रंगपंचमी निमित्त लातूर पोलिसांचा कडक बंदोबस्त, त्यामुळे सण शांततेत साजरा पोलिसांचा रंगपंचमी सणानिमित्त चोख बंदोबस्त मुळे सण शांततेत व उत्साहात पार. लातूर (प्रतिनिधी) शहर व जिल्ह्यात दिनांक 8 मार्च 2026 रोजी रंगपंचमीचा सण मोठ्या उत्साहात, आनंदात व जल्लोषात साजरा करण्यात आला. सणाच्या पार्श्वभूमीवर कायदा व सुव्यवस्था अबाधित राखणे, कोणताही अनुचित प्रकार घडू न देणे तसेच नागरिकांना सुरक्षित वातावरणात सण साजरा करता यावा या उद्देशाने पोलीस अधीक्षक अमोल तांबे यांच्या आदेशान्वये व मार्गदर्शनाखाली लातूर जिल्हा पोलिसांकडून अत्यंत काटेकोर, नियोजनबद्ध व व्यापक पोलीस बंदोबस्त तैनात करण्यात आला होता. रंगपंचमीच्या दिवशी लातूर शहरातील प्रमुख चौक, बाजारपेठा, सार्वजनिक ठिकाणे, धार्मिक स्थळे, संवेदनशील परिसर तसेच मोठ्या प्रमाणात गर्दी होणाऱ्या भागांमध्ये विशेष पोलीस बंदोबस्त ठेवण्यात आला होता. या बंदोबस्तामध्ये पायी गस्त, मोटारसायकल पेट्रोलिंग, मोबाईल पेट्रोलिंग पथके, फिक्स पॉईंट बंदोबस्त तसेच तातडीच्या परिस्थितीसाठी विशेष पथके तैनात करण्यात आली होती. शहरातील विविध भागात पोलीस अधिकारी व कर्मचारी सातत्याने गस्त घालत होते. सणाच्या दिवशी वरिष्ठ पोलीस अधिकारी स्वतः शहरातील विविध भागांना भेट देऊन बंदोबस्ताची पाहणी करत होते. बंदोबस्तावर तैनात असलेल्या अधिकारी व अमलदारांना प्रयत्न वेळोवेळी आवश्यक त्या सूचना देण्यात येत होत्या. परिणामी संपूर्ण शहरात पोलिसांची प्रभावी उपस्थिती जाणवत होती व नागरिकांमध्ये सुरक्षिततेची भावना निर्माण झाली होती. लातूर पोलिसांच्या सतर्कता, प्रभावी नियोजन, सातत्यपूर्ण गस्त व तत्पर कार्यवाहीमुळे रंगपंचमीचा सण कोणताही गंभीर अनुचित प्रकार न घडता शांततेत, सुरक्षिततेत व आनंददायी वातावरणात पार पडला. नागरिकांनीही संयम राखत व कायद्याचे पालन करत सण साजरा केल्यामुळे शहरातील सामाजिक सलोखा व शांतता कायम राहिली. तथापि, काही अति उत्साही व्यक्तींनी कायद्याचे उल्लंघन केल्याचे निदर्शनास आले. अशा प्रकारांना आळा घालण्यासाठी लातूर पोलिसांकडून तात्काळ कारवाई करण्यात आली असून संबंधितांविरुद्ध कायदेशीर गुन्हे दाखल करण्यात आले आहेत. सदर कारवाईमध्ये दहशत निर्माण करण्याच्या उद्देशाने घातक हत्यार बाळगणाऱ्या एका व्यक्तीविरुद्ध गुन्हा दाखल करण्यात आला आहे. अवैध दारू विक्रीप्रकरणी लातूर जिल्ह्यात एकूण 15 गुन्हे दाखल करण्यात आले आहेत. मद्यप्राशन करून वाहन चालवणाऱ्या 2 वाहनचालकांविरुद्ध मोटार वाहन कायद्यान्वये कारवाई करण्यात आली आहे. विनापरवाना डॉल्बी साऊंड सिस्टीम लावून ध्वनी प्रदूषण करणाऱ्या 01 व्यक्तीविरुद्ध गुन्हा दाखल करण्यात आला आहे. याशिवाय वाहतूक नियंत्रण शाखा, लातूर यांच्याकडूनही विशेष वाहतूक मोहीम राबविण्यात आली. या मोहिमेमध्ये वाहतूक नियमांचे उल्लंघन करणाऱ्या वाहनचालकांवर ई-चलान प्रणालीद्वारे कठोर कारवाई करण्यात आली. या कारवाईमध्ये पुढीलप्रमाणे दंडात्मक कार्यवाही करण्यात आली  नियमबाह्य व बेशिस्त पार्किंग करणाऱ्या दुचाकी व चारचाकी वाहनांवर तसेच ऑटोरिक्षामध्ये अनधिकृत टेप, स्पीकर व एलईडी लाईट लावून सार्वजनिक रस्त्यावर अडथळा निर्माण करणाऱ्या वाहनांवर एकूण 176 कारवाया करून रु. 1,87,600/- इतका दंड आकारण्यात आला. बुलेट मोटारसायकलच्या सायलेन्सरमधून मोठा आवाज (फटाका) काढणाऱ्या वाहनांवर 03 कारवाया करून रु. 3,000/- दंड आकारण्यात आला. अनधिकृतपणे मॉडिफाय केलेले सायलेन्सर बसवून आवाज करणाऱ्या 12 बुलेट मोटारसायकलचे सायलेन्सर काढण्यात आले. ट्रिपल सीट दुचाकी चालवणाऱ्या वाहनचालकांवर 52 कारवाया करून रु. 52,000/- दंड आकारण्यात आला. ऑटोरिक्षा चालकांवर नियमभंगाबाबत 07 कारवाया करून रु. 6,650/- दंड आकारण्यात आला. लातूर जिल्हा पोलिसांनी सणाच्या पार्श्वभूमीवर केलेल्या चोख बंदोबस्त, प्रभावी गस्त, वाहतूक नियंत्रण व तत्पर कारवाईमुळे शहरात शांतता व सुव्यवस्था अबाधित राखण्यात यश आले आहे. रंगपंचमीचा सण शांततेत व उत्साहात पार पडण्यासाठी लातूर शहरातील नागरिक, युवक मंडळे, सामाजिक संस्था, व्यापारी संघटना तसेच माध्यम प्रतिनिधी यांनी दिलेल्या सहकार्याबद्दल लातूर जिल्हा पोलीस दलातर्फे मनःपूर्वक आभार व्यक्त करण्यात येत आहेत. तसेच भविष्यातही सर्व नागरिकांनी कायद्याचे पालन करून सण-उत्सव सामाजिक सलोखा, बंधुभाव व शांतता कायम राखत साजरे करावेत, असे आवाहन लातूर जिल्हा पोलीस दलातर्फे करण्यात येत आहे.

Laxman Ugile

उदगीर, लातूर, महाराष्ट्र•

19 hrs ago

रंगपंचमी निमित्त लातूर पोलिसांचा कडक बंदोबस्त, त्यामुळे सण शांततेत साजरा पोलिसांचा रंगपंचमी सणानिमित्त चोख बंदोबस्त मुळे सण शांततेत व उत्साहात पार. लातूर (प्रतिनिधी) शहर व जिल्ह्यात दिनांक 8 मार्च 2026 रोजी रंगपंचमीचा सण मोठ्या उत्साहात, आनंदात व जल्लोषात साजरा करण्यात आला. सणाच्या पार्श्वभूमीवर कायदा व सुव्यवस्था अबाधित राखणे, कोणताही अनुचित प्रकार घडू न देणे तसेच नागरिकांना सुरक्षित वातावरणात सण साजरा करता यावा या उद्देशाने पोलीस अधीक्षक अमोल तांबे यांच्या आदेशान्वये व मार्गदर्शनाखाली लातूर जिल्हा पोलिसांकडून अत्यंत काटेकोर, नियोजनबद्ध व व्यापक पोलीस बंदोबस्त तैनात करण्यात आला होता. रंगपंचमीच्या दिवशी लातूर शहरातील प्रमुख चौक, बाजारपेठा, सार्वजनिक ठिकाणे, धार्मिक स्थळे, संवेदनशील परिसर तसेच मोठ्या प्रमाणात गर्दी होणाऱ्या भागांमध्ये विशेष पोलीस बंदोबस्त ठेवण्यात आला होता. या बंदोबस्तामध्ये पायी गस्त, मोटारसायकल पेट्रोलिंग, मोबाईल पेट्रोलिंग पथके, फिक्स पॉईंट बंदोबस्त तसेच तातडीच्या परिस्थितीसाठी विशेष पथके तैनात करण्यात आली होती. शहरातील विविध भागात पोलीस अधिकारी व कर्मचारी सातत्याने गस्त घालत होते. सणाच्या दिवशी वरिष्ठ पोलीस अधिकारी स्वतः शहरातील विविध भागांना भेट देऊन बंदोबस्ताची पाहणी करत होते. बंदोबस्तावर तैनात असलेल्या अधिकारी व अमलदारांना प्रयत्न वेळोवेळी आवश्यक त्या सूचना देण्यात येत होत्या. परिणामी संपूर्ण शहरात पोलिसांची प्रभावी उपस्थिती जाणवत होती व नागरिकांमध्ये सुरक्षिततेची भावना निर्माण झाली होती. लातूर पोलिसांच्या सतर्कता, प्रभावी नियोजन, सातत्यपूर्ण गस्त व तत्पर कार्यवाहीमुळे रंगपंचमीचा सण कोणताही गंभीर अनुचित प्रकार न घडता शांततेत, सुरक्षिततेत व आनंददायी वातावरणात पार पडला. नागरिकांनीही संयम राखत व कायद्याचे पालन करत सण साजरा केल्यामुळे शहरातील सामाजिक सलोखा व शांतता कायम राहिली. तथापि, काही अति उत्साही व्यक्तींनी कायद्याचे उल्लंघन केल्याचे निदर्शनास आले. अशा प्रकारांना आळा घालण्यासाठी लातूर पोलिसांकडून तात्काळ कारवाई करण्यात आली असून संबंधितांविरुद्ध कायदेशीर गुन्हे दाखल करण्यात आले आहेत. सदर कारवाईमध्ये दहशत निर्माण करण्याच्या उद्देशाने घातक हत्यार बाळगणाऱ्या एका व्यक्तीविरुद्ध गुन्हा दाखल करण्यात आला आहे. अवैध दारू विक्रीप्रकरणी लातूर जिल्ह्यात एकूण 15 गुन्हे दाखल करण्यात आले आहेत. मद्यप्राशन करून वाहन चालवणाऱ्या 2 वाहनचालकांविरुद्ध मोटार वाहन कायद्यान्वये कारवाई करण्यात आली आहे. विनापरवाना डॉल्बी साऊंड सिस्टीम लावून ध्वनी प्रदूषण करणाऱ्या 01 व्यक्तीविरुद्ध गुन्हा दाखल करण्यात आला आहे. याशिवाय वाहतूक नियंत्रण शाखा, लातूर यांच्याकडूनही विशेष वाहतूक मोहीम राबविण्यात आली. या मोहिमेमध्ये वाहतूक नियमांचे उल्लंघन करणाऱ्या वाहनचालकांवर ई-चलान प्रणालीद्वारे कठोर कारवाई करण्यात आली. या कारवाईमध्ये पुढीलप्रमाणे दंडात्मक कार्यवाही करण्यात आली  नियमबाह्य व बेशिस्त पार्किंग करणाऱ्या दुचाकी व चारचाकी वाहनांवर तसेच ऑटोरिक्षामध्ये अनधिकृत टेप, स्पीकर व एलईडी लाईट लावून सार्वजनिक रस्त्यावर अडथळा निर्माण करणाऱ्या वाहनांवर एकूण 176 कारवाया करून रु. 1,87,600/- इतका दंड आकारण्यात आला. बुलेट मोटारसायकलच्या सायलेन्सरमधून मोठा आवाज (फटाका) काढणाऱ्या वाहनांवर 03 कारवाया करून रु. 3,000/- दंड आकारण्यात आला. अनधिकृतपणे मॉडिफाय केलेले सायलेन्सर बसवून आवाज करणाऱ्या 12 बुलेट मोटारसायकलचे सायलेन्सर काढण्यात आले. ट्रिपल सीट दुचाकी चालवणाऱ्या वाहनचालकांवर 52 कारवाया करून रु. 52,000/- दंड आकारण्यात आला. ऑटोरिक्षा चालकांवर नियमभंगाबाबत 07 कारवाया करून रु. 6,650/- दंड आकारण्यात आला. लातूर जिल्हा पोलिसांनी सणाच्या पार्श्वभूमीवर केलेल्या चोख बंदोबस्त, प्रभावी गस्त, वाहतूक नियंत्रण व तत्पर कारवाईमुळे शहरात शांतता व सुव्यवस्था अबाधित राखण्यात यश आले आहे. रंगपंचमीचा सण शांततेत व उत्साहात पार पडण्यासाठी लातूर शहरातील नागरिक, युवक मंडळे, सामाजिक संस्था, व्यापारी संघटना तसेच माध्यम प्रतिनिधी यांनी दिलेल्या सहकार्याबद्दल लातूर जिल्हा पोलीस दलातर्फे मनःपूर्वक आभार व्यक्त करण्यात येत आहेत. तसेच भविष्यातही सर्व नागरिकांनी कायद्याचे पालन करून सण-उत्सव सामाजिक सलोखा, बंधुभाव व शांतता कायम राखत साजरे करावेत, असे आवाहन लातूर जिल्हा पोलीस दलातर्फे करण्यात येत आहे.