நத்தம் அருகே மதுக்கடையை மூடக்கோரி 5 நாட்கள் மக்கள் போராட்டம் எதிரொலி எஸ்.குரும்பபட்டி டாஸ்மாக் கடைக்கு அதிகாரிகள் சீல் திண்டுக்கல் மாவட்டம், சாணார்பட்டி அருகே செங்குறிச்சியை அடுத்த எஸ்.குரும்பபட்டியில் கடந்த சில ஆண்டுகளாக இயங்கி வந்த அரசு டாஸ்மாக் மதுபானக் கடையை மூடக்கோரி, தமிழர் தேசம் கட்சியினர் மற்றும் சுற்றுவட்டார கிராம பொதுமக்கள் இணைந்து கடந்த 5 நாட்களாக தொடர் போராட்டத்தில் ஈடுபட்டு வந்தனர். இந்த மதுக்கடையால் அருகிலுள்ள திருமலைக்கேணி முருகன் கோவில், அரசு ஆரம்ப சுகாதார நிலையம் மற்றும் குடியிருப்புப் பகுதிகளுக்கு பாதிப்பு ஏற்படுவதாகவும், மதுபிரியர்களால் சமூக விரோத செயல்கள் மற்றும் அடிக்கடி விபத்துகள் நடைபெறுவதாகவும் குற்றம்சாட்டி கடையை மூட வலியுறுத்தி போராட்டம் நடைபெற்றது. இந்நிலையில், இன்று காலை போராட்டம் நடைபெற்ற பகுதியில் 100-க்கும் மேற்பட்ட போலீசார் குவிக்கப்பட்டனர். தொடர்ந்து, திண்டுக்கல் கிழக்கு வட்டாட்சியர் பானு லட்சுமி தலைமையில் டாஸ்மாக் அதிகாரிகள் மற்றும் மாவட்ட காவல் கண்காணிப்பாளர் ஜெயக்குமார் ஆகியோர் போராட்டக்காரர்களுடன் பேச்சுவார்த்தை நடத்தினர். பேச்சுவார்த்தையின் முடிவில், சம்பந்தப்பட்ட மதுபானக் கடை இனி செயல்படாது என அதிகாரிகள் எழுத்துப்பூர்வமாக உறுதியளித்தனர். இதையடுத்து, கடை பூட்டப்பட்டு சீல் வைக்கப்பட்டது. இதனால் மகிழ்ச்சியடைந்த போராட்டக்காரர்கள் போராட்டத்தைக் கைவிட்டு கலைந்து சென்றனர். இந்தப் போராட்டத்தில் தமிழர் தேசம் கட்சித் தலைவர் செல்லக்குமார், தலைமை ஒருங்கிணைப்பாளர் குருமணிகண்டன், மாநில அமைப்புச் செயலாளர் மகுடேஷ்வரன், மாவட்டச் செயலாளர் பிரபு மற்றும் நிர்வாகிகள் ஆண்டிச்சாமி, பெரியகருப்பன் உள்ளிட்ட 100-க்கும் மேற்பட்ட பொதுமக்கள் கலந்து கொண்டனர்.

திண்டுக்கல் செய்திகள்

திண்டுக்கல் கிழக்கு, திண்டுக்கல், தமிழ்நாடு•

22 hrs ago

நத்தம் அருகே மதுக்கடையை மூடக்கோரி 5 நாட்கள் மக்கள் போராட்டம் எதிரொலி எஸ்.குரும்பபட்டி டாஸ்மாக் கடைக்கு அதிகாரிகள் சீல் திண்டுக்கல் மாவட்டம், சாணார்பட்டி அருகே செங்குறிச்சியை அடுத்த எஸ்.குரும்பபட்டியில் கடந்த சில ஆண்டுகளாக இயங்கி வந்த அரசு டாஸ்மாக் மதுபானக் கடையை மூடக்கோரி, தமிழர் தேசம் கட்சியினர் மற்றும் சுற்றுவட்டார கிராம பொதுமக்கள் இணைந்து கடந்த 5 நாட்களாக தொடர் போராட்டத்தில் ஈடுபட்டு வந்தனர். இந்த மதுக்கடையால் அருகிலுள்ள திருமலைக்கேணி முருகன் கோவில், அரசு ஆரம்ப சுகாதார நிலையம் மற்றும் குடியிருப்புப் பகுதிகளுக்கு பாதிப்பு ஏற்படுவதாகவும், மதுபிரியர்களால் சமூக விரோத செயல்கள் மற்றும் அடிக்கடி விபத்துகள் நடைபெறுவதாகவும் குற்றம்சாட்டி கடையை மூட வலியுறுத்தி போராட்டம் நடைபெற்றது. இந்நிலையில், இன்று காலை போராட்டம் நடைபெற்ற பகுதியில் 100-க்கும் மேற்பட்ட போலீசார் குவிக்கப்பட்டனர். தொடர்ந்து, திண்டுக்கல் கிழக்கு வட்டாட்சியர் பானு லட்சுமி தலைமையில் டாஸ்மாக் அதிகாரிகள் மற்றும் மாவட்ட காவல் கண்காணிப்பாளர் ஜெயக்குமார் ஆகியோர் போராட்டக்காரர்களுடன் பேச்சுவார்த்தை நடத்தினர். பேச்சுவார்த்தையின் முடிவில், சம்பந்தப்பட்ட மதுபானக் கடை இனி செயல்படாது என அதிகாரிகள் எழுத்துப்பூர்வமாக உறுதியளித்தனர். இதையடுத்து, கடை பூட்டப்பட்டு சீல் வைக்கப்பட்டது. இதனால் மகிழ்ச்சியடைந்த போராட்டக்காரர்கள் போராட்டத்தைக் கைவிட்டு கலைந்து சென்றனர். இந்தப் போராட்டத்தில் தமிழர் தேசம் கட்சித் தலைவர் செல்லக்குமார், தலைமை ஒருங்கிணைப்பாளர் குருமணிகண்டன், மாநில அமைப்புச் செயலாளர் மகுடேஷ்வரன், மாவட்டச் செயலாளர் பிரபு மற்றும் நிர்வாகிகள் ஆண்டிச்சாமி, பெரியகருப்பன் உள்ளிட்ட 100-க்கும் மேற்பட்ட பொதுமக்கள் கலந்து கொண்டனர்.