चोरद रस्ता की सरळ लूट ? अंदाजपत्रक लपवून डांबरीकरणाचा धुमाकूळ !' वाशिम प्रतिनिधी/अनंत घुगे मंगरूळपीरः तालुक्यातील गटग्रामपंचायत चोरद व जनुना खुर्द हद्दीतील चोरद रस्त्याच्या कामात उघडपणे नियमांची पायमल्ली होत असल्याचा गंभीर आरोप नागरिकांकडून होत आहे. वर्षभर प्रलंबित असलेले काम अचानक घाईघाईत सुरू करताना ना तांत्रिक प्रक्रिया पाळली, ना अनिवार्य माहिती फलक लावला डांबरीकरण सुरू करून प्रशासनाने पारदर्शकतेला हरताळ फासल्याचा संताप व्यक्त होत आहे. शासनाच्या मंजूर अंदाजपत्रक व तांत्रिक निकषांना केराची टोपली दाखवत जुना डांबरी रस्ता न काढताच नव्याने काम सुरू असल्याचे ग्रामस्थ सांगत आहेत. कामाच्या ठिकाणी थेट कंत्राटदार, मंजूर रक्कम, कालमर्यादा याची कोणतीही माहिती नसल्याने 'अंधारात व्यवहार' सुरू असल्याचा ठपका ठेवला जात आहे. कंत्राटदारांकडून उडवाउडवीची भाषा; 'माहिती हवी तर ऊघ करा' असा पवित्रा घेतला जात असल्याने संशय अधिकच गडद झाला आहे. सार्वजनिक बांधकाम विभागाचे अभियंते, उपअभियंते व वरिष्ठ अधिकारी नेमके कुठे गायब आहेत की संगनमताने हा प्रकार सुरू आहे? असा संतप्त सवाल नागरिक करत आहेत. निकृष्ट दर्जाचे काम झाल्यास त्याचे गंभीर परिणाम शेतकरी, वाहनचालक, शाळकरी मुले व व्यापाऱ्यांना भोगावे लागणार असल्याची भीती व्यक्त होत आहे. त्यामुळे अंदाजपत्रक डावलून सुरू असलेल्या या संशयास्पद कामाची तात्काळ चौकशी करून दोषींवर कठोर कारवाई करण्याची मागणी जोर धरत आहे.

अनंता लक्ष्मण घुगे

Photographer वाशिम, वाशिम, महाराष्ट्र•

5 hrs ago

चोरद रस्ता की सरळ लूट ? अंदाजपत्रक लपवून डांबरीकरणाचा धुमाकूळ !' वाशिम प्रतिनिधी/अनंत घुगे मंगरूळपीरः तालुक्यातील गटग्रामपंचायत चोरद व जनुना खुर्द हद्दीतील चोरद रस्त्याच्या कामात उघडपणे नियमांची पायमल्ली होत असल्याचा गंभीर आरोप नागरिकांकडून होत आहे. वर्षभर प्रलंबित असलेले काम अचानक घाईघाईत सुरू करताना ना तांत्रिक प्रक्रिया पाळली, ना अनिवार्य माहिती फलक लावला डांबरीकरण सुरू करून प्रशासनाने पारदर्शकतेला हरताळ फासल्याचा संताप व्यक्त होत आहे.

शासनाच्या मंजूर अंदाजपत्रक व तांत्रिक निकषांना केराची टोपली दाखवत जुना डांबरी रस्ता न काढताच नव्याने काम सुरू असल्याचे ग्रामस्थ सांगत आहेत. कामाच्या ठिकाणी थेट कंत्राटदार, मंजूर रक्कम, कालमर्यादा याची कोणतीही माहिती नसल्याने 'अंधारात व्यवहार' सुरू असल्याचा ठपका ठेवला जात आहे. कंत्राटदारांकडून उडवाउडवीची भाषा; 'माहिती हवी तर ऊघ करा' असा पवित्रा घेतला जात असल्याने संशय अधिकच गडद झाला आहे. सार्वजनिक बांधकाम विभागाचे

अभियंते, उपअभियंते व वरिष्ठ अधिकारी नेमके कुठे गायब आहेत की संगनमताने हा प्रकार सुरू आहे? असा संतप्त सवाल नागरिक करत आहेत. निकृष्ट दर्जाचे काम झाल्यास त्याचे गंभीर परिणाम शेतकरी, वाहनचालक, शाळकरी मुले व व्यापाऱ्यांना भोगावे लागणार असल्याची भीती व्यक्त होत आहे. त्यामुळे अंदाजपत्रक डावलून सुरू असलेल्या या संशयास्पद कामाची तात्काळ चौकशी करून दोषींवर कठोर कारवाई करण्याची मागणी जोर धरत आहे.