অসম জাতীয়তাবাদী যুৱ-ছাত্ৰ পৰিষদে এইবাৰ চৰকাৰৰ যোগান বিভাগৰ চৰম ব্যৰ্থতাৰ বিৰুদ্ধে ৰাজপথলৈ ওলাই আহি প্ৰতিবাদ সাব্যস্ত কৰিছে।

কেৱল এজাক বৰষুণতে পানী জমা হোৱাৰ ফলত সাধাৰণ লোকসকলৰ বাবে যথেষ্ট অসুবিধাৰ সৃষ্টি হৈছে।

গহপুৰৰ পথাৰৰ এক বিশেষ দৃশ্যই এক শক্তিশালী বাৰ্তা প্ৰেৰণ কৰিছে। এই দৃশ্য কেৱল কৃষিকার্যৰ নহয়, বৰং ই নাৰীশক্তিৰ জাগৰণ, আত্মবিশ্বাসৰ জয়গান আৰু গ্ৰাম্য অৰ্থনীতিত পৰিৱৰ্তনৰ এক অনুপ্ৰেৰণাদায়ক কাহিনী দাঙি ধৰিছে।

ঐতিহ্যমণ্ডিত শিৱসাগৰ চহৰত পুনৰ শিৱসাগৰ আৰক্ষীয়ে এক সফল ড্ৰাগছ বিৰোধী অভিযান চলাই বৃহৎ সাফল্য লাভ কৰিছে। নগৰ উপ-পৰিদৰ্শক দেৱাশীষ শৰ্মাৰ নেতৃত্বত চলা এই বিশেষ অভিযানত আৰক্ষীয়ে শিৱসাগৰ জেঙনিকটীয়া পুলিচ ৰিজাৰ্ভৰ সমীপৰ পৰা ৮ টাকৈ ড্ৰাগছ ভৰ্তি কন্টেইনাৰ জব্দ কৰিবলৈ সক্ষম হয়। এই ঘটনাৰ ফলত বৰ্তমান সমগ্ৰ অঞ্চলটোত তীব্ৰ চাঞ্চল্যৰ সৃষ্টি হৈছে। আৰক্ষীয়ে ড্ৰাগছখিনি সৰবৰাহ কৰাৰ অভিযোগত নগাঁৱৰ হানিফ আলি নামৰ এজন সন্দেহজনক যুৱকক আটক কৰিছে, যি বৰ্তমান শিৱসাগৰত ভাৰাতীয়া হিচাপে বাস কৰি আছিল। অভিযানকালত যুৱকজনৰ জিম্মাৰ পৰা ড্ৰাগছখিনিৰ লগতে ব্যৱহৃত এ এছ ০৪ এ ডি ১২০৮ (AS 04 AD 1208) নম্বৰৰ এখন এনটৰ্ক স্কুটীও জব্দ কৰা হয়। উল্লেখ্য যে, কালিৰ দিনটোতো শিৱসাগৰ আৰক্ষীয়ে আন এক তীব্ৰ অভিযান চলাই এখন বিলাসী বাহনৰ পৰা ড্ৰাগছ উদ্ধাৰ কৰাৰ লগতে জাহিদ হুছেইন আৰু ৱাচিম হুছেইন নামৰ দুজন যুৱকক আটক কৰিছিল। মাত্ৰ ২৪ ঘণ্টাৰ ভিতৰত শিৱসাগৰ চহৰত এনেদৰে দুটাকৈ ডাঙৰ ড্ৰাগছ উদ্ধাৰৰ ঘটনাই চহৰখন ড্ৰাগছৰ ঘাটিলৈ পৰিণত হৈছে নেকি, তাকলৈ বৰ্তমান সচেতন মহলৰ লগতে স্থানীয় অভিভাৱকসকলক গভীৰভাৱে চিন্তিত কৰি তুলিছে।

আজি গহপুৰৰ বুৰৈঘাটস্থিত শ্ৰীমন্ত শংকৰদেৱ একাডেমীত এক আড়ম্বৰপূৰ্ণ নৱাগত আদৰণি সভা আৰু সম্বৰ্ধনা অনুষ্ঠান অনুষ্ঠিত হয়। এই অনুষ্ঠানত নতুনকৈ ভৰ্তি হোৱা ছাত্ৰ-ছাত্ৰীসকলক আন্তৰিক আদৰণি জনোৱাৰ লগতে ২০২৬ বৰ্ষৰ হাইস্কুল শিক্ষান্ত আৰু উচ্চতৰ মাধ্যমিক পৰীক্ষাত কৃতিত্ব অৰ্জন কৰা ছাত্ৰ-ছাত্ৰীসকলক সম্বৰ্ধনা জ্ঞাপন কৰা হয়।

আজি বিশ্ব শিশু শ্ৰমিক বিৰোধী দিৱসৰ দিনা চৰাইদেউ জিলাত অভিযান চলাই ১০জন শিশু শ্ৰমিকক উদ্ধাৰ কৰা হৈছে। জিলাখনৰ সোণাৰি, নামতোলা আৰু মথুৰাপুৰ অঞ্চলত চৰাইদেউ জিলাৰ ট্ৰাস্ক ফৰ্চ টিমে এই অভিযান চলায়। চৰকাৰে শিশুসকলৰ বাবে বিনামূলীয়া শিক্ষাৰ ব্যৱস্থা কৰাৰ পাছতো বহু শিশু এতিয়াও শিশু শ্ৰমিক হিচাপে নিয়োজিত হৈ আছে। আজিৰ অভিযানত সোণাৰি আৰু নামতোলাৰ পৰা ৪জন শিশুক উদ্ধাৰ কৰাৰ লগতে মথুৰাপুৰৰ ৰাজা হোটেল, জেপি হোটেল আৰু যাদৱ হোটেলৰ পৰা ৬জন শিশুক হাতে-লোতে উদ্ধাৰ কৰা হয়। উদ্ধাৰ হোৱা শিশুসকলক জিলাৰ শিশু কল্যাণ সমিতিত হাজিৰ কৰোৱা হ'ব আৰু শিশু শ্ৰমিক নিয়োগ কৰা মালিক পক্ষৰ বিৰুদ্ধে আইনী ব্যৱস্থা গ্ৰহণ কৰা হ'ব।

বিশ্বনাথ জিলাৰ গহপুৰত গোৰ্খা উন্নয়ন পৰিষদৰ উদ্যোগত একাধিক উন্নয়নমূলক কাৰ্যসূচী ৰূপায়ণ কৰা হৈছে। এই অনুষ্ঠানৰ মাজতে বীৰ শ্বহীদ নিৰজ ছেত্ৰীলৈও শ্ৰদ্ধাঞ্জলি জ্ঞাপন কৰা হয়।

যোৰহাটৰ ৰৰৈয়াত এক ভয়ংকৰ বিমান দুৰ্ঘটনা সংঘটিত হৈছে, য'ত বায়ুসেনাৰ এখন AN-32 কাৰ্গো বিমান অৱতৰণৰ পিছতেই বিস্ফোৰিত হয়। এই শোকাবহ দুৰ্ঘটনাত দুজন পাইলটসহ মুঠ পাঁচজন বিমানসেনা জোৱান শ্বহীদ হয়। শ্বহীদ হোৱা লোকসকল হৈছে স্কোৱাড্ৰন লিডাৰ প্ৰশান্ত সিং, ফ্লাইট লেফটেনেণ্ট শুভম কুমাৰ, চাৰ্জেণ্ট জীতেন্দ্ৰ সিং, অগ্নিবীৰবায়ু খেমাৰাম কুমাৱট আৰু অগ্নিবীৰবায়ু ডেনিছ আলম।