आधारवड चॅरिटेबल ट्रस्टमध्ये वैष्णव मेडिकल व चॅरिटेबल ट्रस्टचे सेवाकार्य कल्याण पश्चिम येथील आधारवड चॅरिटेबल ट्रस्टमध्ये बुधवार, २६ ऑगस्ट २०२६ रोजी वैष्णव मेडिकल व चॅरिटेबल ट्रस्टच्या वतीने सेवाकॅम्प आयोजित करण्यात आला. आधारवड चॅरिटेबल ट्रस्टच्या आश्रमात सुमारे ५० ते ७० मुले वास्तव्यास असून, या मुलांच्या गरजा लक्षात घेऊन विविध जीवनावश्यक साहित्याचे वाटप करण्यात आले. या सेवाकार्यात मुलांसाठी आवश्यक असलेले शालोपयोगी साहित्य, जीवनावश्यक वस्तू, खेळण्याचे साहित्य, अन्नधान्य तसेच इतर आवश्यक सामान उपलब्ध करून देण्यात आले. त्याचबरोबर मुलांच्या आरोग्याची काळजी घेत आवश्यक औषधे, टॉनिक आणि प्रोटीन पावडरही देण्यात आली. या सेवाकार्यासाठी वैष्णव मेडिकल व चॅरिटेबल ट्रस्टचे विश्वस्त श्री. प्रभाकर कोंबेकर (नाना) आणि श्री. अशोक आहेर उपस्थित होते. आवश्यक साहित्य गोळा करण्यासाठी श्री. धर्मेंद्र पांडे आणि घोरपडे काका यांनी विशेष सहकार्य केले. तसेच संतोष नलावडे आणि श्री. महाजन यांनीही सेवाकार्यात मोलाची मदत केली. यावेळी डॉ. मोरे यांनी संस्थेच्या पदाधिकाऱ्यांना औषधांचा योग्य वापर तसेच मुलांच्या आरोग्याची काळजी घेण्याबाबत महत्त्वपूर्ण सूचना व मार्गदर्शन केले. सर्वांच्या सहकार्यामुळे हे सेवाकार्य उत्साहपूर्ण वातावरणात यशस्वीरीत्या पार पडले. समाजातील गरजू घटकांसाठी अशा प्रकारचे सेवाकार्य सातत्याने सुरू ठेवण्याचा संकल्प यावेळी व्यक्त करण्यात आला. या सेवाकार्यात प्रत्यक्ष व अप्रत्यक्षपणे सहकार्य करणाऱ्या सर्व हितचिंतक, देणगीदार, कार्यकर्ते आणि सहकाऱ्यांचे वैष्णव मेडिकल व चॅरिटेबल ट्रस्टच्या वतीने मनःपूर्वक आभार मानण्यात आले. त्यांच्या सहकार्यामुळेच समाजोपयोगी सेवाकार्य करण्याची प्रेरणा आणि संधी मिळत असल्याचे ट्रस्टच्या वतीने सांगण्यात आले.

लोक हिंद चॅनल

Journalist शहापूर, ठाणे, महाराष्ट्र•

1 hr ago

आधारवड चॅरिटेबल ट्रस्टमध्ये वैष्णव मेडिकल व चॅरिटेबल ट्रस्टचे सेवाकार्य कल्याण पश्चिम येथील आधारवड चॅरिटेबल ट्रस्टमध्ये बुधवार, २६ ऑगस्ट २०२६ रोजी वैष्णव मेडिकल व चॅरिटेबल ट्रस्टच्या वतीने सेवाकॅम्प आयोजित करण्यात आला. आधारवड चॅरिटेबल ट्रस्टच्या आश्रमात सुमारे ५० ते ७० मुले वास्तव्यास असून, या मुलांच्या गरजा लक्षात घेऊन विविध जीवनावश्यक साहित्याचे वाटप करण्यात आले. या सेवाकार्यात मुलांसाठी आवश्यक असलेले शालोपयोगी साहित्य, जीवनावश्यक वस्तू, खेळण्याचे साहित्य, अन्नधान्य तसेच इतर आवश्यक सामान उपलब्ध करून देण्यात आले. त्याचबरोबर मुलांच्या आरोग्याची काळजी घेत आवश्यक औषधे, टॉनिक आणि प्रोटीन पावडरही देण्यात आली. या सेवाकार्यासाठी वैष्णव मेडिकल व चॅरिटेबल ट्रस्टचे विश्वस्त श्री. प्रभाकर कोंबेकर (नाना) आणि श्री. अशोक आहेर उपस्थित होते. आवश्यक साहित्य गोळा करण्यासाठी श्री. धर्मेंद्र पांडे आणि घोरपडे काका यांनी विशेष सहकार्य केले. तसेच संतोष नलावडे आणि श्री. महाजन यांनीही सेवाकार्यात मोलाची मदत केली. यावेळी डॉ. मोरे यांनी संस्थेच्या पदाधिकाऱ्यांना औषधांचा योग्य वापर तसेच मुलांच्या आरोग्याची काळजी घेण्याबाबत महत्त्वपूर्ण सूचना व मार्गदर्शन केले. सर्वांच्या सहकार्यामुळे हे सेवाकार्य उत्साहपूर्ण वातावरणात यशस्वीरीत्या पार पडले. समाजातील गरजू घटकांसाठी अशा प्रकारचे सेवाकार्य सातत्याने सुरू ठेवण्याचा संकल्प यावेळी व्यक्त करण्यात आला. या सेवाकार्यात प्रत्यक्ष व अप्रत्यक्षपणे सहकार्य करणाऱ्या सर्व हितचिंतक, देणगीदार, कार्यकर्ते आणि सहकाऱ्यांचे वैष्णव मेडिकल व चॅरिटेबल ट्रस्टच्या वतीने मनःपूर्वक आभार मानण्यात आले. त्यांच्या सहकार्यामुळेच समाजोपयोगी सेवाकार्य करण्याची प्रेरणा आणि संधी मिळत असल्याचे ट्रस्टच्या वतीने सांगण्यात आले.