago

तासगाव तालुक्यातील लोढे येथील जय हनुमान विकास सोसायटीच्या संचालक मंडळ निवडणुकीत आमदार रोहित आर. पाटील यांच्या नेतृत्वाखालील गटाने १३-० असा एकतर्फी विजय मिळवून आपली सत्ता कायम राखली आहे. या निवडणुकीत माजी खासदार संजयकाका पाटील यांच्या गटाला पराभवाचा सामना करावा लागला. निवडणूक कार्यक्रम जाहीर झाल्यापासून दोन्ही गटांनी मतदारांना आपल्या बाजूने वळवण्यासाठी विविध आश्वासने देत घरोघरी जाऊन जोरदार प्रचार केला होता. शनिवारी मतदान आणि मतमोजणी एकाच दिवशी पार पडली. सकाळपासूनच दोन्ही गटांनी सभासदांना घराघरातून मतदान केंद्रावर आणण्यासाठी विशेष प्रयत्न केले, ज्यामुळे निवडणुकीत मोठी चुरस निर्माण झाली होती आणि दोन्ही बाजूंकडून विजयाचे दावे केले जात होते. सायंकाळी सहा वाजता निकाल जाहीर होताच आमदार रोहित पाटील गटाने सर्वच्या सर्व १३ जागांवर विजय मिळवून एकतर्फी सत्ता हस्तगत केली. निकाल घोषित झाल्यानंतर विजयी गटाच्या कार्यकर्त्यांनी गुलालाची उधळण करून जोरदार जल्लोष साजरा केला. याप्रसंगी माजी सरपंच विलास पाटील, राष्ट्रवादी युवक काँग्रेसचे तालुका सचिव श्रीनिवास पाटील, लक्ष्मण पाटील, भाऊसो पाटील, गुलाब माने, ईश्वर पाटील, दुर्योधन पाटील, जनार्दन पाटील, रामचंद्र पाटील, कुमार पाटील, आप्पा पाटील, प्रकाश पाटील, मुरलीधर पाटील, शानाबाई घुटूगडे, मोहन पाटील, रघुनाथ भिंगारदिवे, सुभाष पाटील, बाळासो माने, दाजी पाटील, विनोद पाटील यांच्यासह मोठ्या संख्येने ग्रामस्थ उपस्थित होते.