సిద్దిపేట జిల్లాలోని గజ్వేల్ మండలం బంగ్లా వెంకటపూర్ గ్రామానికి చెందిన రిపోర్టర్ నర్సింలు రెండవ కుమార్తె రాగిని ఇటీవల ఆత్మహత్య చేసుకుని మరణించగా, ఆదివారం తెలంగాణ జర్నలిస్ట్ యూనియన్ (టీజేయూ) రాష్ట్ర ప్రధాన కార్యదర్శి బింగి స్వామి, ఉమ్మడి మెదక్ జిల్లా అధ్యక్షులు దేవులపల్లి ఎల్లయ్య నర్సింలును పరామర్శించారు. ఈ సందర్భంగా, టీజేయూ నేతలు నర్సింలు కుటుంబ సభ్యులకు ప్రగాఢ సానుభూతి తెలియజేశారు. చిన్నారి రాగిని మరణం ఎంతో బాధాకరమని పేర్కొన్న వారు, నర్సింలు కుటుంబ సభ్యులు ఆత్మస్థైర్యం కోల్పోవద్దని, వారికి మనోధైర్యాన్ని కల్పించారు. యువత సెల్ ఫోన్లకు బానిసలై చదువులను నిర్లక్ష్యం చేస్తున్నారని, క్షణికావేశంతో తమ ఉజ్వల భవిష్యత్తును మధ్యలోనే నాశనం చేసుకుంటూ ఎంతోమంది యువతీ యువకులు మరణిస్తున్నారని టీజేయూ నేతలు ఆవేదన వ్యక్తం చేశారు. తల్లిదండ్రులు ఎంతో అల్లారుముద్దుగా పెంచుకున్న పిల్లలు పెద్దవారై వారికి ఆసరాగా నిలవాల్సిన సమయంలో ఇలా అర్థాంతరంగా తనువు చాలించడం కన్నవారికి ఎంతో బాధ కలిగిస్తుందని అన్నారు. ఈ నేపథ్యంలో యువతీ యువకులు బాధ్యతాయుతంగా మెలగాలని వారు పిలుపునిచ్చారు.

Gousuddin Md

అంబర్‌పేట్, హైదరాబాద్, తెలంగాణ•

4 hrs ago

సిద్దిపేట జిల్లాలోని గజ్వేల్ మండలం బంగ్లా వెంకటపూర్ గ్రామానికి చెందిన రిపోర్టర్ నర్సింలు రెండవ కుమార్తె రాగిని ఇటీవల ఆత్మహత్య చేసుకుని మరణించగా, ఆదివారం తెలంగాణ జర్నలిస్ట్ యూనియన్ (టీజేయూ) రాష్ట్ర ప్రధాన కార్యదర్శి బింగి స్వామి, ఉమ్మడి మెదక్ జిల్లా అధ్యక్షులు దేవులపల్లి ఎల్లయ్య నర్సింలును పరామర్శించారు. ఈ సందర్భంగా, టీజేయూ నేతలు నర్సింలు కుటుంబ సభ్యులకు ప్రగాఢ సానుభూతి తెలియజేశారు. చిన్నారి రాగిని మరణం ఎంతో బాధాకరమని పేర్కొన్న వారు, నర్సింలు కుటుంబ సభ్యులు ఆత్మస్థైర్యం కోల్పోవద్దని, వారికి మనోధైర్యాన్ని కల్పించారు. యువత సెల్ ఫోన్లకు బానిసలై చదువులను నిర్లక్ష్యం చేస్తున్నారని, క్షణికావేశంతో తమ ఉజ్వల భవిష్యత్తును మధ్యలోనే నాశనం చేసుకుంటూ ఎంతోమంది యువతీ యువకులు మరణిస్తున్నారని టీజేయూ నేతలు ఆవేదన వ్యక్తం చేశారు. తల్లిదండ్రులు ఎంతో అల్లారుముద్దుగా పెంచుకున్న పిల్లలు పెద్దవారై వారికి ఆసరాగా నిలవాల్సిన సమయంలో ఇలా అర్థాంతరంగా తనువు చాలించడం కన్నవారికి ఎంతో బాధ కలిగిస్తుందని అన్నారు. ఈ నేపథ్యంలో యువతీ యువకులు బాధ్యతాయుతంగా మెలగాలని వారు పిలుపునిచ్చారు.