છોટાઉદેપુર જિલ્લાના બોડેલી તાલુકામાં પેટ્રોલ પંપ પર લાંબી લાઈનો લાગી રહી છે. આ અંગે જિલ્લા પુરવઠા અધિકારીએ મહત્વનો સંદેશ જારી કર્યો છે.

છોટાઉદેપુરના મોટી સઢલી ગામે લગ્ન પ્રસંગે યુવતી સાથે વાત કરવા બદલ 18 વર્ષના યુવકની નિર્મમ હત્યા કરવામાં આવી. પોલીસે ગણતરીના કલાકોમાં જ આ ગુનાનો ભેદ ઉકેલી ચાર સગીર સહિત છ આરોપીઓની ધરપકડ કરી લીધી છે.

પંચમહાલના હાલોલ તાલુકાના મોટી ઉભરવણ ગામે નજીવી બાબતે પુત્રએ પિતાને લાકડાના ફટકા મારી હત્યા કરી. નશાની હાલતમાં થયેલી બોલાચાલી ઝઘડામાં પરિણમી, જેમાં પિતા રમણભાઈનું ઘટનાસ્થળે જ મોત નીપજ્યું. પોલીસે આરોપી પુત્ર કિરણની ધરપકડ કરી કાયદેસરની કાર્યવાહી હાથ ધરી છે.

મેઘરજ તાલુકાના ભારત સી.એન.જી પેટ્રોલિયમ પંપ પર કર્મચારીઓ ગેસ ભરવા અંગે પૂછપરછ કરતા ગ્રાહકો સાથે માથાકૂટ કરે છે. ગ્રાહકોનો આરોપ છે કે સામાન્ય સવાલ પર પણ કર્મચારીઓ ગેરવર્તન કરે છે, જેનાથી તેઓ પરેશાન છે.

પંચમહાલ જિલ્લાના કાલોલ તાલુકા પંચાયત કચેરીમાં લાખોના ખર્ચે મુકાયેલા વોટર કુલર કાળઝાળ ગરમીમાં પણ બિનકાર્યક્ષમ હાલતમાં પડ્યા છે. શુદ્ધ અને ઠંડા પાણીની વ્યવસ્થા ન હોવાને કારણે અંતરિયાળ ગામડાઓમાંથી આવતા અરજદારોને ભારે હાલાકી ભોગવવી પડી રહી છે. સ્થાનિક લોકોએ વહીવટી તંત્રની બેદરકારી સામે રોષ વ્યક્ત કરીને તાત્કાલિક કુલરનું સમારકામ કરવાની માંગ કરી છે.

વડોદરાના ફતેહગંજ વિસ્તારમાં પાર્ક કરેલી એક કારમાં અચાનક આગ લાગી હતી. આગને કાબૂમાં લેવા માટે સ્થાનિક લોકોએ તાત્કાલિક પ્રયાસો કર્યા હતા.

જંબુસર તાલુકાના કહાનવા ગામે પીવાના પાણીની લાઇન લીકેજ થતાં ગામની ભાગોળે પાણીનો મોટો વેડફાટ થઈ રહ્યો છે. આને કારણે સ્થાનિકોને પીવાના પાણીની સમસ્યાનો સામનો કરવો પડી રહ્યો છે, અને તંત્રની બેદરકારી પર સવાલો ઉભા થયા છે.

ગુજરાતમાં મનરેગા યોજના હેઠળ કામ કરતા કર્મચારીઓને છેલ્લા પાંચ મહિનાથી પગાર ન મળતા તેઓએ અનોખો વિરોધ શરૂ કર્યો છે. પંચમહાલ જિલ્લાના કાલોલ તાલુકાના આ કર્મચારીઓએ હવે ઓફિસ કે ફિલ્ડમાં જવાને બદલે 'ઘરેથી કામ' કરવાનો નિર્ણય લીધો છે, કારણ કે પગાર વિના ઘર ચલાવવું મુશ્કેલ બન્યું છે. વારંવારની ખાતરીઓ છતાં પગાર ન મળતા, કર્મચારીઓએ ઉચ્ચ અધિકારીઓને રજૂઆત કરી તાત્કાલિક પગાર ચૂકવવાની ભલામણ કરી છે.

G LIVE NEWSના પ્રસારણથી પંચમહાલ જિલ્લામાં ક્ષત્રિય સમાજની ગુમ થયેલી દીકરી પરિવારને પરત મળી છે. દીકરીના ભાઈએ ચેનલનો આભાર વ્યક્ત કર્યો, જેનાથી પરિવારમાં ખુશીનો માહોલ છવાઈ ગયો.

પાદરાના વિશ્રામપુરા ગામે બે સાઉન્ડ સિસ્ટમ વચ્ચેની ટક્કરમાં ઉગ્ર માહોલ સર્જાયો હતો. આ દરમિયાન એક DJ માલિકે '302 કલમ લાગે તો પણ ફરક ન પડે' તેવી ઉશ્કેરણીજનક ટિપ્પણી કરી. હવે જોવું રહ્યું કે પાદરા પોલીસ આ મામલે કાયદાનો પાઠ ભણાવશે કે નહીં.