मुख्यमंत्री वैद्यकीय सहाय्यता निधी कक्षाची डिजिटल झेप; रुग्णांना मिळणार जलद, पारदर्शक आणि सुलभ मदत ऑनलाईन प्रणालीचे लोकार्पण; आरोग्य योजनांचे एकत्रिकरण आणि ‘वॉर रूम’मुळे निर्णय प्रक्रियेला वेग मुंबई : प्रतिनिधी राज्यातील गरजू रुग्णांना तातडीने आणि पारदर्शक पद्धतीने आर्थिक मदत मिळावी यासाठी मुख्यमंत्री वैद्यकीय सहाय्यता निधी कक्षाने मोठी डिजिटल झेप घेतली आहे. मुख्यमंत्री देवेंद्र फडणवीस यांच्या हस्ते नव्याने विकसित करण्यात आलेल्या ऑनलाईन प्रणालीचे लोकार्पण करण्यात आले. या प्रणालीमुळे आरोग्यविषयक विविध योजना एका छताखाली आणल्या जाणार असून, शासन, रुग्ण आणि रुग्णालय यांच्यात समन्वय साधणारे प्रभावी व्यासपीठ निर्माण होणार आहे. सह्याद्री अतिथीगृह येथे झालेल्या कार्यक्रमात या उपक्रमाचे सादरीकरण करण्यात आले. या वेळी मुख्यमंत्री म्हणाले की, हा उपक्रम केवळ आर्थिक मदत देणारा नसून आरोग्य व्यवस्थेत पारदर्शकता आणि गती आणणारा महत्त्वाचा टप्पा ठरेल. विशेषतः कर्करोगासारख्या गंभीर आजारांवरील खर्चिक उपचारांसाठी ही प्रणाली मोठा दिलासा देणारी ठरणार आहे. कर्करोग उपचारांमध्ये वापरली जाणारी ‘इम्युनो थेरपी’ अत्यंत महागडी असल्याने अनेक रुग्णांना ती परवडत नाही. या पार्श्वभूमीवर अशा उपचारांसाठी अधिकाधिक रुग्णांना मदत मिळावी, यासाठी नियोजन करण्याचे निर्देशही मुख्यमंत्री फडणवीस यांनी दिले. तसेच विविध योजनांचा लाभ घेताना दुहेरी मदत होणार नाही, याची दक्षता घेऊन खऱ्या गरजूंना प्राधान्य देण्यावर त्यांनी भर दिला. डिजिटल प्रणालीची वैशिष्ट्ये ठरणार गेमचेंजर नवीन ऑनलाईन प्रणालीमुळे अर्ज प्रक्रियेपासून निधी वितरणापर्यंत सर्व टप्पे पूर्णपणे डिजिटल होणार आहेत. अर्ज केल्यानंतर रुग्णांना त्यांच्या मोबाईलवर एसएमएस आणि लिंकद्वारे रिअल-टाइम माहिती मिळणार आहे. मंजुरीनंतर ३० टक्के निधी तात्काळ वितरित केला जाईल, तर उर्वरित ७० टक्के अंतिम मंजुरीनंतर दिला जाणार आहे. या प्रणालीत मंत्रालय स्तरावर ‘वॉर रूम’ स्थापन करण्यात येणार असून, त्याद्वारे सतत देखरेख ठेवली जाणार आहे. यामुळे निर्णय प्रक्रिया अधिक वेगवान आणि प्रभावी होईल. विशेष म्हणजे, आर्थिक सहाय्याच्या अर्जाला केवळ आठ तासांत मंजुरी देण्याचे उद्दिष्ट ठेवण्यात आले आहे. रुग्णांसाठी सुलभता आणि पारदर्शकता ही संपूर्ण प्रक्रिया पेपरलेस असून रुग्णांना स्वतंत्रपणे अर्ज करण्याची गरज नाही. संबंधित रुग्णालयातूनच ऑनलाईन अर्ज सादर केला जाईल. आधार, उत्पन्न प्रमाणपत्र यांसारख्या कागदपत्रांची डिजिटल पडताळणी होणार असून मंजूर निधी थेट रुग्णालयाच्या खात्यात जमा केला जाईल. राज्यातील सुमारे ३ हजारांहून अधिक सरकारी आणि खासगी रुग्णालयांचा या प्रणालीत समावेश करण्यात आला आहे. मोबाईल अ‍ॅपच्या माध्यमातून रुग्णांना जवळील रुग्णालय, रुग्णवाहिका आणि रक्तपेढीची माहिती सहज मिळणार आहे. हेल्पलाईन, सीएसआर आणि स्वयंसेवी संस्थांचा सहभाग रुग्णांना तात्काळ मार्गदर्शन मिळावे यासाठी ‘रुग्ण मित्र’ ही २४x७ टोल-फ्री हेल्पलाईन सुरू करण्यात आली आहे. तसेच स्वयंसेवी संस्था आणि कॉर्पोरेट सीएसआरच्या माध्यमातून निधी उभारणीसाठी स्वतंत्र पोर्टल विकसित करण्यात आले आहे. त्रिपक्षीय करार प्रणालीद्वारे रुग्णालय, सीएसआर संस्था आणि मुख्यमंत्री सहाय्यता निधी यांच्यात समन्वय साधला जाणार आहे. या उपक्रमामुळे विशेषतः आर्थिकदृष्ट्या दुर्बल घटकांतील रुग्णांना महागड्या उपचारांसाठी मोठा आधार मिळणार असून, राज्यातील आरोग्य व्यवस्थेला अधिक सक्षम आणि लोकाभिमुख बनविण्याच्या दिशेने हा एक महत्त्वपूर्ण टप्पा मानला जात आहे.

NEWS 24 MAHARASHTRA

Media house पिंपरी चिंचवड, पुणे, महाराष्ट्र•

2 hrs ago

मुख्यमंत्री वैद्यकीय सहाय्यता निधी कक्षाची डिजिटल झेप; रुग्णांना मिळणार जलद, पारदर्शक आणि सुलभ मदत ऑनलाईन प्रणालीचे लोकार्पण; आरोग्य योजनांचे एकत्रिकरण आणि ‘वॉर रूम’मुळे निर्णय प्रक्रियेला वेग मुंबई : प्रतिनिधी राज्यातील गरजू रुग्णांना तातडीने आणि पारदर्शक पद्धतीने आर्थिक मदत मिळावी यासाठी मुख्यमंत्री वैद्यकीय सहाय्यता निधी कक्षाने मोठी डिजिटल झेप घेतली आहे. मुख्यमंत्री देवेंद्र फडणवीस यांच्या हस्ते नव्याने विकसित करण्यात आलेल्या ऑनलाईन प्रणालीचे लोकार्पण करण्यात आले. या प्रणालीमुळे आरोग्यविषयक विविध योजना एका छताखाली आणल्या जाणार असून, शासन, रुग्ण आणि रुग्णालय यांच्यात समन्वय साधणारे प्रभावी व्यासपीठ निर्माण होणार आहे. सह्याद्री अतिथीगृह येथे झालेल्या कार्यक्रमात या उपक्रमाचे सादरीकरण करण्यात आले. या वेळी मुख्यमंत्री म्हणाले की, हा उपक्रम केवळ आर्थिक मदत देणारा नसून आरोग्य व्यवस्थेत पारदर्शकता आणि गती आणणारा महत्त्वाचा टप्पा ठरेल. विशेषतः कर्करोगासारख्या गंभीर आजारांवरील खर्चिक उपचारांसाठी ही प्रणाली मोठा दिलासा देणारी ठरणार आहे. कर्करोग उपचारांमध्ये वापरली जाणारी ‘इम्युनो थेरपी’ अत्यंत महागडी असल्याने अनेक रुग्णांना ती परवडत नाही. या पार्श्वभूमीवर अशा उपचारांसाठी अधिकाधिक रुग्णांना मदत मिळावी, यासाठी नियोजन करण्याचे निर्देशही मुख्यमंत्री फडणवीस यांनी दिले. तसेच विविध योजनांचा लाभ घेताना दुहेरी मदत होणार नाही, याची दक्षता घेऊन खऱ्या गरजूंना प्राधान्य देण्यावर त्यांनी भर दिला. डिजिटल प्रणालीची वैशिष्ट्ये ठरणार गेमचेंजर नवीन ऑनलाईन प्रणालीमुळे अर्ज प्रक्रियेपासून निधी वितरणापर्यंत सर्व टप्पे पूर्णपणे डिजिटल होणार आहेत. अर्ज केल्यानंतर रुग्णांना त्यांच्या मोबाईलवर एसएमएस आणि लिंकद्वारे रिअल-टाइम माहिती मिळणार आहे. मंजुरीनंतर ३० टक्के निधी तात्काळ वितरित केला जाईल, तर उर्वरित ७० टक्के अंतिम मंजुरीनंतर दिला जाणार आहे. या प्रणालीत मंत्रालय स्तरावर ‘वॉर रूम’ स्थापन करण्यात येणार असून, त्याद्वारे सतत देखरेख ठेवली जाणार आहे. यामुळे निर्णय प्रक्रिया अधिक वेगवान आणि प्रभावी होईल. विशेष म्हणजे, आर्थिक सहाय्याच्या अर्जाला केवळ आठ तासांत मंजुरी देण्याचे उद्दिष्ट ठेवण्यात आले आहे. रुग्णांसाठी सुलभता आणि पारदर्शकता ही संपूर्ण प्रक्रिया पेपरलेस असून रुग्णांना स्वतंत्रपणे अर्ज करण्याची गरज नाही. संबंधित रुग्णालयातूनच ऑनलाईन अर्ज सादर केला जाईल. आधार, उत्पन्न प्रमाणपत्र यांसारख्या कागदपत्रांची डिजिटल पडताळणी होणार असून मंजूर निधी थेट रुग्णालयाच्या खात्यात जमा केला जाईल. राज्यातील सुमारे ३ हजारांहून अधिक सरकारी आणि खासगी रुग्णालयांचा या प्रणालीत समावेश करण्यात आला आहे. मोबाईल अ‍ॅपच्या माध्यमातून रुग्णांना जवळील रुग्णालय, रुग्णवाहिका आणि रक्तपेढीची माहिती सहज मिळणार आहे. हेल्पलाईन, सीएसआर आणि स्वयंसेवी संस्थांचा सहभाग रुग्णांना तात्काळ मार्गदर्शन मिळावे यासाठी ‘रुग्ण मित्र’ ही २४x७ टोल-फ्री हेल्पलाईन सुरू करण्यात आली आहे. तसेच स्वयंसेवी संस्था आणि कॉर्पोरेट सीएसआरच्या माध्यमातून निधी उभारणीसाठी स्वतंत्र पोर्टल विकसित करण्यात आले आहे. त्रिपक्षीय करार प्रणालीद्वारे रुग्णालय, सीएसआर संस्था आणि मुख्यमंत्री सहाय्यता निधी यांच्यात समन्वय साधला जाणार आहे. या उपक्रमामुळे विशेषतः आर्थिकदृष्ट्या दुर्बल घटकांतील रुग्णांना महागड्या उपचारांसाठी मोठा आधार मिळणार असून, राज्यातील आरोग्य व्यवस्थेला अधिक सक्षम आणि लोकाभिमुख बनविण्याच्या दिशेने हा एक महत्त्वपूर्ण टप्पा मानला जात आहे.