शिरड शहापूरमध्ये बेकायदेशीर लूट, घोटाळ्यांविरोधात संताप; १७ एप्रिलला वंचितचे व शेतकरी नेते अनिल कांबळे यांच्या नेतृत्वात ‘रस्ता रोको’ आंदोलनाचा इशारा शिरड शहापूर परिसरातील कोचा बाजारपेठेतील बेकायदेशीर लूट, जवळा बाजार समितीतील भूखंड घोटाळा, कर्मचाऱ्यांचे थकीत वेतन, CCI खरेदीतील गैरप्रकार तसेच जनावरांच्या सोयींच्या अभावाविरोधात तीव्र आंदोलनाचा इशारा देण्यात आला आहे. याबाबत वंचित बहुजन आघाडीचे मा. जिल्हाध्यक्ष अनिल भाऊ कांबळे यांनी औंढा नागनाथ पोलीस ठाण्यात व तहसीलदार ऐनाध ना. यांना निवेदन सादर केले आहे. निवेदनात नमूद केल्याप्रमाणे, शिरड शहापूर येथील कोचा (मदर टर्मरिक) बाजारपेठेत व्यापाऱ्यांकडून प्रति क्विंटल सुमारे ₹१२५० पर्यंत बेकायदेशीर वसुली केली जात असून ३५ ते ४० किलोच्या पोत्यावर २.३०० किलोपर्यंत ‘कट्टी’ कापली जात आहे. ही प्रथा कोणत्याही कायदेशीर तरतुदीत बसत नसून शेतकऱ्यांची सर्रास लूट होत असल्याचा आरोप करण्यात आला आहे.सर्वच शेती मालावर कट्टी प्रथा बंद करावी. तसेच, जवळा बाजार समितीत मोठ्या प्रमाणात भूखंड व्यवहारात गैरव्यवहार व भ्रष्टाचार झाल्याची तक्रार असूनही कोणतीही ठोस कारवाई करण्यात आलेली नाही. याशिवाय, बाजार समितीतील कर्मचाऱ्यांचे मागील सहा महिन्यांपासून वेतन थकीत असल्याने कामगार कायद्यांचे उल्लंघन होत असल्याचे निवेदनात नमूद आहे. दरम्यान, बाजार समितीत जनावरांसाठी पिण्याच्या पाण्याची व चाऱ्याची कोणतीही सुविधा उपलब्ध नसल्याने शेतकरी व जनावरांना त्रास सहन करावा लागत आहे. हा प्रकार प्राणी संरक्षणाशी संबंधित नियमांचे उल्लंघन असल्याचेही सांगण्यात आले आहे. CCI शिरड शहापूर येथे बनावट ७/१२ दाखल्यांच्या आधारे कापूस खरेदी झाल्याचा गंभीर आरोप करण्यात आला असून हा प्रकार शासनाची आर्थिक फसवणूक करणारा असल्याचे निवेदनात स्पष्ट करण्यात आले आहे. तसेच वजन व मापे विभागाकडून कोणतीही कारवाई न झाल्याने शेतकऱ्यांची सातत्याने फसवणूक होत असल्याचा आरोपही करण्यात आला आहे. या सर्व प्रकरणांवर तात्काळ फौजदारी गुन्हे दाखल करावेत, कोचा व सर्वच शेतमालावर बाजारपेठेतील ‘कट्टी’ प्रथा बंद करावी, कर्मचाऱ्यांचे थकीत वेतन अदा करावे, जनावरांसाठी आवश्यक सुविधा उपलब्ध करून द्याव्यात, CCI प्रकरणाची सखोल चौकशी करावी व वजन मापे विभागाकडून तपासणी मोहीम राबवावी, अशा मागण्या करण्यात आल्या आहेत. यापूर्वी दिनांक २५/०९/२०२४, ३०/१०/२०२४, ०५/१२/२०२४ व ०७/०१/२०२५ रोजी निवेदने देऊनही कोणतीही प्रभावी कारवाई न झाल्याने अखेर दि. १७/०४/२०२५ रोजी दुपारी ०४:०० वाजता शिरड शहापूर बस स्थानक येथे तीव्र ‘रस्ता रोको’ आंदोलन छेडण्यात येणार असल्याचा इशारा देण्यात आला आहे. या आंदोलनादरम्यान कायदा व सुव्यवस्थेचा प्रश्न निर्माण झाल्यास त्याची संपूर्ण जबाबदारी प्रशासनाची राहील, असेही निवेदनात नमूद करण्यात आले आहे.

दिपक हैबतराव चोरमले

Local Politician औंढा (नागनाथ), हिंगोली, महाराष्ट्र•

2 hrs ago

शिरड शहापूरमध्ये बेकायदेशीर लूट, घोटाळ्यांविरोधात संताप; १७ एप्रिलला वंचितचे व शेतकरी नेते अनिल कांबळे यांच्या नेतृत्वात ‘रस्ता रोको’ आंदोलनाचा इशारा शिरड शहापूर परिसरातील कोचा बाजारपेठेतील बेकायदेशीर लूट, जवळा बाजार समितीतील भूखंड घोटाळा, कर्मचाऱ्यांचे थकीत वेतन, CCI खरेदीतील गैरप्रकार तसेच जनावरांच्या सोयींच्या अभावाविरोधात तीव्र आंदोलनाचा इशारा देण्यात आला आहे. याबाबत वंचित बहुजन आघाडीचे मा. जिल्हाध्यक्ष अनिल भाऊ कांबळे यांनी औंढा नागनाथ पोलीस ठाण्यात व तहसीलदार ऐनाध ना. यांना निवेदन सादर केले आहे. निवेदनात नमूद केल्याप्रमाणे, शिरड शहापूर येथील कोचा (मदर टर्मरिक) बाजारपेठेत व्यापाऱ्यांकडून प्रति क्विंटल सुमारे ₹१२५० पर्यंत बेकायदेशीर वसुली केली जात असून ३५ ते ४० किलोच्या पोत्यावर २.३०० किलोपर्यंत ‘कट्टी’ कापली जात आहे. ही प्रथा कोणत्याही कायदेशीर तरतुदीत बसत नसून शेतकऱ्यांची सर्रास लूट होत असल्याचा आरोप करण्यात आला आहे.सर्वच शेती मालावर कट्टी प्रथा बंद करावी. तसेच, जवळा बाजार समितीत मोठ्या प्रमाणात भूखंड व्यवहारात गैरव्यवहार व भ्रष्टाचार झाल्याची तक्रार असूनही कोणतीही ठोस कारवाई करण्यात आलेली नाही. याशिवाय, बाजार समितीतील कर्मचाऱ्यांचे मागील सहा महिन्यांपासून वेतन थकीत असल्याने कामगार कायद्यांचे उल्लंघन होत असल्याचे निवेदनात नमूद आहे. दरम्यान, बाजार समितीत जनावरांसाठी पिण्याच्या पाण्याची व चाऱ्याची कोणतीही सुविधा उपलब्ध नसल्याने शेतकरी व जनावरांना त्रास सहन करावा लागत आहे. हा प्रकार प्राणी संरक्षणाशी संबंधित नियमांचे उल्लंघन असल्याचेही सांगण्यात आले आहे. CCI शिरड शहापूर येथे बनावट ७/१२ दाखल्यांच्या आधारे कापूस खरेदी झाल्याचा गंभीर आरोप करण्यात आला असून हा प्रकार शासनाची आर्थिक फसवणूक करणारा असल्याचे निवेदनात स्पष्ट करण्यात आले आहे. तसेच वजन व मापे विभागाकडून कोणतीही कारवाई न झाल्याने शेतकऱ्यांची सातत्याने फसवणूक होत असल्याचा आरोपही करण्यात आला आहे. या सर्व प्रकरणांवर तात्काळ फौजदारी गुन्हे दाखल करावेत, कोचा व सर्वच शेतमालावर बाजारपेठेतील ‘कट्टी’ प्रथा बंद करावी, कर्मचाऱ्यांचे थकीत वेतन अदा करावे, जनावरांसाठी आवश्यक सुविधा उपलब्ध करून द्याव्यात, CCI प्रकरणाची सखोल चौकशी करावी व वजन मापे विभागाकडून तपासणी मोहीम राबवावी, अशा मागण्या करण्यात आल्या आहेत. यापूर्वी दिनांक २५/०९/२०२४, ३०/१०/२०२४, ०५/१२/२०२४ व ०७/०१/२०२५ रोजी निवेदने देऊनही कोणतीही प्रभावी कारवाई न झाल्याने अखेर दि. १७/०४/२०२५ रोजी दुपारी ०४:०० वाजता शिरड शहापूर बस स्थानक येथे तीव्र ‘रस्ता रोको’ आंदोलन छेडण्यात येणार असल्याचा इशारा देण्यात आला आहे. या आंदोलनादरम्यान कायदा व सुव्यवस्थेचा प्रश्न निर्माण झाल्यास त्याची संपूर्ण जबाबदारी प्रशासनाची राहील, असेही निवेदनात नमूद करण्यात आले आहे.