राहुरी फॅक्टरी परिसर आणि आजूबाजूच्या गावांमध्ये तसेच वाड्या-वस्त्यांवर गेल्या तीन दिवसांपासून रात्रीच्या वेळी पुन्हा एकदा ५ ते ६ अज्ञात ड्रोनच्या घिरट्या सुरू झाल्या आहेत. यामुळे नागरिकांमध्ये भीतीचे वातावरण निर्माण झाले असून, हे ड्रोन नेमके कोण उडवत आहे याबाबत स्पष्ट माहिती मिळत नसल्याने संभ्रम वाढला आहे. रात्रीच्या वेळी संशयास्पद ड्रोन ज्या परिसरांमध्ये फिरत असल्याचे समोर आले आहे त्यात राहुरी फॅक्टरी, देवळाली प्रवरा, गणेगाव, ताहाराबाद, चिंचविहीरे, केसापूर, आंबी, कणगर, वडनेर, गुहा आणि गडदेआखाडा यांचा समावेश आहे. याच संदर्भात, शुक्रवारी रात्री नऊ वाजण्याच्या सुमारास चिंचविहीरे येथे ड्रोन आकाशात उडत असताना, पाच ते सहा संशयित तरुण चोरीच्या उद्देशाने थांबल्याचे ग्रामस्थांच्या निदर्शनास आले. गावकऱ्यांनी त्यांचा पाठलाग करत वन विभागाच्या रस्त्याने श्री छत्रपती शिवाजी विद्यालय परिसरापर्यंत धाव घेतली, मात्र संशयित अंधाराचा फायदा घेऊन पसार झाले. या घटनेनंतर नागरिकांनी पोलिसांना माहिती दिली, ज्यानंतर पोलिस उपनिरीक्षक राजेंद्र लवांडे आणि पोलिस कॉन्स्टेबल शेख यांनी घटनास्थळी त्वरित धाव घेत पाहणी केली. पोलिसांनी नागरिकांकडून माहिती घेऊन परिसराची तपासणी केली असून, ड्रोन नेमके कोण उडवत आहे याचा शोध घेण्याचे काम सुरू असल्याचे सांगितले आहे. दरम्यान, राहुरीचे तहसीलदार डॉ. अमित पवार यांनी रात्रीच्या वेळी ड्रोन उडवण्यासाठी कोणालाही परवानगी दिलेली नसल्याचे स्पष्ट केले असून, विनापरवाना ड्रोन उडवणाऱ्यांची चौकशी करण्याचे आदेश पोलिस प्रशासनाला दिले आहेत. हे ड्रोन कोणाचे आहेत, कोणत्या कारणांसाठी उडवले जात आहेत आणि त्यामागे नेमका काय उद्देश आहे, याबाबत अद्याप कोणतीही अधिकृत माहिती समोर आलेली नाही.

पत्रकार जालिंदर आल्हाट

Rahuri, Ahmednagar•

3 hrs ago

राहुरी फॅक्टरी परिसर आणि आजूबाजूच्या गावांमध्ये तसेच वाड्या-वस्त्यांवर गेल्या तीन दिवसांपासून रात्रीच्या वेळी पुन्हा एकदा ५ ते ६ अज्ञात ड्रोनच्या घिरट्या सुरू झाल्या आहेत. यामुळे नागरिकांमध्ये भीतीचे वातावरण निर्माण झाले असून, हे ड्रोन नेमके कोण उडवत आहे याबाबत स्पष्ट माहिती मिळत नसल्याने संभ्रम वाढला आहे. रात्रीच्या वेळी संशयास्पद ड्रोन ज्या परिसरांमध्ये फिरत असल्याचे समोर आले आहे त्यात राहुरी फॅक्टरी, देवळाली प्रवरा, गणेगाव, ताहाराबाद, चिंचविहीरे, केसापूर, आंबी, कणगर, वडनेर, गुहा आणि गडदेआखाडा यांचा समावेश आहे. याच संदर्भात, शुक्रवारी रात्री नऊ वाजण्याच्या सुमारास चिंचविहीरे येथे ड्रोन आकाशात उडत असताना, पाच ते सहा संशयित तरुण चोरीच्या उद्देशाने थांबल्याचे ग्रामस्थांच्या निदर्शनास आले. गावकऱ्यांनी त्यांचा पाठलाग करत वन विभागाच्या रस्त्याने श्री छत्रपती शिवाजी विद्यालय परिसरापर्यंत धाव घेतली, मात्र संशयित अंधाराचा फायदा घेऊन पसार झाले. या घटनेनंतर नागरिकांनी पोलिसांना माहिती दिली, ज्यानंतर पोलिस उपनिरीक्षक राजेंद्र लवांडे आणि पोलिस कॉन्स्टेबल शेख यांनी घटनास्थळी त्वरित धाव घेत पाहणी केली. पोलिसांनी नागरिकांकडून माहिती घेऊन परिसराची तपासणी केली असून, ड्रोन नेमके कोण उडवत आहे याचा शोध घेण्याचे काम सुरू असल्याचे सांगितले आहे. दरम्यान, राहुरीचे तहसीलदार डॉ. अमित पवार यांनी रात्रीच्या वेळी ड्रोन उडवण्यासाठी कोणालाही परवानगी दिलेली नसल्याचे स्पष्ट केले असून, विनापरवाना ड्रोन उडवणाऱ्यांची चौकशी करण्याचे आदेश पोलिस प्रशासनाला दिले आहेत. हे ड्रोन कोणाचे आहेत, कोणत्या कारणांसाठी उडवले जात आहेत आणि त्यामागे नेमका काय उद्देश आहे, याबाबत अद्याप कोणतीही अधिकृत माहिती समोर आलेली नाही.