नाशिकच्या उपनगर परिसरात फूड अँड ड्रग्ज विभागाचे अधिकारी असल्याचे भासवून एका पानटपरीवर धाड टाकून कारवाईची भीती दाखवत १० लाख रुपयांची खंडणी मागितल्याचा धक्कादायक प्रकार उघडकीस आला आहे. या प्रकरणामध्ये तडजोडीअंती ५ लाख रुपयांवर सौदा करण्याचा प्रयत्न झाला. याप्रकरणी तीन पुरुष व तीन महिलांसह एकूण सहा जणांविरुद्ध उपनगर पोलीस ठाण्यात गुन्हा दाखल करण्यात आला आहे. पोलिसांनी दिलेल्या माहितीनुसार, पानटपरी चालक दीपक पोपटराव बोराडे यांनी याबाबत फिर्याद दाखल केली आहे. सोमवार सकाळी साडेअकराच्या सुमारास शिवाजीनगर बसस्टॉपजवळील त्यांच्या ‘शिवनेरी’ पानटपरीवर एमएच ४६ सीयू ८७०६ क्रमांकाच्या कारमधून आलेल्या सहा जणांनी स्वतःला फूड अँड ड्रग्ज विभागाचे अधिकारी सांगितले. त्यांनी परवानगीशिवाय टपरीत प्रवेश करून तपासणी सुरू केली, तर त्यांच्यापैकी एका व्यक्तीने पत्रकार असल्याचे सांगत कॅमेऱ्याद्वारे चित्रीकरण सुरू केले. फिर्यादीनुसार, संबंधित व्यक्तींनी बोराडे यांना घेराव घालत कारवाई टाळायची असेल तर १० लाख रुपये द्यावे लागतील, अशी मागणी केली. त्यानंतर फोनवर बोलण्याचा बहाणा करत त्यांनी ५ लाख रुपये देण्यास सांगितले. संशय आल्याने बोराडे यांनी परिचित पत्रकाराशी संपर्क साधून पोलिसांना माहिती दिली. पोलिसांनी घटनास्थळी पोहोचून चौकशी केली असता, संशयितांनी त्यांची नावे सुनील गजानन मालुसरे (घाटकोपर), शरद रामचंद्र गायकर (दिवा, ठाणे), शरद भगवान पाटील (डोंबिवली), गौरी महेश बर्डे (ठाणे), सरिता संजय मोरे (पूर्व ठाणे) आणि सरला शरद गायकर (दिवा, ठाणे) अशी सांगितली. त्यांनी आपण सामाजिक कार्यकर्ते असल्याचा दावा केल्याचेही फिर्यादीत नमूद आहे. बनावट अधिकारी असल्याचे भासवून खंडणी उकळण्याचा प्रयत्न केल्याप्रकरणी उपनगर पोलीस ठाण्यात गुन्हा दाखल करण्यात आला असून, या प्रकरणाचा पुढील तपास सुरू आहे.

Anil GUNJAL

नाशिक, नाशिक, महाराष्ट्र•

2 hrs ago

नाशिकच्या उपनगर परिसरात फूड अँड ड्रग्ज विभागाचे अधिकारी असल्याचे भासवून एका पानटपरीवर धाड टाकून कारवाईची भीती दाखवत १० लाख रुपयांची खंडणी मागितल्याचा धक्कादायक प्रकार उघडकीस आला आहे. या प्रकरणामध्ये तडजोडीअंती ५ लाख रुपयांवर सौदा करण्याचा प्रयत्न झाला. याप्रकरणी तीन पुरुष व तीन महिलांसह एकूण सहा जणांविरुद्ध उपनगर पोलीस ठाण्यात गुन्हा दाखल करण्यात आला आहे. पोलिसांनी दिलेल्या माहितीनुसार, पानटपरी चालक दीपक पोपटराव बोराडे यांनी याबाबत फिर्याद दाखल केली आहे. सोमवार सकाळी साडेअकराच्या सुमारास शिवाजीनगर बसस्टॉपजवळील त्यांच्या ‘शिवनेरी’ पानटपरीवर एमएच ४६ सीयू ८७०६ क्रमांकाच्या कारमधून आलेल्या सहा जणांनी स्वतःला फूड अँड ड्रग्ज विभागाचे अधिकारी सांगितले. त्यांनी परवानगीशिवाय टपरीत प्रवेश करून तपासणी सुरू केली, तर त्यांच्यापैकी एका व्यक्तीने पत्रकार असल्याचे सांगत कॅमेऱ्याद्वारे चित्रीकरण सुरू केले. फिर्यादीनुसार, संबंधित व्यक्तींनी बोराडे यांना घेराव घालत कारवाई टाळायची असेल तर १० लाख रुपये द्यावे लागतील, अशी मागणी केली. त्यानंतर फोनवर बोलण्याचा बहाणा करत त्यांनी ५ लाख रुपये देण्यास सांगितले. संशय आल्याने बोराडे यांनी परिचित पत्रकाराशी संपर्क साधून पोलिसांना माहिती दिली. पोलिसांनी घटनास्थळी पोहोचून चौकशी केली असता, संशयितांनी त्यांची नावे सुनील गजानन मालुसरे (घाटकोपर), शरद रामचंद्र गायकर (दिवा, ठाणे), शरद भगवान पाटील (डोंबिवली), गौरी महेश बर्डे (ठाणे), सरिता संजय मोरे (पूर्व ठाणे) आणि सरला शरद गायकर (दिवा, ठाणे) अशी सांगितली. त्यांनी आपण सामाजिक कार्यकर्ते असल्याचा दावा केल्याचेही फिर्यादीत नमूद आहे. बनावट अधिकारी असल्याचे भासवून खंडणी उकळण्याचा प्रयत्न केल्याप्रकरणी उपनगर पोलीस ठाण्यात गुन्हा दाखल करण्यात आला असून, या प्रकरणाचा पुढील तपास सुरू आहे.