बीड जिल्ह्यात पाडळी बसस्थानक ते पाडळी हायस्कूलपर्यंतच्या सिमेंट रस्त्याच्या कामात निकृष्ट दर्जाचे साहित्य वापरल्याचा आरोप युवा सामाजिक कार्यकर्ते अशोक पांडुरंग विघ्ने यांनी केला आहे. त्यांनी या कामाची गुणवत्ता नियंत्रण समितीकडून तातडीने तपासणी करण्याची मागणी केली असून, याबाबत मुख्य कार्यकारी अभियंता, बीड यांच्याकडे लेखी तक्रार दाखल केली आहे. अशोक विघ्ने यांनी दिलेल्या निवेदनानुसार, संबंधित कंत्राटदार आणि अभियंता यांनी शासनाच्या बांधकाम नियमांकडे दुर्लक्ष करत अत्यंत निकृष्ट दर्जाचे काम केले आहे. यामुळे गेल्या चार महिन्यांपासून रस्त्यालगत राहणाऱ्या नागरिकांना मानसिक आणि आर्थिक त्रास सहन करावा लागत असल्याचा आरोप विघ्ने यांनी केला आहे. तसेच शासनाचा निधी मनमानी पद्धतीने खर्च करण्यात आल्याचेही त्यांनी म्हटले आहे. निवेदनात पुढे नमूद केले आहे की, रस्त्याचे बांधकाम शासकीय मोजमाप पुस्तिकेनुसार झालेले नाही, तसेच रस्त्याच्या दुतर्फा बांधण्यात आलेल्या नाल्यांचा दर्जा अत्यंत निकृष्ट आहे. या नाल्यांना योग्य उतार नसल्यामुळे पावसाळ्यात पाण्याचा निचरा होण्यास अडथळा निर्माण होऊन भवानीमाता मंदिर ते पद्मावती नदी पुलापर्यंतचा परिसर पाण्याखाली जाण्याची शक्यता आहे. नाल्यांची गटारे झाकलेली नसून बांधकामात वापरलेल्या लोखंडी सळया उघड्या ठेवल्यामुळे अपघाताचा धोका वाढला आहे. पाणी तुंबल्यास रस्त्यालगतच्या घरांमध्ये पाणी शिरण्याची भीती नागरिकांनी व्यक्त केली आहे. याव्यतिरिक्त, टिप्पर आणि मिक्सरच्या वापरामुळे काही खाजगी जागांवर सिमेंटचे ढिगारे टाकण्यात आल्याचा आरोप असून, बांधकामादरम्यान योग्य प्रमाणात पाण्याचा वापर न झाल्याने सिमेंटचे काम कमकुवत झाल्याचा दावाही निवेदनात करण्यात आला आहे. दरम्यान, जर या कामाची गुणवत्ता नियंत्रण समितीकडून तातडीने तपासणी करण्यात आली नाही, तर सार्वजनिक बांधकाम विभागाच्या कार्यालयासमोर लोकशाही मार्गाने आंदोलन छेडण्याचा इशारा अशोक पांडुरंग विघ्ने यांनी दिला आहे.

बालाजी जगतकर

Farmer बीड, बीड, महाराष्ट्र•

10 hrs ago

बीड जिल्ह्यात पाडळी बसस्थानक ते पाडळी हायस्कूलपर्यंतच्या सिमेंट रस्त्याच्या कामात निकृष्ट दर्जाचे साहित्य वापरल्याचा आरोप युवा सामाजिक कार्यकर्ते अशोक पांडुरंग विघ्ने यांनी केला आहे. त्यांनी या कामाची गुणवत्ता नियंत्रण समितीकडून तातडीने तपासणी करण्याची मागणी केली असून, याबाबत मुख्य कार्यकारी अभियंता, बीड यांच्याकडे लेखी तक्रार दाखल केली आहे. अशोक विघ्ने यांनी दिलेल्या निवेदनानुसार, संबंधित कंत्राटदार आणि अभियंता यांनी शासनाच्या बांधकाम नियमांकडे दुर्लक्ष करत अत्यंत निकृष्ट दर्जाचे काम केले आहे. यामुळे गेल्या चार महिन्यांपासून रस्त्यालगत राहणाऱ्या नागरिकांना मानसिक आणि आर्थिक त्रास सहन करावा लागत असल्याचा आरोप विघ्ने यांनी केला आहे. तसेच शासनाचा निधी मनमानी पद्धतीने खर्च करण्यात आल्याचेही त्यांनी म्हटले आहे. निवेदनात पुढे नमूद केले आहे की, रस्त्याचे बांधकाम शासकीय मोजमाप पुस्तिकेनुसार झालेले नाही, तसेच रस्त्याच्या दुतर्फा

बांधण्यात आलेल्या नाल्यांचा दर्जा अत्यंत निकृष्ट आहे. या नाल्यांना योग्य उतार नसल्यामुळे पावसाळ्यात पाण्याचा निचरा होण्यास अडथळा निर्माण होऊन भवानीमाता मंदिर ते पद्मावती नदी पुलापर्यंतचा परिसर पाण्याखाली जाण्याची शक्यता आहे. नाल्यांची गटारे झाकलेली नसून बांधकामात वापरलेल्या लोखंडी सळया उघड्या ठेवल्यामुळे अपघाताचा धोका वाढला आहे. पाणी तुंबल्यास रस्त्यालगतच्या घरांमध्ये पाणी शिरण्याची भीती नागरिकांनी व्यक्त केली आहे. याव्यतिरिक्त, टिप्पर आणि मिक्सरच्या वापरामुळे काही खाजगी जागांवर सिमेंटचे ढिगारे टाकण्यात आल्याचा आरोप असून, बांधकामादरम्यान योग्य प्रमाणात पाण्याचा वापर न झाल्याने सिमेंटचे काम कमकुवत झाल्याचा दावाही निवेदनात करण्यात आला आहे. दरम्यान, जर या कामाची गुणवत्ता नियंत्रण समितीकडून तातडीने तपासणी करण्यात आली नाही, तर सार्वजनिक बांधकाम विभागाच्या कार्यालयासमोर लोकशाही मार्गाने आंदोलन छेडण्याचा इशारा अशोक पांडुरंग विघ्ने यांनी दिला आहे.