ತುಮಕೂರಿನಲ್ಲಿ ಎಲ್‌ಐಸಿ ವಿಮಾ ಹಣಕ್ಕಾಗಿ ಅಣ್ಣನೇ ತನ್ನ ಸ್ವಂತ ತಮ್ಮನನ್ನು ಬರ್ಬರವಾಗಿ ಕೊಲೆ ಮಾಡಿದ ಆಘಾತಕಾರಿ ಘಟನೆ ನಡೆದಿದೆ. ತಮ್ಮನ ಹೆಸರಿಗೆ ಎಲ್‌ಐಸಿ ಪಾಲಿಸಿ ಮಾಡಿಸಿ, ನಂತರ ಆತನನ್ನು ಕ್ರೂರವಾಗಿ ಹತ್ಯೆ ಮಾಡಲಾಗಿದೆ. ಆಂಧ್ರಪ್ರದೇಶದ ಸತ್ಯಸಾಯಿ ಜಿಲ್ಲೆಯ ಮಡಕಶಿರಾ ತಾಲ್ಲೂಕಿನ ನಿದ್ರಗಟ್ಟ ಗ್ರಾಮದ ರಮೇಶ್ (35) ಹತ್ಯೆಯಾದ ದುರ್ದೈವಿ ತಮ್ಮನಾಗಿದ್ದು, ಹನುಮಂತರಾಜು ಎಂಬಾತ ಈ ಪಾಪಿ ಕೃತ್ಯವೆಸಗಿದ ಅಣ್ಣ. ಹನುಮಂತರಾಜು ತಮ್ಮನ ಹತ್ಯೆ ಮಾಡಿ ಅದನ್ನು ಬೈಕ್ ಅಪಘಾತ ಎಂದು ಬಿಂಬಿಸಲು ಯತ್ನಿಸಿದ್ದನು. ತಮ್ಮನ ಹೆಸರಿನಲ್ಲಿ 15 ಲಕ್ಷ ರೂಪಾಯಿ ಮೌಲ್ಯದ ಪಾಲಿಸಿ ಮಾಡಿಸಿದ್ದ ಹನುಮಂತರಾಜು, ಅಪಘಾತವಾದರೆ ಡಬಲ್ ಹಣ ಪಡೆಯುವ 'ಮಾಸ್ಟರ್ ಪ್ಲಾನ್' ಹೊಂದಿದ್ದನು. ಈ ಕೃತ್ಯಕ್ಕೆ ಎರಡು ವರ್ಷದ ಹಿಂದೆಯೇ 85 ಸಾವಿರ ರೂಪಾಯಿ ಪ್ರೀಮಿಯಂ ಕಟ್ಟಿ, ಕೊಲೆಗೆ ಸ್ಕೆಚ್ ಹಾಕಿಕೊಂಡಿದ್ದ ಎನ್ನಲಾಗಿದೆ. ಇಷ್ಟೇ ಅಲ್ಲದೆ, ಮೃತ ರಮೇಶ್ ಬ್ಲಾಕ್ ಮ್ಯಾಜಿಕ್ ತಂತ್ರ ವಿದ್ಯೆಗಳಲ್ಲಿ ತೊಡಗಿದ್ದನು ಮತ್ತು ಆತನ ಮಾಟ ಮಂತ್ರಗಳಿಂದ ಹನುಮಂತರಾಜು ಬೇಸತ್ತಿದ್ದ ಎನ್ನಲಾಗಿದೆ. ಕಳೆದ 19ರಂದು ಹನುಮಂತರಾಜು, ಶಿರಾ ಬಳಿ ನಿಧಿ ಇದೆ, ಪೂಜೆ ಮಾಡೋಕೆ ಬಾ ಎಂದು ರಮೇಶನನ್ನು ಕರೆಸಿಕೊಂಡಿದ್ದನು. ಶಿರಾ ಮತ್ತು ಅಮರಾಪುರ ರಸ್ತೆಯ ನಿರ್ಜನ ಪ್ರದೇಶದಲ್ಲಿ ಈ ಭೀಕರ ಕೊಲೆ ನಡೆದಿದೆ. ಆರೋಪಿಗಳು ಮೊದಲು ದೊಣ್ಣೆಯಿಂದ ರಮೇಶನ ಮರ್ಮಾಂಗಕ್ಕೆ ಹೊಡೆದು, ನಂತರ ನಾಲ್ಕೈದು ಬಾರಿ ಕಾರು ಹತ್ತಿಸಿ ಮೃತಪಡಿಸಲು ಯತ್ನಿಸಿದ್ದಾರೆ. ಈ ಭೀಕರ ಹಲ್ಲೆಯ ನಂತರವೂ ರಮೇಶ್ ಜೀವಂತವಾಗಿದ್ದಾಗ, ಆರೋಪಿಗಳು ಬ್ಯಾಟರಿ ಜಂಪ್ ವೈಯರ್‌ನಿಂದ ಆತನ ಕುತ್ತಿಗೆ ಬಿಗಿದು ಕೊಲೆ ಮಾಡಿದ್ದಾರೆ. ಹತ್ಯೆಯ ನಂತರ, ಕೊಲೆ ನಡೆದ ಸ್ಥಳದಿಂದ ಸುಮಾರು ಏಳು ಕಿಲೋಮೀಟರ್‌ ದೂರದಲ್ಲಿ ಮೃತದೇಹವನ್ನು ಎಸೆದು, ರಸ್ತೆ ಬದಿಯಲ್ಲಿ ಬೈಕ್ ಬೀಳಿಸಿ, ಇದು ಅಪಘಾತ ಎಂದು ನಂಬಿಸಲು ಯತ್ನಿಸಿದ್ದರು. ಘಟನಾ ಸ್ಥಳಕ್ಕೆ ಭೇಟಿ ನೀಡಿದ್ದ ಶಿರಾ ಡಿವೈಎಸ್ಪಿ ಶೇಖರ್ ಅವರಿಗೆ ಯಾವುದೇ ಬೈಕ್ ಅಪಘಾತಕ್ಕೆ ಸಾಕ್ಷ್ಯಗಳಿಲ್ಲದ ಕಾರಣ ಸಂಶಯ ಮೂಡಿತ್ತು. ಕೃತ್ಯ ನಡೆದ ಕೇವಲ 12 ಗಂಟೆಯೊಳಗೆ ಪಟ್ಟನಾಯಕನಹಳ್ಳಿ ಪೊಲೀಸರು ಈ ಪ್ರಕರಣವನ್ನು ಭೇದಿಸಿ, ನಾಲ್ವರು ಆರೋಪಿಗಳನ್ನು ಬಂಧಿಸಿದ್ದಾರೆ. ಲಕ್ಷ್ಮೀಕಾಂತ, ನವೀನ್ ಕುಮಾರ್, ಮತ್ತು ಎಂ.ಡಿ. ಜಿಲಾನ್ ಎಂಬುವವರನ್ನು ಪೊಲೀಸರು ಬಂಧಿಸಿದ್ದಾರೆ.

ಗಿರೀಶ್ B

Local News Reporter ತುಮಕೂರು, ತುಮಕೂರು, ಕರ್ನಾಟಕ•

19 hrs ago

ತುಮಕೂರಿನಲ್ಲಿ ಎಲ್‌ಐಸಿ ವಿಮಾ ಹಣಕ್ಕಾಗಿ ಅಣ್ಣನೇ ತನ್ನ ಸ್ವಂತ ತಮ್ಮನನ್ನು ಬರ್ಬರವಾಗಿ ಕೊಲೆ ಮಾಡಿದ ಆಘಾತಕಾರಿ ಘಟನೆ ನಡೆದಿದೆ. ತಮ್ಮನ ಹೆಸರಿಗೆ ಎಲ್‌ಐಸಿ ಪಾಲಿಸಿ ಮಾಡಿಸಿ, ನಂತರ ಆತನನ್ನು ಕ್ರೂರವಾಗಿ ಹತ್ಯೆ ಮಾಡಲಾಗಿದೆ. ಆಂಧ್ರಪ್ರದೇಶದ ಸತ್ಯಸಾಯಿ ಜಿಲ್ಲೆಯ ಮಡಕಶಿರಾ ತಾಲ್ಲೂಕಿನ ನಿದ್ರಗಟ್ಟ ಗ್ರಾಮದ ರಮೇಶ್ (35) ಹತ್ಯೆಯಾದ ದುರ್ದೈವಿ ತಮ್ಮನಾಗಿದ್ದು, ಹನುಮಂತರಾಜು ಎಂಬಾತ ಈ ಪಾಪಿ ಕೃತ್ಯವೆಸಗಿದ ಅಣ್ಣ. ಹನುಮಂತರಾಜು ತಮ್ಮನ ಹತ್ಯೆ ಮಾಡಿ ಅದನ್ನು ಬೈಕ್ ಅಪಘಾತ ಎಂದು ಬಿಂಬಿಸಲು ಯತ್ನಿಸಿದ್ದನು. ತಮ್ಮನ ಹೆಸರಿನಲ್ಲಿ 15 ಲಕ್ಷ ರೂಪಾಯಿ ಮೌಲ್ಯದ ಪಾಲಿಸಿ ಮಾಡಿಸಿದ್ದ ಹನುಮಂತರಾಜು, ಅಪಘಾತವಾದರೆ ಡಬಲ್ ಹಣ ಪಡೆಯುವ 'ಮಾಸ್ಟರ್ ಪ್ಲಾನ್' ಹೊಂದಿದ್ದನು. ಈ ಕೃತ್ಯಕ್ಕೆ ಎರಡು ವರ್ಷದ ಹಿಂದೆಯೇ 85 ಸಾವಿರ ರೂಪಾಯಿ ಪ್ರೀಮಿಯಂ ಕಟ್ಟಿ, ಕೊಲೆಗೆ ಸ್ಕೆಚ್ ಹಾಕಿಕೊಂಡಿದ್ದ ಎನ್ನಲಾಗಿದೆ. ಇಷ್ಟೇ ಅಲ್ಲದೆ, ಮೃತ ರಮೇಶ್ ಬ್ಲಾಕ್ ಮ್ಯಾಜಿಕ್ ತಂತ್ರ ವಿದ್ಯೆಗಳಲ್ಲಿ ತೊಡಗಿದ್ದನು ಮತ್ತು ಆತನ ಮಾಟ ಮಂತ್ರಗಳಿಂದ ಹನುಮಂತರಾಜು ಬೇಸತ್ತಿದ್ದ ಎನ್ನಲಾಗಿದೆ. ಕಳೆದ 19ರಂದು ಹನುಮಂತರಾಜು, ಶಿರಾ ಬಳಿ ನಿಧಿ ಇದೆ, ಪೂಜೆ ಮಾಡೋಕೆ ಬಾ ಎಂದು ರಮೇಶನನ್ನು ಕರೆಸಿಕೊಂಡಿದ್ದನು. ಶಿರಾ ಮತ್ತು ಅಮರಾಪುರ ರಸ್ತೆಯ ನಿರ್ಜನ ಪ್ರದೇಶದಲ್ಲಿ ಈ ಭೀಕರ ಕೊಲೆ ನಡೆದಿದೆ. ಆರೋಪಿಗಳು ಮೊದಲು ದೊಣ್ಣೆಯಿಂದ ರಮೇಶನ ಮರ್ಮಾಂಗಕ್ಕೆ ಹೊಡೆದು, ನಂತರ ನಾಲ್ಕೈದು ಬಾರಿ ಕಾರು ಹತ್ತಿಸಿ ಮೃತಪಡಿಸಲು ಯತ್ನಿಸಿದ್ದಾರೆ. ಈ ಭೀಕರ ಹಲ್ಲೆಯ ನಂತರವೂ ರಮೇಶ್ ಜೀವಂತವಾಗಿದ್ದಾಗ, ಆರೋಪಿಗಳು ಬ್ಯಾಟರಿ ಜಂಪ್ ವೈಯರ್‌ನಿಂದ ಆತನ ಕುತ್ತಿಗೆ ಬಿಗಿದು ಕೊಲೆ ಮಾಡಿದ್ದಾರೆ. ಹತ್ಯೆಯ ನಂತರ, ಕೊಲೆ ನಡೆದ ಸ್ಥಳದಿಂದ ಸುಮಾರು ಏಳು ಕಿಲೋಮೀಟರ್‌ ದೂರದಲ್ಲಿ ಮೃತದೇಹವನ್ನು ಎಸೆದು, ರಸ್ತೆ ಬದಿಯಲ್ಲಿ ಬೈಕ್ ಬೀಳಿಸಿ, ಇದು ಅಪಘಾತ ಎಂದು ನಂಬಿಸಲು ಯತ್ನಿಸಿದ್ದರು. ಘಟನಾ ಸ್ಥಳಕ್ಕೆ ಭೇಟಿ ನೀಡಿದ್ದ ಶಿರಾ ಡಿವೈಎಸ್ಪಿ ಶೇಖರ್ ಅವರಿಗೆ ಯಾವುದೇ ಬೈಕ್ ಅಪಘಾತಕ್ಕೆ ಸಾಕ್ಷ್ಯಗಳಿಲ್ಲದ ಕಾರಣ ಸಂಶಯ ಮೂಡಿತ್ತು. ಕೃತ್ಯ ನಡೆದ ಕೇವಲ 12 ಗಂಟೆಯೊಳಗೆ ಪಟ್ಟನಾಯಕನಹಳ್ಳಿ ಪೊಲೀಸರು ಈ ಪ್ರಕರಣವನ್ನು ಭೇದಿಸಿ, ನಾಲ್ವರು ಆರೋಪಿಗಳನ್ನು ಬಂಧಿಸಿದ್ದಾರೆ. ಲಕ್ಷ್ಮೀಕಾಂತ, ನವೀನ್ ಕುಮಾರ್, ಮತ್ತು ಎಂ.ಡಿ. ಜಿಲಾನ್ ಎಂಬುವವರನ್ನು ಪೊಲೀಸರು ಬಂಧಿಸಿದ್ದಾರೆ.