कल्याण-डोंबिवली महानगरपालिकेच्या शास्त्रीनगर रुग्णालयात डॉक्टरांवर झालेल्या मारहाणीच्या प्रकरणामुळे संपूर्ण राज्यातून तीव्र संताप व्यक्त केला जात आहे. शिवसेनेचे नगरसेवक रमेश म्हात्रे यांनी रुग्णालयातील डॉक्टरांशी हुज्जत घालत महिला डॉक्टर डॉ. सृष्टी बाविस्कर यांच्यासह इतर डॉक्टरांना शिवीगाळ व मारहाण केल्याचा आरोप आहे. या धक्कादायक घटनेमुळे वैद्यकीय क्षेत्रासह विविध सामाजिक आणि राजकीय स्तरातून तीव्र संताप व्यक्त होत असून डॉक्टरांच्या सुरक्षेचा प्रश्न पुन्हा एकदा ऐरणीवर आला आहे. या हल्ल्यामुळे पीडित महिला डॉक्टर डॉ. सृष्टी बाविस्कर यांना गंभीर मानसिक धक्का बसला असून त्या अद्याप कामावर रुजू झालेल्या नाहीत. घटनेनंतर त्या अजूनही झोपेतून दचकून जागी होतात आणि 'ते आम्हाला मारतात' असे ओरडतात, अशी माहिती त्यांच्या वडिलांनी दिली आहे. लोकप्रतिनिधींनी जनतेची सेवा करण्याऐवजी डॉक्टरांवर हात उचलणे ही अत्यंत दुर्दैवी बाब असल्याचे सांगत त्यांनी रुग्णालयातील सुरक्षारक्षकांच्या भूमिकेवर सवाल उपस्थित केला आहे. तसेच आरोपी रमेश म्हात्रे हे सत्ताधारी पक्षाशी संबंधित असल्यामुळे त्यांना अटक होऊ नये म्हणून महापालिका प्रशासन आणि पोलिसांवर दबाव टाकण्यात आल्याचा गंभीर आरोपही त्यांच्या वडिलांनी केला आहे. दरम्यान, या प्रकरणातील आरोपी नगरसेवक रमेश म्हात्रे यांना आज न्यायालयात प्रत्यक्ष हजर केले जाणार आहे. न्यायालयाने त्यांची व्हिडिओ कॉन्फरन्सद्वारे सुनावणी घेण्याची मागणी करणारी याचिका फेटाळून लावत त्यांना प्रत्यक्ष उपस्थित राहण्याचे आदेश दिले आहेत. या कृत्यामुळे संतप्त झालेल्या जनतेतून आणि वैद्यकीय क्षेत्रातून संबंधित लोकप्रतिनिधीवर कठोर कारवाई करून त्यांची पक्षातून हकालपट्टी करण्याची मागणी केली जात आहे.

आपले मानवाधिकार

Psychologist वाडा, पालघर, महाराष्ट्र•

2 hrs ago

कल्याण-डोंबिवली महानगरपालिकेच्या शास्त्रीनगर रुग्णालयात डॉक्टरांवर झालेल्या मारहाणीच्या प्रकरणामुळे संपूर्ण राज्यातून तीव्र संताप व्यक्त केला जात आहे. शिवसेनेचे नगरसेवक रमेश म्हात्रे यांनी रुग्णालयातील डॉक्टरांशी हुज्जत घालत महिला डॉक्टर डॉ. सृष्टी बाविस्कर यांच्यासह इतर डॉक्टरांना शिवीगाळ व मारहाण केल्याचा आरोप आहे. या धक्कादायक घटनेमुळे वैद्यकीय क्षेत्रासह विविध सामाजिक आणि राजकीय स्तरातून तीव्र संताप व्यक्त होत असून डॉक्टरांच्या सुरक्षेचा प्रश्न पुन्हा एकदा ऐरणीवर आला आहे. या हल्ल्यामुळे पीडित महिला डॉक्टर डॉ. सृष्टी बाविस्कर यांना गंभीर मानसिक धक्का बसला असून त्या अद्याप कामावर रुजू झालेल्या नाहीत. घटनेनंतर त्या अजूनही झोपेतून दचकून जागी होतात आणि 'ते आम्हाला मारतात' असे ओरडतात, अशी माहिती त्यांच्या वडिलांनी दिली आहे. लोकप्रतिनिधींनी जनतेची सेवा करण्याऐवजी डॉक्टरांवर हात उचलणे ही अत्यंत दुर्दैवी बाब असल्याचे सांगत त्यांनी रुग्णालयातील सुरक्षारक्षकांच्या भूमिकेवर सवाल उपस्थित केला आहे. तसेच आरोपी रमेश म्हात्रे हे सत्ताधारी पक्षाशी संबंधित असल्यामुळे त्यांना अटक होऊ नये म्हणून महापालिका प्रशासन आणि पोलिसांवर दबाव टाकण्यात आल्याचा गंभीर आरोपही त्यांच्या वडिलांनी केला आहे. दरम्यान, या प्रकरणातील आरोपी नगरसेवक रमेश म्हात्रे यांना आज न्यायालयात प्रत्यक्ष हजर केले जाणार आहे. न्यायालयाने त्यांची व्हिडिओ कॉन्फरन्सद्वारे सुनावणी घेण्याची मागणी करणारी याचिका फेटाळून लावत त्यांना प्रत्यक्ष उपस्थित राहण्याचे आदेश दिले आहेत. या कृत्यामुळे संतप्त झालेल्या जनतेतून आणि वैद्यकीय क्षेत्रातून संबंधित लोकप्रतिनिधीवर कठोर कारवाई करून त्यांची पक्षातून हकालपट्टी करण्याची मागणी केली जात आहे.