যোৰহাটৰ ৰৰৈয়াত এক ভয়ংকৰ বিমান দুৰ্ঘটনা সংঘটিত হৈছে, য'ত বায়ুসেনাৰ এখন AN-32 কাৰ্গো বিমান অৱতৰণৰ পিছতেই বিস্ফোৰিত হয়। এই শোকাবহ দুৰ্ঘটনাত দুজন পাইলটসহ মুঠ পাঁচজন বিমানসেনা জোৱান শ্বহীদ হয়। শ্বহীদ হোৱা লোকসকল হৈছে স্কোৱাড্ৰন লিডাৰ প্ৰশান্ত সিং, ফ্লাইট লেফটেনেণ্ট শুভম কুমাৰ, চাৰ্জেণ্ট জীতেন্দ্ৰ সিং, অগ্নিবীৰবায়ু খেমাৰাম কুমাৱট আৰু অগ্নিবীৰবায়ু ডেনিছ আলম।

আজি পুৱাৰে পৰা প্ৰশাসনে লালুক দৈনিক বজাৰত জে চি বি (JCB) লগাই এক উচ্ছেদ অভিযান চলাইছে। এই অভিযানৰ ফলত বজাৰখনত থকা অবৈধ নিৰ্মাণসমূহ আঁতৰোৱা হৈছে। ৰঙানদী সমষ্টিৰ বিধায়ক ঋষিৰাজ হাজৰিকাৰ উপস্থিতিত এই উচ্ছেদ অভিযান চলি আছে। এই কাৰ্যসূচীত লালুকৰ স্থানীয় যুৱকসকলেও বিধায়কগৰাকীক সম্পূৰ্ণ সহযোগিতা আগবঢ়াইছে।

bgzhshshebbj gsgg2g3f

অহা ২২ জুনৰ পৰা আৰম্ভ হ'বলগীয়া মহাঅম্বুবাচী মেলাৰ প্ৰতি লক্ষ্য ৰাখি বিশিষ্ট জ্যোতিষী ড০ নয়নজ্যোতি শৰ্মাই এক আহ্বান জনাইছে।

লখিমপুৰ জিলাৰ কণানদীত এগৰাকী মহিলাক অৰ্ধ উলংগ কৰা ঘটনাটোক লৈ লখিমপুৰ জিলা মহিলা কংগ্ৰেছে তীব্ৰ প্ৰতিক্ৰিয়া ব্যক্ত কৰিছে। এই সন্দৰ্ভত দলটোৰ কৰ্মীসকলে চাউলধোৱা আৰক্ষী চকীত উপস্থিত হৈ ঘটনাটোৰ ওপৰত নিজৰ বক্তব্য দাঙি ধৰে।

বিশ্বনাথৰ মধুপুৰত অৱস্থিত ‘লাইভ ৱেল’ নিচা মুক্তি কেন্দ্ৰৰ পৰা শাৰীৰিক আৰু মানসিক অত্যাচাৰ সহিব নোৱাৰি পলায়ন কৰা বিশ্বনাথৰ গড়েহাগী গাঁৱৰ পাপু বৰা নামৰ এজন যুৱক ৭ জুনৰ পৰা এতিয়াও সন্ধানহীন হৈ আছে। পৰিয়ালবৰ্গই পলায়নৰ দিনাৰে পৰা তেওঁৰ কোনো শুংসূত্ৰ লাভ কৰা নাই। উল্লেখ্য যে, কিছুদিন পূৰ্বে কেন্দ্ৰটোত চলি থকা অমানৱীয় অত্যাচাৰৰ বিৰুদ্ধে প্ৰতিবাদ জনাই প্ৰায় ৩৪ জনতকৈ অধিক চিকিৎসাধীন যুৱকে কেন্দ্ৰৰ দুৱাৰৰ চিটকানি ভাঙি পলায়ন কৰিবলৈ বাধ্য হৈছিল। এই ঘটনাৰ পিছত আৰক্ষীয়ে অভিযান চলাই বহুকেইজন যুৱকক উদ্ধাৰ কৰি অভিভাৱকৰ হাতত গতাই দিছিল। কিন্তু পলায়ন কৰা যুৱকসকলৰ মাজৰ পাপু বৰা সেই দিনাৰ পৰাই নিৰুদ্দেশ হৈ আছে। উদ্বিগ্ন পৰিয়ালটোৱে যোৱা ৭ জুন তাৰিখে বিশ্বনাথ চাৰিআলি সদৰ থানাত এই সন্দৰ্ভত এক এজাহাৰ দাখিল কৰিছিল। ইফালে, আজি পুনৰ পাপু বৰাৰ পৰিয়ালবৰ্গই আৰক্ষীৰ কাষ চাপিছে। দীৰ্ঘদিন ধৰি পুত্ৰৰ কোনো খবৰ নোপোৱাত হতাশ হৈ পৰা পৰিয়ালটোৱে যুৱকজনক শীঘ্ৰে উদ্ধাৰ কৰিবলৈ আৰক্ষীক কাতৰ অনুৰোধ জনাইছে। কোনো লোকে যুৱকজনৰ সম্ভেদ লাভ কৰিলে 9365200291 আৰু 6000020635 নম্বৰত যোগাযোগ কৰিবলৈ অনুৰোধ জনোৱা হৈছে।

ৰঙানদীৰ বিধায়কগৰাকীয়ে লালুক মাছ বজাৰ সন্দৰ্ভত কি মন্তব্য আগবঢ়াইছে, সেই বিষয়ে জানিবলৈ বিচৰা হৈছে।

ঐতিহাসিক গৌৰীসাগৰ বৰপুখুৰী বৰ্তমান চৰম অস্তিত্বৰ সংকটত ভুগিছে, যি গৌৰৱময় ইতিহাসৰ অন্যতম অনন্য চানেকি। প্ৰায় ৪০০ বিঘা মাটিত খন্দাই উলিওৱা আৰু তিনিটাকৈ ৰজাদিনীয়া ঐতিহাসিক দ’ল সম্বলিত এই ঐতিহ্যমণ্ডিত পুখুৰীটো সংৰক্ষণৰ অভাৱত এতিয়া এক ডাষ্টবিনতহে পৰিণত হৈছে। দেশী-বিদেশী পৰ্যটকৰ অন্যতম আকৰ্ষণৰ কেন্দ্ৰবিন্দু এই বৰপুখুৰীটো সম্পূৰ্ণৰূপে মেটেকা, কচু আৰু ঘাঁহ-বনেৰে আগুৰি ধৰি এক শোচনীয় ৰূপ ধাৰণ কৰিছে। এই শোচনীয় পৰিস্থিতিৰ বাবে শিৱসাগৰৰ বিধায়ক আৰু কেন্দ্ৰীয় পুৰাতত্ত্ব বিভাগক তীব্ৰ সমালোচনা কৰি কোৱা হৈছে যে তেওঁলোক যেন কুম্ভকৰ্ণ নিদ্ৰাত মগ্ন হৈ আছে।

লখিমপুৰ জিলাৰ ৰূপহী ৰাজগড়ত অনুষ্ঠিত হোৱা ভাওনা প্ৰদৰ্শনত কণমাণিসকলৰ অভিনয়ে দৰ্শকসকলক বিশেষভাৱে মুগ্ধ কৰিবলৈ সক্ষম হয়।

শৈক্ষিক নগৰী হিচাপে খ্যাত যোৰহাট চহৰত পুনৰ এক লজ্জাজনক তথা ঘৃণনীয় ঘটনা পোহৰলৈ আহিছে, য'ত এখন বিলাসী হোটেলত দীৰ্ঘদিন ধৰি চলি থকা নাৰী দেহৰ বৃহৎ ব্যৱসায় আৰক্ষীয়ে উৎখাত কৰিছে। আৰক্ষীৰ এই সফলতাই সমগ্ৰ অঞ্চলটোতে তীব্ৰ চাঞ্চল্যৰ সৃষ্টি কৰিছে। জানিব পৰা মতে, যোৰহাটৰ এখন বিখ্যাত হোটেলত এই অনৈতিক কাৰ্য চলি আছিল। এক গোপন সূত্ৰৰ পম খেদি যোৰহাট আৰক্ষীৰ এটা দলে যোৱা মাজনিশা হোটেলখনত এক আকস্মিক অভিযান চলায়। এই অভিযানকালত আৰক্ষীয়ে হোটেলখনৰ বিভিন্ন কোঠাৰ পৰা অনৈতিক কাৰ্যত লিপ্ত থকা অৱস্থাতে ১৫ গৰাকী যুৱক-যুৱতীক আটক কৰিবলৈ সক্ষম হয়। ইয়াৰ উপৰিও, অভিযানকাৰী দলটোৱে কোঠাসমূহৰ পৰা বুজন পৰিমাণৰ আপত্তিজনক সামগ্ৰীও উদ্ধাৰ কৰে। স্থানীয় সূত্ৰই সদৰী কৰা অনুসৰি, পেগু উপাধিৰ এগৰাকী মহিলাৰ নেতৃত্বত এই বিলাসী হোটেলখনত সুপৰিকল্পিতভাৱে দীৰ্ঘদিনৰ পৰা নাৰী দেহৰ এই ৰমৰমীয়া ব্যৱসায়টো পৰিচালিত হৈ আছিল। আৰক্ষীয়ে বৰ্তমান আটক কৰা আটাইকেইগৰাকী যুৱক-যুৱতীক অধিকোধিক সোধা-পোছা অব্যাহত ৰাখিছে আৰু এই ঘটনাৰ সৈতে হোটেল কৰ্তৃপক্ষ অথবা অন্য কোনো প্ৰভাৱশালী চক্ৰ জড়িত আছে নেকি, সেই সন্দৰ্ভত এক গভীৰ তদন্ত আৰম্ভ কৰিছে।