ચોમાસાની ઋતુ શરૂ થતાં જ પલસાણા અને બારડોલી પંથકમાં તસ્કરો સક્રિય બન્યા છે. બારડોલીના નિણત તેમજ પલસાણા તાલુકાના અમલસાડી ગામ સહિત આસપાસના વિસ્તારોમાં ખેતરોને નિશાન બનાવીને સોલાર વોટર સિસ્ટમના ઇન્વર્ટર, બેટરી અને કિંમતી વાયરોની ચોરીની ઘટનાઓ સતત વધી રહી છે. આ ચોરીની ઘટનાઓ વચ્ચે પલસાણાના અમલસાડી ગામના બ્લોક નંબર 106માં આવેલા ખેતરમાંથી સોલાર સિસ્ટમનું ઇન્વર્ટર ચોરી થઈ ગયું છે, જે અંગે ભોગ બનનાર ખેડૂતે પલસાણા પોલીસ મથકે ફરિયાદ નોંધાવી છે. સ્થાનિક ખેડૂતોના જણાવ્યા અનુસાર, અગાઉ પણ અહીંના અનેક ખેતરોમાંથી વીજતાર અને મોટરના વાયરોની ચોરી થઈ ચૂકી છે. તસ્કરો સામાન્ય રીતે વરસાદી માહોલ અને રાત્રિના અંધકારનો લાભ લઈને ખેતીની આવી કિંમતી સામગ્રીને નિશાન બનાવી રહ્યા છે. વાવણીના અત્યંત મહત્વના સમયે જ આવી ચોરીઓની ઘટનાઓ સામે આવતા સ્થાનિક ખેડૂતોમાં ભારે ચિંતા અને રોષનો માહોલ જોવા મળી રહ્યો છે. આ ગંભીર પરિસ્થિતિને ધ્યાને રાખીને ખેડૂતોએ પોલીસ સમક્ષ રાત્રિ પેટ્રોલિંગ વધારવાની અને ચોર ટોળકીને વહેલી તકે ઝડપી પાડીને તેમની સામે કડક કાર્યવાહી કરવાની માંગ કરી છે.

રમેશ ખંભાતી

Photographer બારડોલી, સુરત, ગુજરાત•

6 hrs ago

ચોમાસાની ઋતુ શરૂ થતાં જ પલસાણા અને બારડોલી પંથકમાં તસ્કરો સક્રિય બન્યા છે. બારડોલીના નિણત તેમજ પલસાણા તાલુકાના અમલસાડી ગામ સહિત આસપાસના વિસ્તારોમાં ખેતરોને નિશાન બનાવીને સોલાર વોટર સિસ્ટમના ઇન્વર્ટર, બેટરી અને કિંમતી વાયરોની ચોરીની ઘટનાઓ સતત વધી રહી છે. આ ચોરીની ઘટનાઓ વચ્ચે પલસાણાના અમલસાડી ગામના બ્લોક નંબર 106માં આવેલા ખેતરમાંથી સોલાર સિસ્ટમનું ઇન્વર્ટર ચોરી થઈ ગયું છે, જે અંગે ભોગ બનનાર ખેડૂતે પલસાણા પોલીસ મથકે ફરિયાદ નોંધાવી છે. સ્થાનિક ખેડૂતોના જણાવ્યા અનુસાર, અગાઉ પણ અહીંના અનેક ખેતરોમાંથી વીજતાર અને મોટરના વાયરોની ચોરી થઈ ચૂકી છે. તસ્કરો સામાન્ય રીતે વરસાદી માહોલ અને રાત્રિના અંધકારનો લાભ લઈને ખેતીની આવી કિંમતી સામગ્રીને નિશાન બનાવી રહ્યા છે. વાવણીના અત્યંત મહત્વના સમયે જ આવી ચોરીઓની ઘટનાઓ સામે આવતા સ્થાનિક ખેડૂતોમાં ભારે ચિંતા અને રોષનો માહોલ જોવા મળી રહ્યો છે. આ ગંભીર પરિસ્થિતિને ધ્યાને રાખીને ખેડૂતોએ પોલીસ સમક્ષ રાત્રિ પેટ્રોલિંગ વધારવાની અને ચોર ટોળકીને વહેલી તકે ઝડપી પાડીને તેમની સામે કડક કાર્યવાહી કરવાની માંગ કરી છે.