नांदेड जिल्ह्यात अनेक ठिकाणी पावसाने जोरदार हजेरी लावली आहे. जिल्ह्यातील विविध भागांत झालेल्या या पावसामुळे शेतकरी राजांना मोठा दिलासा मिळाला आहे.

नांदेड जिल्ह्यात अनेक ठिकाणी पावसाने जोरदार हजेरी लावली आहे. जिल्ह्यातील विविध भागांत झालेल्या या पावसामुळे शेतकरी राजांना मोठा दिलासा मिळाला आहे.

विशेष सखोल पुनरीक्षण (एसआयआर) कार्यक्रमांतर्गत मतदार यादी अचूक आणि अद्ययावत करण्यासाठी सहकार्य करण्याचे आवाहन संभाजीनगरचे विभागीय आयुक्त जी. श्रीकांत यांनी केले आहे. लोकशाही बळकट करण्यासाठी प्रत्येक पात्र मतदाराचा सहभाग अत्यंत महत्त्वाचा असून, सर्व नागरिकांनी स्वतःहून पुढाकार घेऊन आपली एसआयआर नोंदणी करून घ्यावी, असे त्यांनी म्हटले आहे. शिवकुमार काळे यांनी दिलेल्या माहितीनुसार, या मोहिमेदरम्यान मतदान केंद्रस्तरीय अधिकाऱ्यांना (बीएलओ) गणना फॉर्म अचूकपणे भरून देऊन सहकार्य करण्याचे आवाहन करण्यात आले आहे.

नांदेड येथील जिल्हाधिकारी कार्यालयासमोर सामाजिक वनीकरण विभागातील पात्र कामगारांना न्याय मिळावा या मागणीसाठी एक दिवसीय धरणे आंदोलन करण्यात आले. हे पात्र कामगार गेल्या एक ते दीड वर्षांपासून उपेक्षित असून त्यांच्यावर आता उपासमारीची वेळ आली आहे. या कामगारांना लवकरात लवकर न्याय मिळावा, अशी मागणी या आंदोलनाद्वारे करण्यात आली आहे।

नांदेड जिल्ह्यातील देगलूर शहरातील उदगीर रोड येथील राष्ट्रवादी काँग्रेस पार्टीच्या मध्यवर्ती कार्यालयात एका पत्रकार परिषदेचे आयोजन करण्यात आले होते. माजी मंत्री भास्करराव पाटील खतगावकर आणि लोहा-कंधार मतदारसंघाचे लोकप्रिय आमदार प्रतापराव पाटील चिखलीकर यांच्या नेतृत्वाखाली, स्वर्गवासी अजित दादा पवार यांच्या जयंतीनिमित्त २२ जुलै ते २८ जुलै २०२६ या कालावधीत विविध सामाजिक व जनहिताच्या कार्यक्रमांचे आयोजन करण्यात आले आहे. या कार्यक्रमांची माहिती देण्यासाठी २० जुलै २०२६ रोजी ही पत्रकार परिषद घेण्यात आली. ही पत्रकार परिषद राष्ट्रवादी काँग्रेस पार्टीचे नांदेड जिल्हा अध्यक्ष शिवराज पाटील होटाळकर यांच्या अध्यक्षतेखाली पार पडली. यावेळी पक्षाच्या विविध पदाधिकाऱ्यांनी आठवडाभर राबवण्यात येणाऱ्या विविध सामाजिक व जनहितोपयोगी कार्यक्रमांची सविस्तर माहिती दिली. तसेच, पक्षाच्या सर्व कार्यकर्त्यांनी या उपक्रमांमध्ये मोठ्या संख्येने सहभागी व्हावे, असे आवाहन यावेळी करण्यात आले. याप्रसंगी राष्ट्रवादी काँग्रेस पार्टीचे प्रदेश उपाध्यक्ष व्यंकटराव पाटील गोजेगावकर यांच्यासह लक्ष्मीकांत पदमवार सावकार, मधुकर नारलावार, नंदकिशोर शाखावार, देवेंद्र मोतेवार सावकार, व्यंकटराव कांबळे, प्रा. उत्तम कुमार कांबळे, अनिल बोन्लावार, शरीफ मामु, बालाजी मैलागीरे, मनोज तोटावार, दिगंबर कडलवार, सय्यद सर, मिलिंद बिरकंगन, दिगंबर कौरवार, अनिल तोताडे, अख्तर हाश्मी, खालिद पटेल, सादक भाई, ॐकार उल्लेवार, सय्यद मोहियोद्दिन, विकास मोरे, पाशा भाई, मोईन मिस्त्री, संजय चिन्नमवार, राज गायकवाड, द्याडे अप्पा, संतोष उनग्रतवार, योगेश मैलागीरे आणि पत्रकार बांधव मोठ्या संख्येने उपस्थित होते.

मुंबईतील बॉलिवूडच्या प्रसिद्ध 'सिने स्टिल टीव्ही अँड मोशन फोटोग्राफर्स असोसिएशन'तर्फे दरवर्षीप्रमाणे २०२६ या वर्षातही असोसिएशनच्या सदस्यांच्या पाल्यांना मोफत नोटबुकचे वाटप करण्यात आले आहे. समाजसेवक, निर्माते आणि पत्रकार तसेच संस्थेचे मानद आजीवन सदस्य के. रवि (दादा) यांच्या 'एक लिया मीडिया लिंक एंड इवेंटस मैनेजमेंट'च्या पुढाकाराने आणि सौजन्याने संस्थेच्या कार्यालयात या कार्यक्रमाचे आयोजन करण्यात आले होते. ही संस्था दरवर्षी आपल्या फोटोग्राफर सदस्यांच्या मुलांसाठी मोफत शैक्षणिक साहित्याचे वाटप करते. या उपक्रमाबद्दल संस्थेचे सरचिटणीस अतुल राजकुले आणि अध्यक्ष जनाब अप्पी वारसी यांनी संपूर्ण समितीच्या वतीने श्री. के. रवि (दादा) यांचे मनापासून आभार मानले आहेत. के. रवि (दादा) यांचे सामाजिक कार्यांमधील योगदान अनेक वर्षांपासून सुरू असून बॉलिवूड क्षेत्रासाठीही ते सातत्याने मदत करत असतात. त्यांच्या या 'मोफत नोटबुक वाटप' कार्याबद्दल असोसिएशनच्या सर्व सदस्यांनी त्यांचे विशेष आभार व्यक्त करत कौतुक केले आहे.

परभणी जिल्ह्यातील पाथरी शहराच्या विकासामध्ये कोणीही अडथळा आणू नये, असे स्पष्ट वक्तव्य नगराध्यक्ष आसेफ खान यांनी केले आहे. पाथरीच्या विकासाची कामे सुरळीतपणे पार पाडण्यासाठी या प्रक्रियेत कोणतेही अडथळे निर्माण करू नयेत, असे आवाहन त्यांनी केले आहे.

Post by माधव गायकवाड

पेपर लीक आणि निष्पाप विद्यार्थ्यांवर लाठीचार्ज करणे सरकारला शोभत नाही, अशी टीका करत विरोधी पक्षनेते राहुल गांधी यांनी पंतप्रधान निवासासमोर धरणे आंदोलन सुरू केले आहे. निष्पाप विद्यार्थ्यांवर झालेल्या अन्यायाविरोधात आपण सातत्याने लढत राहणार असल्याचा निर्धार त्यांनी व्यक्त केला आहे. आपल्या मागण्या पूर्ण होईपर्यंत हा लढा सुरूच राहील असा इशारा देत राहुल गांधी यांनी शिक्षण मंत्री धर्मेंद्र प्रधान आणि गृहमंत्र्यांच्या राजीनाम्याची मागणी केली आहे. पेपर लीक तातडीने बंद झाले पाहिजेत, सरकारने याची जबाबदारी स्वीकारली पाहिजे आणि विद्यार्थ्यांना न्याय मिळाला पाहिजे, अशा मागण्या या आंदोलनाद्वारे लावून धरण्यात आल्या आहेत.