भीषण रेल्वे अपघात : दोन ट्रेनच्या धडकेत ५ जणांचा जागीच मृत्यू भीषण रेल्वे अपघात : दोन ट्रेनच्या धडकेत ५ जणांचा जागीच मृत्यू उत्तर प्रदेशातील प्रयागराज येथे १५ एप्रिल बुधवारी संध्याकाळी घडलेल्या भीषण रेल्वे अपघातात पाच जणांचा जागीच दुर्दैवी मृत्यू झाला. या घटनेमुळे परिसरात मोठी खळबळ उडाली असून रेल्वे प्रशासनाने तातडीने तपास सुरू केला आहे. मिळालेल्या माहितीनुसार, प्रयागराजच्या यमुनानगर झोनमधील करछना परिसरातील पचदेवरा हाल्टजवळ हा अपघात घडला. सायंकाळी सुमारे सव्वा सहाच्या दरम्यान १२३१२ क्रमांकाच्या ट्रेनच्या गार्ड आणि लोको पायलटला रुळावर एक मृतदेह दिसल्याने त्यांनी तात्काळ ट्रेन थांबवून रेल्वे पोलिसांना माहिती दिली. दरम्यान, त्याच रुळावरून काही वेळातच धावणाऱ्या ‘पुरुषोत्तम एक्सप्रेस’च्या धडकेत आणखी चार जणांचा जागीच मृत्यू झाला. अपघात इतका भीषण होता की मृतदेह दूरवर फेकले गेले असून काहींचे तुकडे झाल्याचेही समोर आले आहे. घटनेची माहिती मिळताच जीआरपी आणि स्थानिक पोलिसांनी घटनास्थळी धाव घेतली. सर्व मृतदेह ताब्यात घेऊन शवविच्छेदनासाठी रुग्णालयात पाठवण्यात आले आहेत. मृतांची ओळख पटवण्याचे काम सुरू असून प्राथमिक माहितीनुसार काही मृत व्यक्ती फिरोजाबाद जिल्ह्यातील असल्याचे सांगितले जात आहे. या दुर्घटनेबाबत उत्तर प्रदेशचे मुख्यमंत्री योगी आदित्यनाथ यांनी तीव्र दुःख व्यक्त केले असून मृतांच्या कुटुंबियांना मदत करण्याच्या सूचना प्रशासनाला दिल्या आहेत. या अपघाताचे नेमके कारण अद्याप स्पष्ट झाले नसून रेल्वे प्रशासन व पोलिसांकडून सखोल तपास सुरू आहे.

पत्रकार ओमप्रकाश उढाण

घनसावंगी, जालना, महाराष्ट्र•

8 hrs ago

भीषण रेल्वे अपघात : दोन ट्रेनच्या धडकेत ५ जणांचा जागीच मृत्यू भीषण रेल्वे अपघात : दोन ट्रेनच्या धडकेत ५ जणांचा जागीच मृत्यू उत्तर प्रदेशातील प्रयागराज येथे १५ एप्रिल बुधवारी संध्याकाळी घडलेल्या भीषण रेल्वे अपघातात पाच जणांचा जागीच दुर्दैवी मृत्यू झाला. या घटनेमुळे परिसरात मोठी खळबळ उडाली असून रेल्वे प्रशासनाने तातडीने तपास सुरू केला आहे. मिळालेल्या माहितीनुसार, प्रयागराजच्या यमुनानगर झोनमधील करछना परिसरातील पचदेवरा हाल्टजवळ हा अपघात घडला. सायंकाळी सुमारे सव्वा सहाच्या दरम्यान १२३१२ क्रमांकाच्या ट्रेनच्या गार्ड आणि लोको पायलटला रुळावर एक मृतदेह दिसल्याने त्यांनी तात्काळ ट्रेन थांबवून रेल्वे पोलिसांना माहिती दिली. दरम्यान, त्याच रुळावरून काही वेळातच धावणाऱ्या ‘पुरुषोत्तम एक्सप्रेस’च्या धडकेत आणखी चार जणांचा जागीच मृत्यू झाला. अपघात इतका भीषण होता की मृतदेह दूरवर फेकले गेले असून काहींचे तुकडे झाल्याचेही समोर आले आहे. घटनेची माहिती मिळताच जीआरपी आणि स्थानिक पोलिसांनी घटनास्थळी धाव घेतली. सर्व मृतदेह ताब्यात घेऊन शवविच्छेदनासाठी रुग्णालयात पाठवण्यात आले आहेत. मृतांची ओळख पटवण्याचे काम सुरू असून प्राथमिक माहितीनुसार काही मृत व्यक्ती फिरोजाबाद जिल्ह्यातील असल्याचे सांगितले जात आहे. या दुर्घटनेबाबत उत्तर प्रदेशचे मुख्यमंत्री योगी आदित्यनाथ यांनी तीव्र दुःख व्यक्त केले असून मृतांच्या कुटुंबियांना मदत करण्याच्या सूचना प्रशासनाला दिल्या आहेत. या अपघाताचे नेमके कारण अद्याप स्पष्ट झाले नसून रेल्वे प्रशासन व पोलिसांकडून सखोल तपास सुरू आहे.